Jɛrimaya 6:24 - Krio Fɔs Oli Baybul

²⁴ Wi dɔn yɛri bɔt dat, wi an dɛm dɔn wik; pen dɔn ol wi da pen we uman de fil we i de bɔn.

Jɛrimaya 6:24 Referans Kwoze

Jɛrimaya 50:43

“Di kiŋ na Babilɔn dɔn yɛri bɔt dɛm, ɛn i nɔ ebul du natin; pen ol am, da pen we uman de fil we i de bɔn.

Jɛrimaya 49:24

Damaskɔs dɔn wik, i dɔn tɔn fɔ rɔnawe, i nɔ no wetin fɔ du, pen ɛn brok at dɔn ol am lɛkɛ uman we de pan lebɔ.

Jɛrimaya 4:31

Bikɔs a yɛri pɔsin de kray lɛkɛ we uman de lebɔ, lɛkɛ we uman kin de bɔn in fɔs pikin, dat na Zayɔn in gyal pikin dɛn de kray ɛn de fɛt fɔ blo, dɛn opin dɛn an dɛn wayd wayd wande se, “Swɛ dɔn kech mi! A de fent bifo di wan dɛn we de kil mi.”

Jɛrimaya 30:6

Aks naw, ɛn no, if man go ebul bɔn pikin? Wɛl wetindu a de si ɔl dɛn man dɛn de put dɛn an na dɛn wes lɛkɛ uman we de in lebɔ? Wetindu ɔlman fes pel so?

Jɛrimaya 13:21

Wetin una go se, wɛn dɛn put dɛn wan dɛn we na una sɛf tich fɔ bi una padi dɛn, oba una? Pen nɔ go ol una lɛk uman we de lebɔ?

Ayzaya 28:19

Ɛnitɛm we i pas de, i go mɔna una; bikɔs i go pas de ɛvri mɔnin, de ɛn nɛt; una mɔs fred bad bad, we una ɔndastand di mɛsej.

Ayzaya 21:3

Dat mek na so so wes pen a de gɛt; pen dɔn ol mi, lɛk di pen we uman de fil we i de pan pen fɔ bɔn; A dɔn so bɛn dat a nɔ de yɛri, mi at so pwɛl dat a nɔ ebul si.

Fɔs Lɛta Fɔ Tɛsalonayka 5:3

Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

Abakɔk 3:16

Wɛn a yɛri bɔt ɔl wetin yu du, mi bɔdi trimbul; a fred te a bɛt mi siti mi bɔdi ɔl brok wit fred, dat mek, a nɔ sabi waka igen a de sidɔm saful wet fɔ di de we trɔbul go mit dɛn wan we de ambɔg wi.

Jɛrimaya 22:23

Yu, una we tap na Libanɔn midul dɛn sida tik dɛm, wɛn di pen kam pan una, una go ala nɔto kɔmɔn, i go tan lɛk da pen we uman kin fil we i de bɔn!”

Di Sam Dɛm 48:6

Na so dɛn kin de trimbul wit fred dɛn kin de mek lɛk we uman de pan pen fɔ bɔn.

Daniɛl 5:9

So Kiŋ Bɛlshaza bin fred bad bad wan ɛn in kɔla chenj, ɛn in Rɛsidɛnt Minista dɛn bin wɔri.

Jɛrimaya 48:41

Dɛn go kapchɔ di siti, ɛn siz ɔl dɛn ples dɛn fɔ ayd. Da de de, di sojaman dɛn na Moab dɛn at, go tan lɛkɛ uman we de bɔn, in at;

Izikɛl 7:17

Ɔl di an dɛn dɔn wik ɛn ɔl di ni dɛn wik lɛk wata.