Jɛrimaya 7:13 - Krio Fɔs Oli Baybul

¹³ PAPA GƆD se, ɛn rayt naw, bikɔs una dɔn du ɔl dɛn tin ya, ɛn wɛn a bin de tɔk to una ɛn nɔ de blo, una nɔ bin lisin, ɛn wɛn a kɔl una, una nɔ ansa,

Jɛrimaya 7:13 Referans Kwoze

Ayzaya 65:12

A go mek, fɔ lɛ dɛn kil una, bi yu dɛstini, ɛn una ɔl go gri lɛ dɛn kil una; bikɔs, wɛn a bin kɔl una, una nɔ bin ansa, we a bin tɔk, una nɔ bin lisin, bɔt una du bad bad tin dɛn na mi yay, ɛn pik fɔ du tin dɛn we a nɔ go gladi fɔ.”

Jɛrimaya 7:25

Frɔm di de we una papa dɛm kɔmɔt Ijipt, te tide, a nɔ de taya fɔ sɛn ɔl mi wokman dɛn we na di prɔfɛt dɛm, to dɛm, de afta de;

Prɔvabs 1:24

A tɔk to una bɔt una nɔ yɛri; a kɔl una bɔt una nɔ kam,

Matyu 23:37

“Jerusɛlɛm, Jerusɛlɛm, oya, oya, una de kil dɛn prɔfɛt ɛn ston dɛn mɛsenja we Gɔd sɛn to una! Plɛnti tɛm a kin want gɛda una rawnd mi, lɛkɛ aw kombra fɔl de gɛda in pikin dɛn ɔnda in fɛda, bɔt una nɔba gri!

Zɛkaraya 7:13

I se we in tɔk, di pipul dɛn nɔ de yɛri, so, we dɛnsɛf pre to am, i nɔ go yɛri.

Ozie 11:7

I se sins di pipul dɔn mekɔp fɔ lɛf am to insɛf, na dɛnsɛf dɔn pik se tin fɔ traŋa fɔ dɛn ɛn nɔbɔdi nɔ go ebul ɛp dɛm.

Ozie 11:2

I se, di mɔ we i de drɔ dɛn to insɛf, na di mɔ dɛn de rɔn kɔmɔt frɔm am; dɛn de fɔ de mek sakrifays to di Beal dɛn; ɛn bɔn insɛns to di gɔd dɛn we dɛn mek.

Jɛrimaya 44:4

Pan ɔl dat, a bin de sɛn mi wokman dɛm we na di prɔfɛt dɛn to una ɔltɛm fɔ tɛl una se, ‘Ey, una nɔ du dis bad bad tin we a et bad bad wan!’

Jɛrimaya 35:17

Fɔseka dat na dis PAPA GƆD Ɔlmayti we na Izrɛl dɛn Gɔd se: Biliv mi, a de briŋ ɔl di bad bad tin dɛm pan Juda ɛn Jerusɛlɛm, we a bin dɔn tɔk se go bi to dɛm; bikɔs a tɔk to dɛm bɔt dɛn nɔ lisin, a dɔn kɔl dɛm bɔt dɛn nɔ ansa.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Jɛrimaya 25:3

I se, “Fɔ twɛnti tri ia, frɔm di ia we mek Josaya we na Amɔn in bɔypikin, tɔtin ia as kiŋ na Juda’ te to dis de, PAPA GƆD in wɔd dɔn kam to mi ɛn a dɔn kɔntinyu fɔ tɔk to una, bɔt una nɔ lisin.

Jɛrimaya 11:7

Bikɔs a bin wɔn una fɔstɛmpapa dɛn siriɔs siriɔs wan we a bin pul dɛn kɔmɔt Ijipt, ɛn a bin de wɔn dɛm ɔltɛm, ivin to tide, Una de du wetin a se una fɔ de du.

Ayzaya 66:4

Misɛf igen go pik siknɛs ɛn waala fɔ dɛm ɛn mek di tin dɛn we dɛn de fred, mit dɛm; bikɔs, wɛn a bin kɔl dɛm, nɔbɔdi nɔ ansa, wɛn a bin tɔk, dɛn nɔ lisin; bɔt dɛn du tin dɛn we ivul na mi yay.”

Ayzaya 50:2

Wetin mek, wɛn a bin kam, nɔbɔdi nɔ de? Wɛn a kɔl, nɔbɔdi nɔ bin de fɔ ansa? Mi an dɔn shɔt we a nɔ ebul sev? Adinɔ a nɔ gɛt pawa fɔ diliva? Lisin, we a tɔk pan di si, i dray, A tɔn di riva dɛn to ɛmti ples we pɔsin nɔ go ebul tap; dɛn fish smɛl bikɔs dɛn nɔ gɛt wata, ɛn day wit tɔsti.

Jɛrimaya 13:11

Bikɔs, lɛk aw skintayt kin grip pɔsin wes, na semweso a bin mek di wanol Izrɛl ɛn di wanol Juda ol mi tayt, so dat dɛn go bi mi yon pipul dɛm, pipul dɛn we go mek nem fɔ mi, we go mek dɛn prez mi, we go mek a femɔs; bɔt usay, dɛn nɔ gri lisin to mi. Na so PAPA GƆD se.

Jɛrimaya 26:5

ɛn fɔ pe atɛnshɔn to wetin mi wokman dɛn we na di prɔfɛt dɛn we a sɛn to una ɔjɛnt ɔjɛnt wan, ɔldo una nɔ lisin dɛm,

Jɛrimaya 32:33

Dɛn nɔ tɔn dɛn fes to mi, na dɛn bak dɛn tɔn to mi; ɛn ɔlwe a de tich dɛm a nɔ de taya, dɛn nɔ lisin fɔ mek dɛn lan.

Jɛrimaya 35:14

Di kɔmand we Jonadeb we na Rekab in bɔypikin bin gi in yon bɔypikin dɛn, we i se dɛn nɔ fɔ drink wayn, dɛn kip to am; ɛn dɛn nɔ drink nɔn wayn te tide, bikɔs dɛn dɔn obe dɛn papa in kɔmand. Ɔltɛm a de tɔk to una, bɔt una nɔ de lisin mi.

Jɛrimaya 44:23

Na bikɔs una bɔn insɛns, ɛn bikɔs una kɔmit sin to PAPA GƆD, ɛn nɔ du wetin PAPA GƆD se, ɔ obe in lɔ dɛm, in ɔda ɛn in kɔmandmɛnt dɛm, mek dis bad bad tin dɔn apin to una de lɛkɛ tide.”

Jɛrimaya 5:21

“Una yɛri o, una dɛn fulish pipul dɛn we nɔ gɛt sɛns, una we gɛt yay bɔt nɔ de si, una we gɛt yes bɔt nɔ de yɛri.

Jɛrimaya 6:10

Udat a go tɔk to ɛn wɔn, so dat dɛn go yɛri? I bi se, dɛn yes dɛn lɔk, dɛn nɔ ebul lisin; I bi se, to dɛm, PAPA GƆD in wɔd na tin fɔ laf, dɛn nɔ gɛt tɛm fɔ am.

Jɛrimaya 11:8

Stil dɛn nɔ du am ɔ ivin lisin, bɔt dɛn ɔl du di traŋayes tin we dɛn ivul at tɛl dɛn fɔ du. Na dat mek a dɔn tɛl dɛn di kayn pɔnishmɛnt we di Kɔvinant we a bin kɔmand dɛn fɔ obe, bɔt dɛn nɔ bin obe, se dɛn fɔ gɛt

Jɛrimaya 13:10

Dɛn ivul pipul dɛn ya, we nɔ gri yɛri mi wɔd, we de fala dɛn yon stɔbɔn at de go wɔship ɛn sav ɔda gɔd dɛm, go tan lɛk dis skintayt we nɔ gud igen fɔ natin.

Jɛrimaya 29:19

PAPA GƆD se, bikɔs dɛn nɔ yɛri mi wɔd we a de sɛn mi wokman dɛn we na di prɔfɛt dɛn, fɔ tɛl dɛn ɔltɛm. Na so PAPA GƆD se.

Ozie 9:17

Ozie se in PAPA GƆD go lɛf di pipul to dɛnsɛf bikɔs dɛn nɔ de yɛri in wɔd; I se na so dɛn go de ɔlɔbɔt de wɔndrin midul di ɔda neshɔn dɛn.