Jɛrimaya 7:16 - Krio Fɔs Oli Baybul

¹⁶ “As fɔ yu, nɔ pre fɔ dɛn pipul dɛn ya, ɔ kray ɔ ala de pre fɔ dɛm, ɛn nɔ tray fɔ chenj mi maynd, bikɔs a nɔ go lisin yu.

Jɛrimaya 7:16 Referans Kwoze

Jɛrimaya 11:14

Fɔseka dat, nɔ pre fɔ dɛn pipul dɛn ya, ɔ kray to mi, ɔ pre fɔ beg fɔ dɛm, bikɔs a nɔ go lisin we dɛn kɔl mi we trɔbul mit dɛm.

Jɛrimaya 15:1

Nain PAPA GƆD tɛl mi se, ‘Ɔlwe Mozis ɛn Samiɛl bin tinap bifo mi, mi at stil nɔ bin tek dɛn pipul ya. Drɛb dɛn kɔmɔt bifo mi lɛ dɛn go!

Ɛksodɔs 32:10

so, lɛf mi saful lɛ a dil wit dɛn ɛn dɔnawe wit dɛn. Fɔ yu yon say, a go mek yu ɛn yu jɛnareshɔn dɛn tɔn to wanol neshɔn.”

Jɛrimaya 18:20

Iuvl na pemɛnt fɔ gud? Pan ɔl dat, dɛn dɔn dig dip ol fɔ mi layf. Mɛmba aw a bin tinap bifo yu, fɔ tɔk gud bɔt dɛm, fɔ mek yu at kol fɔ dɛm.

Ayzaya 1:15

We una tret una an dɛn to mi, A go kɔba mi yay lɛ a nɔ si, i lɛk we una pre bɔku bɔku prea A nɔ go lisin; na so so blɔd de na una an.

Jɔn In Fɔs Lɛta 5:16

If ɛni bɔdi si in kɔmpin sin ɛn da sin de nɔto sin we go tap am mek i nɔ gɛt layf we go de sote go, i fɔ pre fɔ am ɛn Gɔd go gi am di tru layf. Bɔt di pre we i de pre nɔ go ɛp dɛn pipul we sin da bad bad sin we de mek pɔsin nɔ gɛt layf we go de sote go, ɛn a nɔ se una fɔ pre to Gɔd fɔ dɛn kayn sin de.

Mayka 3:4

Dɛn go pre to PAPA GƆD bɔt i nɔ go ansa dɛn. I nɔ go lisin to dɛnsɛf bikɔs dɛn dɔn du bad.

Ditarɔnɔmi 9:14

PAPA GƆD se i want lɛ Mozis lɛf am mek i dɔnawe wit dɛn ɛn nɔbɔdi nɔ go lɛf we dɛn go tek mɛmba dɛn, ɛn in go mek ɔda pipul dɛn fɔ Mozis we go kɔmɔt na Mozis in layn, we go plɛnti ɛn gɛt pawa pas di Izrɛlayt dɛn.

2 Samiɛl 8:18

Bɛnaya we na Jɛoyada in bɔypikin bin de inchaj ɔf di Kɛrɛthayt ɛn Pɛlɛtayt dɛn; ɛn Devid in bɔypikin dɛn na bin man dɛn we de mek sakrifays fɔ pipul sin.

Jɛrimaya 7:17

Yu nɔ si wetin dɛn de du na di siti dɛn na Juda ɛn na di trit dɛn na Jerusɛlɛm?

Jɛrimaya 15:6

PAPA GƆD se, yu bin dɔn tɔn yu bak pan mi, ɛn yu bin jɛs de go biɛn; so a tek akshɔn agens yu ɛn nyakanyaka yu; – A nɔ go ebul sɔri fɔ una igen

Jɛrimaya 4:28

Bikɔs di wɔl go munin, ɛn di klawd dɛn we de oba una ed go blak; bikɔs mi dɔn tɔk, mi dɔn se i fɔ bi; A nɔ taya, ɛn a nɔ go chenj mi mind.”