Biblia Todo Logo
Bib sou entènèt

- Piblisite -




Jɛrimaya 6:26 - Krio Fɔs Oli Baybul

26 Yu mi pipul dɛn gyal pikin, go wɛr saklɔth, ɛn rol rolpan ashis; mek sɔri lɛk na fɔ yu wangren bɔypikin yu de munin fɔ, kray bita bita wan pas ɔl; bikɔs i nɔ go te igen, di wan we de kil pipul dɔn kam fɔ kil wi.

Gade chapit la Kopi




Jɛrimaya 6:26
42 Referans Kwoze  

I se in go gi Devid in os ɛn ɔl udat de na Jerusɛlɛm, sɔri-at fɔ de pre fɔ pipul so dat wɛn dɛn luk di wan we dɛn chuk, dɛn go sɔri fɔ am lɛk aw mama de sɔri fɔ in waŋren pikin, ɛn kray bita kray pan am lɛk aw mama de kray pan in fɔs pikin.


Fɔseka dat, wɛr saklɔth na yu bɔdi, kray de ala lawd wan; bikɔs PAPA GƆD stil vɛks pan wi bad bad wan.


Una we jɛntri, una lisin wetin a de tɛl una naw. Una kray bita wan ɛn sɔri fɔ di waala dɛn we de kam mit una.


Una fɔ mɛmba dɛn bad we una dɔn du; ɛn una fɔ sɔri ɛn kray fɔ dɛn. Una fɔ lɛf fɔ laf, una fɔ sɔri ɛn kray; una nɔ fɔ gladi, una fɔ sɔri.


As dɛn rich na di get dɛn mit plɛnti pipul de go bɛr wan man. Di dayman in mama na uman we in man bin dɔn day ɛn na da wangren bɔy pikin de i bin gɛt. Plɛnti pipul na di tɔŋ bin de fala di uman we gɛt di bɛrin.


A go tɔn ɔl una gladi-gladi to bɛrin ɛn chenj una gladi siŋ to bɛrin siŋ. A go mek una krep una ed ɛn wɛr saklɔth, una go tan lɛk we man ɛn uman de kray fɔ dɛn waŋren pikin. Da de de go bita fɔ una sote go.”


Uman dɛn we bin gɛt sɔri-at fɔ pipul kuk dɛn yon pikin dɛn; na dɛn bin tɔn di it we dɛn de it di tɛm we dɛn bin nyakanyaka Jerusɛlɛm.


Di pɔnishmɛnt we yu gi di pipul dɛn na Jerusɛlɛn fɔ di bad we dɛn du, traŋa pas di pɔnishmɛnt we yu gi Sɔdɔm, ples we nɔ bin tek wan minit fɔ tɔnoba, ɛn mɔtalman an nɔ bin de de.


Jakal we na jakal sɛf de gi pikin bɔbi, dɛn de sɔkul dɛn bebi dɛm, bɔt mi pipul dɛn gyalpikin de trit pipul bad naw, jɛs lɛk da bɔd we dɛn kɔl Ɔstrich we de na di dray ɛn ɛmti ples we pɔsin nɔ go ebul tap.


Bɔku bɔku wata de kɔmɔt na mi yay we a de kray bikɔs dɛn dɔn nyakanyaka mi pipul dɛn gyal pikin.


Kray dɔn mek mi yay taya; mi bɛlɛ de bwɛl; a gɛt tin we de mɔna mi na mi at bikɔs dɛn dɔn nyakanyaka Jerusɛlɛm, bikɔs pikin ɛn bebi dɛn de fent na di trit dɛn na di siti.


“Na dɛn tin ya mek a de kray; wata de rɔn mi yay; nɔbɔdi nɔ de we de koks mi atɔl, pɔsin we go gi mi kɔrej bak; mi pikin dɛn nɔ gɛt nɔbɔdi bikɔs mi ɛnimi dɔn nak mi dɔŋ.”


Ebri nɛt, i kin de kray bita bita wan, wata de rɔn dɔŋ in fes. Pan ɔl in lɔva dɛm, nɔn nɔ lɛf fɔ koks am. Ɔl in padi dɛn dɔn ple am wayo, dɛn dɔn tɔn in ɛnimi.


A dɔn mek di uman dɛn we dɛn man dɔn day dɔn plɛnti pas di sansan na si; a dɔn briŋ kilman kam sansantɛm kam kil kombra dɛn bɔypikin dɛn; A dɔn mek pen ɛn fred kam pan dɛm wantɛm wantɛm.


“Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.


Bɔt if una nɔ gri lisin, mi sol go kray sikrit wan fɔ di prawd we una de mek; mi yay dɛn go kray bita bita wan, ɛn de rɔn wata bikɔs dɛn dɔn kɛr PAPA GƆD in ship dɛn go mek slev.


Pipul dɛn we de nyakanyaka dɔn kɔmɔt na ɔl dɛn mawten dɛn na di ɛmti ples we pɔsin nɔ go ebul tap, kam; bikɔs PAPA GƆD in sɔd de kil frɔm wan ɛnd na di land, to di ɔda ɛnd; nɔbɔdi nɔ gɛt kol at.


Una bigin kray ɛn ala fɔ dɛn mawnten dɛm, ɛn kray fɔ di say dɛn we plɛnti gras de gro fɔ fid animal na di dray ɛn ɛmti ples, bikɔs dɛn de yuslɛs wan, so dat nɔbɔdi nɔ de pas de, ɛn dɛn nɔ de yɛri di kaw dɛn de kray igen; di bɔd dɛm we de flay na di skay, ɛn di animal dɛn, dɔn rɔnawe.


Bikɔs mi pipul dɛn gyal pikin dɛn wund de na mi at, Mi at pwɛl, ɛn pwɛlat dɔn kech mi.


Yɛri, mi pipul dɛn gyal pikin dɛn kray, ɔlɔbɔt na di land; “PAPA GƆD nɔ de na Zayɔn? In kiŋ nɔ de de? “Wetindu dɛn provok mi te a vɛks wit dɛn lay lay gɔd dɛn, ɛn wit fɔrin lay lay gɔd dɛm?”


Dɛn dɔn mɛn mi pipul dɛn wund af ɛn af, we dɛn de se, ‘Una gɛt kolat, una gɛt kolat,’ we wan kolat nɔ de.


Dizasta fala Dizasta siriɔs wan, di wanol land lɛf ɛmti ɛn yuslɛs. Wantɛm wantɛm so, mi tɛnt dɛn dɔn pwɛl, bifo yu mekɔp, mi kɔtin sɛf dɔn pwɛl.


Da tɛm de, dɛn go tɛl dɛm pipul dɛn ya, ɛn Jerusɛlɛm se, “Wan ɔt briz de blo kɔmɔt na di mawnten dɛn na di ɛmti ples we pipul nɔ go ebul tap, kam to mi pipul dɛn gyal pikin, nɔto fɔ kam fana di dɔti wan dɛn kɔmɔt ɔ fɔ kam klin dɛm o,


Una trimbul, una dɛn uman dɛn we de izi layf, una shek wit fred, una we nɔ tek natin mek natin; una pul klos de nekɛd, ɛn rap saklɔth rawnd una wes.


so dis sin go tan to yu lɛk krak pan ay wɔl, we dɔn swɛl ɛn rɛdi fɔ kolaps, we go fɔdɔm wantɛm wantɛm;


Da de de, PAPA GƆD Ɔlmayti bin se ɔlman fɔ kray ɛn fil sɔri, fɔ krep ed ɛn wɛr saklɔth;


Na dat mek a se: “Nɔ luk mi lɛf mi mek a kray bita bita wan; nɔ waala yusɛf fɔ koks mi fɔseka di nyakanyaka we dɛn nyakanyaka mi pipul dɛn gyal pikin.”


in go sidɔm fawe. I de tɔk ɛn kray se in nɔ go ebul bia fɔ si in pikin de day.


Job tek broko kle pɔt fɔ de krep in bɔdi ɛn i sidɔm na ashis.


If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!


Mek dɛn yɛri kray na dɛn os dɛm, we yu go mek dɛn atak dɛm we dɛn nɔ mekɔp! Bikɔs dɛn dɔn dig dip dip ol fɔ kech mi, ɛn dɔn mek trap dɛn fɔ mi.


I dɔn mek a bɛt ston ston we dɔn brok mi tit, ɛn put mi na di dɔst na grɔn fɔ sho se mi na natin;


Wɛn di kiŋ na Ninivɛ insɛf yɛri, i grap nain tron, pul in klos ɛn wɛr di sem munin klos ɛn kɔba insɛf wit ashis.


I de yɛri tin dɛn we de mek i fred bad bad wan; we i de ɛnjɔy insɛf, nain tifman dɛn go go atak am.


Bifo una gɛt pafyum, na bad bad sɛnt una go de gɛt; bifo una gɛt gadul, na rop go de; bifo una gɛt ia we mek fayn fayn wan, na bɔled dɛn go gɛt bifo dɛn gɛt dɛn dia dia klos, na saklɔth dɛn go tay; bifo dɛn fayn, na shem dɛn go shem.


“Na dis PAPA GƆD se: Wi dɔn yɛri di fred fred ala, bad bad fred fred, ɛn nɔn kolat nɔ de.


Swiv nou:

Piblisite


Piblisite