Jɛrimaya 6:22 - Krio Fɔs Oli Baybul

²² Na dis PAPA GƆD se, “A de tɛl una, saten pipul dɛn de kɔmɔt di kɔntri we de na di nɔt, wan big big neshɔn we de usay di wɔl ɛnd, de rɛdi fɔ fɛt wa.

Jɛrimaya 6:22 Referans Kwoze

Jɛrimaya 10:22

Una lisin, na rumɔ! Luk, i de kam! –- Big kɔnfyushɔn de na di nɔt kɔntri fɔ kam mek di siti dɛn na Juda ɛmti, ɛn ples we na so so Jakal tap.

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Jɛrimaya 6:1

Una rɔn go ayd, una Bɛnjamin in pikin dɛm, una rɔn kɔmɔt insay Jerusɛlɛm! Una blo di trɔmpɛt na Tɛkoa, ɛn put sayn ɔp na Bɛtachɛrɛm; bikɔs bad bad tin de na rod de kam kɔmɔt na di nɔt, ɛn ebi ebi nyakanyaka.

Jɛrimaya 5:15

PAPA GƆD se, “Yu Izrɛl, biliv mi, a de mek wan neshɔn kam atak una, neshɔn we de kɔmɔt fa fawe. Na neshɔn we ebul bia, na dɛn lɔntɛm neshɔn, na neshɔn we una nɔ no dɛn laŋwej ɛn una nɔ go ɔndastand wetin dɛn de se.

Ditarɔnɔmi 28:49

Na pipul dɛn we de fawe PAPA GƆD go mek trit dɛn bad; pipul dɛn we kin fɔdɔm pan pipul dɛn lɛkɛ we ak kin fɔdɔm pan fɔl pikin, ɛn dɛn nɔ go sabi dɛn laŋwej.

Nɛimaya 1:9

bɔt if wi kam bak to yu ɛn rɛdi fɔ de du wetin yu want, ivin we wi go de ɔlɔbɔt, yu go gɛda wi ɔl ɛn briŋ wi bak na wan ples. Da ples de go bi di say we yu bin dɔn pik fɔ wi fɔ de ɛn yusɛf go de de wit wi.

Jɛrimaya 4:6

Una put put sayn post dɛn we de sho rod fɔ go Zayɔn, una rɔn fɔ una layf, nɔ westɛm bikɔs a de briŋ bad bad tin kɔmɔt na di nɔt, wit wan big big nyakanyaka.

Jɛrimaya 13:20

“Una es una yay ɔp ɛn luk di wan dɛn we de kɔmɔt na di nɔt. We di ship dɛn we dɛn bin gi una, una fayn fayn ship dɛm?

Jɛrimaya 47:2

“Na dis PAPA GƆD se, A de tɛl una, wata de grap kɔmɔt na di nɔt, ɛn i go bi flɔd; di wata go kɔba di land ɛn ɔl wetin de de, i go kɔba di siti ɛn di wan dɛm we tap de. Di man dɛn go ala de kray, ɛn ɔl di pipul dɛm we tap de, go kray.

Izikɛl 21:31

Ɛn a go put mi vɛksteshɔn pan una; a go blo mi vɛksteshɔn in faya pan una; ɛn a go gi una to dɛn kruɛl pipul dɛm, pipul dɛn we sabi fɔ nyakanyaka gud gud wan.

Jɛrimaya 4:16

Wɔn di neshɔn dɛn se i de kam; anawns to Jerusɛlɛm se, “Pipul dɛn we go ambush dɛm de kɔmɔt na fawe land kam, dɛn de ala pan di siti dɛn we de na Juda.

Jɛrimaya 5:16

Di say we dɛn de put dɛn aro tan lɛkɛ grev; ɛn dɛn na pawaful fɛtman dɛm.

Jɛrimaya 25:32

“Na dis PAPA GƆD Ɔlmayti se; A de tɛl una, ivul dɔn bigin frɔm wan neshɔn to ɔda neshɔn, ɛn big tinada tɔn tɔn de fa na di fa pat dɛm na di wɔl!

Jɛrimaya 30:5

“Na dis PAPA GƆD se: Wi dɔn yɛri di fred fred ala, bad bad fred fred, ɛn nɔn kolat nɔ de.

Izikɛl 23:22

Fɔseka dat, E Ooliba, na dis Papa Gɔd we na Gɔd se: “Biliv mi, a go mek yu switat dɛm we yu dɔn fɛdɔp wit grap pan yu, ɛn a go mek dɛn atak yu ɔlsay:

Abakɔk 1:6

I se in go mek di Babilonian dɛn we rɔf lɛk wetin, tek ova bɔku siti dɛn we nɔto dɛn yon.