Jɛrimaya 7:15 - Krio Fɔs Oli Baybul

¹⁵ Ɛn a go drɛb una kɔmɔt bifo mi, lɛkɛ we a drɛb ɔl una kɔntriman dɛm, we na Ifrem in pikin dɛm.

Jɛrimaya 7:15 Referans Kwoze

Jɛrimaya 15:1

Nain PAPA GƆD tɛl mi se, ‘Ɔlwe Mozis ɛn Samiɛl bin tinap bifo mi, mi at stil nɔ bin tek dɛn pipul ya. Drɛb dɛn kɔmɔt bifo mi lɛ dɛn go!

Ozie 13:16

Sameria go bia wetin gɛt fɔ mit am bikɔs i mek rebɛl pan in PAPA GƆD; dɛn ɔl go day na wa, dɛn go bit di lili pikin dɛn te dɛn day ɛn plit di bɛlɛuman dɛn bɛlɛ opin.

Jɛrimaya 52:3

Fɔ tru tru, bikɔs PAPA GƆD bin vɛks bad bad wan, di kayn tin dɛm we apin na Jerusɛlɛm ɛn Juda, bin mek PAPA GƆD trowe dɛm kɔmɔt bifo am. Ɛn Zɛdikaya bin ribɛl agens di kiŋ na Babilɔn.

2 Kiŋ 17:23

na dat dɛn bin de pan te PAPA GƆD drɛb dɛn kɔmɔt bifo am; ɛn i bin dɔn tɛl in prɔfɛt dɛn fɔ wɔn dɛn. Na so di Izrɛlayt dɛn tek kɔmɔt go Ɛgzayl na Asiria ɛn na de dɛn de te tide.

Ozie 12:1

Ifrem in jɛs de wes in tɛm ol de. Na soso lay ɛn fɔls layf i de pan. Dɛn dɔn mek bagin wit Asiria ɛn dɛn de tredin wit Ijipt.

Ozie 9:9

I se dɛn so dɔn du bad i tan lɛk aw di pipul na Gibia bin biev. I se PAPA GƆD go mɛmba di sin we dɛn de sin ɛn i go pɔnish dɛn fɔ dat.

Ozie 9:3

I se dɛn nɔ go lɛf na PAPA GƆD in land we ɔltin de, bɔt Ifrem go go bak na Ijipt ɛn we dɛn de na Asiria, dɛn go it it we nɔ klin na PAPA GƆD in yay.

Ozie 1:4

PAPA GƆD tɛl am se i fɔ gi di pikin nem Jɛzril bikɔs i nɔ go tu te igen i go pɔnish Jɛu in pipul fɔ ɔl di blɔd we Jɛu wes na Jɛzril. Dɔn i se in go mek Jɛu in pipul lɛf fɔ rul Izrɛl.

Jɛrimaya 23:39

fɔseka dat, fɔ tru tru, a go es una ɛn trowe una kɔmɔt bifo mi, una ɛn di siti we a gi una ɛn una fɔstɛmpapa dɛm.

Jɛrimaya 3:8

I bin si se, fɔ ɔl di adɔltri we dawande, we na Izrɛl we nɔ gɛt feth, bin kɔmit, a bin dɔn dayvɔs am; pan ɔl dat, da in fɔls sista nɔ bin fred, insɛf go mek insɛf rare gyal.

2 Kronikuls 15:9

Dɔn i gɛda ɔlman na Juda ɛn Bɛnjamin ɛn dɛm wan we kɔmɔt Ifrem, Manasɛ ɛn Simiɔn we bin tap wit dɛm, bikɔs bɔku pan dɛn bin dɔn rɔnawe kɔmɔt Izrɛl go tap to am, we dɛn si se PAPA GƆD bin de wit am.

2 Kiŋ 24:20

Na bikɔs PAPA GƆD bin vɛks mek i put dombolo na Jerusɛlɛm ɛn Juda, dɔn faynali i push dɛn kɔmɔt nia am.

Di Nɔmba Dɛm 1:32

Pan Josɛf in pikin dɛn, dɛn rayt ɔl di man dɛn we dɔn ol twɛnti ia ɛn we ebul fɔ jɔyn di ami dɛn nem dɔŋ, na Ifrem in jɛnareshɔn, lɛk aw nɔmɔ i bin de na di rɛkɔd we di fambul bin gɛt.

Di Sam Dɛm 51:11

Nɔ lɛf mi to misɛf bikɔs a sin ɛn nɔ tek di Oli Spirit kɔmɔt pan mi.

Ayzaya 7:16

Bikɔs, bifo di pikin no aw nɔ fɔ du bad ɛn pik gud, nɔbɔdi nɔ go de na di land we dɛn tu kiŋ we de trɛtin una de.

Jɛrimaya 9:19

Bikɔs, wi de yɛri pipul dɛn de kray na Zayɔn se: “Wetin mek wi dɔn alaki so! Dɛn dɔn disgres wi bad bad wan,, bikɔs wi dɔn kɔmɔt na di land, bikɔs dɛn dɔn brok brok wi os dɛm.”

Izikɛl 23:31

Yu dɔn waka di rod we yu sista bin waka, ɛn na so a go gi yu, yu sista in kɔp na yu an.

Ozie 7:13

I se dɛn dɔn alaki bikɔs dɛn lɛf fɔ fala am. Dɛn dɔn pwɛl dɛnsɛf kpatakpata bikɔs dɛn tɔn dɛn bak pan am. I se pan ɔl we i de tray fɔ pul dɛn pan trɔbul, dɛn de lay pan am.

Ozie 9:13

I se in dɔn si se ɔl Ifrem in bɔypikin dɛn go day wan bay wan. I se na Ifrem de fɛn dɛn day fɔ dɛnsɛf.

Jona 2:4

A bin min se i dɔn fɔgɛt bɔt mi ɔltogɛda ɛn a nɔ go ebul go nain oli os igen

Jɛrimaya 23:33

Wɛn wan pan dɛn pipul ya, ɔ prɔfɛt, ɔ man we de mek sakrifays fɔ pipul sin, aks yu se, ‘Wetin na PAPA GƆD in lod? Yu fɔ tɛl dɛn se, ‘Na yu na di Lod’ ɛn a go trowe yu. Na so PAPA GƆD se.’

Izikɛl 33:25

Fɔseka dat, tɛl dɛn se, na dis PAPA GƆD se: Wɛn una de it bif wit in blɔd pan am, ɛn de es una yay to una lay lay gɔd dɛm, ɛn de mek blɔd flo; di kɔntri go bi una yon?