Jɛrimaya 6:7 - Krio Fɔs Oli Baybul

⁷ Lɛkɛ aw i de mek shɔ se in wata frɛsh, na semweso in de mek shɔ se in wikɛdnɛs frɛsh; na fɛtfɛt ɛn nyakanyaka, yu go yɛri de; ɔltɛm na siknɛs ɛn wund a de si.

Jɛrimaya 6:7 Referans Kwoze

Izikɛl 7:23

ɛn mek i ɛmti. “Bikɔs di land ful wit kraym dɛm we gɛt fɔ du wit blɔd ɛn na so so fɛt fɛt de na di siti,

Izikɛl 7:11

Vayolɛns dɔn bɔku te i dɔn kɔmɔn. Nɔn pan dɛn nɔ go lɛf. Dɛn bɔku bɔku tin dɛn we dɛn gɛt nɔ go lɛf. Ɔl dɛn jɛntri sɛf nɔ go lɛf; ɛn na so ‘ɔl tɛm na mi fɔs,’ nɔ go de pan dɛm.

Jɛrimaya 20:8

Bikɔs ɛnitɛm we a tɔk, a de tɔk lawd, a de ala, se “Fɛt fɛt ɛn nyakanyaka!” Bikɔs PAPA GƆD in wɔd dɔn mek dɛn de trit mi lɛk kresman.

Ayzaya 57:20

Bɔt wikɛd pɔsin na lɛk di si, we i de tɔn tɔn bikɔs i nɔ ebul blo, ɛn in wata dɛn de sɛn pɔtɔ pɔtɔ ɛn dɔti ɔp,

Izikɛl 24:7

Bikɔs di blɔd we i dɔn shɛd stil de insay am; i put an pan di ɛmti rɔk, ɛn i nɔ tɔn am na grɔn so dat i go kɔba an wit dɔti.

Prɔvabs 4:23

Tek tɛm aw yu de tink; bikɔs aw yu de tink na so yu de biev.

Ayzaya 59:6

Pɔsin nɔ go ebul wɛr spaydawɛb fɔ klos ɛn mɔtalman nɔ go ebul kɔba insɛf wit wetin dɛn kin mek. Dɛn wok dɛn na sinful wok ɛn na fɔ du bad de na dɛn an.

Jɛrimaya 30:12

“Bikɔs na dis PAPA GƆD se: Di pen we una gɛt na una at, nɔ de mɛn, ɛn una wund dɛn dip.

Jɛrimaya 30:13

Nɔbɔdi nɔ de fɔ fɛt una kes, mɛrɛsin nɔ de fɔ mɛn una wund, una nɔ go tek mɛn.

Jɛrimaya 32:31

I se. Dis siti dɔn mek a vɛks ɛn mek mi at wam frɔm di de we dɛn bin bil am, te to tide, so a go pul am kɔmɔt bifo mi

Izikɛl 45:9

“Na dis Papa Gɔd we na Gɔd se; I du so, una dɛn Izrɛl kiŋ dɛm! Una lɛf fɛt fɛt ɛn lɛf fɔ sɔprɛs pipul, bɔt una trit pipul dɛn ikwali ɛn waka tret wit dɛm na PAPA GƆD in yay; una tap fɔ drɛb mi pipul dɛm. Na so Papa Gɔd we na Gɔd se.

Ayzaya 1:6

Frɔm bɔtɔm di fut te rich di ed, nɔn say nɔ de we bɛtɛ, pas so so brus brus ɛn sofut ɛn wund dɛn we de blid; dɛn nɔ kwis di tɔf kɔmɔt ɛn dɛn nɔ tay dɛn, ɔ ivin put mɛrɛsin de.

Jɛrimaya 8:22

Mɛrɛsin nɔ de na Giliad? Dɔkta nɔ de de? So wetindu mi pipul dɛn gyal pikin nɔ wɛl te tide?

Jɛrimaya 30:15

Wetin du una de kray bɔt una pen? Una pen nɔ de mɛn. Na bikɔs una gilti bad bad wan, ɛn bikɔs yu sin pasmak, mek A du dɛn tin ya to una.

Izikɛl 21:29

Wɛn dɛn de si laylay vishɔn fɔ una, ɛn wɛn dɛn de lay gi una bɔt una tumara - fɔ le am na di wan dɛn we wikɛd ɛn nɔ oli, dɛn nɛk dɛn, we na di tɛm fɔ dɛn las las pɔnishmɛnt, ɛn dɛn kɔp dɔn ful.

Zɛfinaya 3:1

Trɔbul go mit di pɔsin we de mek lɛk rebɛl ɛn nɔ klin na PAPA GƆD in yay, di siti we de ɔprɛs pipul.