Jɛrimaya 6:21 - Krio Fɔs Oli Baybul

²¹ Fɔseka dat na dis PAPA GƆD se: “A de tɛl una, A go put blɔk we de mek pɔsin fɔdɔm bifo dɛn pipul ya, blɔk we de mek pɔsin fɔdɔm we dɛn go bɔk dɛn fut pan; di papa dɛm ɛn di bɔypikin dɛm togɛda, neba ɛn padi go day.”

Jɛrimaya 6:21 Referans Kwoze

Ayzaya 8:14

Ɛn i go tɔn oli ples, ɛn di ston we go ɔfɛnd pipul dɛn, ɛn di big ston we go mek di tu os dɛn na Izrɛl bɔk dɛn fut ɛn fɔdɔm, ɛn go bi trap fɔ di pipul dɛn na Jerusɛlɛm.

Izikɛl 3:20

Igen, if wan man we de du di kɔrɛkt tin dɛn, kan chenj frɔm di kɔrɛkt tin dɛn we i bin de du ɛn bigin du bad bad tin dɛn, a go put ston bifo am we i go bɔk in fut pan, fɔdɔm ɛn day; ɛn bikɔs yu nɔ bin wɔn am, i go day fɔ di bad we i bin de du ɛn dɛn nɔ go mɛmba di kɔrɛkt tin dɛn we i bin dɔn de du; bɔt a go ol yu fɔ in blɔd.

Jɛrimaya 13:16

Una glɔrifay PAPA GƆD we na una Gɔd bifo di ples dak, bifo una bɔk una fut, na dɛn mawnten dɛn na nɛt, ɛn wɛn yu de luk se layt de kam i mek di ples dak lilibit, ɛn mek i dak bad bad wan.

Pita In Fɔs Lɛta 2:8

Dɛn rayt ɔda say na Gɔd in Buk se, “Na di ston dis we go mek pipul bɔk dɛn fut ɛn fɔdɔm.” Dɛn pipul ya bin bɔk dɛn fut bikɔs dɛn nɔ bin biliv se Gɔd in wɔd na tru; na so Gɔd bin dɔn plan fɔ dɛn.

Lɛta Fɔ Rom 11:9

Ɛn Kiŋ Devid se: “Mek dɛn tin we dɛn de it ɛn ɛnjɔy tɔn trap fɔ kech dɛn; lɛ Gɔd mek dɛn fɔdɔm ɛn mek i pɔnish dɛn!

Lɛta Fɔ Rom 9:33

Na dat dɛn rayt bɔt na Gɔd in Buk we dɛn se: “Una yɛri wetin a de tɛl una, a dɔn put ston na Zayɔn we go mek pipul bɔk dɛn fut, na di ston dat we go mek pipul fɔdɔm. Bɔt ɛnibɔdi we biliv pan am nɔ go disapɔynt.”

Izikɛl 5:10

Ɛn na so di papa dɛn we de midul una go it dɛn bɔypikin dɛm ɛn dɛn bɔypikin go it dɛn papa dɛn; ɛn a go kɛriawt di jɔjmɛnt dɛm pan una ɛn ɛniwan pan una we nɔ day a go skata am ɔlsay we briz de blo.

Jɛrimaya 21:7

PAPA GƆD se, afta dat, A go mek Nɛbyukadnɛza we na kiŋ na Babilɔn, we na Zɛdikaya dɛn ɛnimi dɛn we de tray fɔ kil dɛm, ebul kapchɔ Zɛdikaya we na kiŋ na Juda, ɛn in wokman dɛm, ɛn ɔl di pipul dɛn na dis siti we nɔ day di tɛm we siknɛs, wa ɛn bad bad aŋri bin mit dɛm; Nɛbyukadnɛza go kil dɛm wit sɔd; i nɔ go luk nɔbɔdi ɛn sɔri fɔ am, ɔ lɛf ɛnibɔdi ɔ fil nain at fɔ nɔbɔdi.

Jɛrimaya 18:21

Fɔseka dat, gi yu pikin dɛm to bad bad aŋri; mek dɛn kil dɛm na wa, le dɛn wɛf dɛm tɔn uman dɛn we nɔ gɛt pikin, ɛn uman dɛn we dɛn man dɛn dɔn day, mek dɛn man dɛn mit day bay siknɛs, ɛn mek dɛn kil ɔl dɛn yɔŋ bɔbɔ dɛn na wa.

2 Kronikuls 36:17

Fɔ seka dat i mek di Babilonian dɛn kiŋ kam fɛt dɛm. I kil dɛn yɔŋman dɛm wit sɔd insay dɛn oli ples. Ɛn i nɔ gɛt sɔri pan yɔŋ wan, ɔ vajin olpa i put dɛn ɔl nain an.

Lɛvitikɔs 26:37

Dɛn go wund dɛnsɛf fɔ natin we dɛn go de fɔdɔm pan dɛnsɛf wit fred lɛkɛ udat dɛn atak bɔt nɔbɔdi nɔ go de rɔnata dɛn; ɛn dɛn nɔ go gɛt maynd fɔ fes dɛn ɛnimi dɛn.

Jɛrimaya 8:12

Dɛn bin shem wɛn bin de du di tin dɛn we a nɔ lɛk? Nɔ, dɛn nɔ bin shem at ɔl; dɛn nɔ bin no aw fɔ mɛlt. Fɔseka dat, dɛn go day wit dɛn wan dɛm we go day; wɛn a pɔnish dɛm, a go ib dɛm oba. Na so PAPA GƆD se.

Jɛrimaya 13:14

PAPA GƆD se, “A go kech tu pɔsin baŋ dɛn pan dɛnsɛf; a go baŋ papa ɛn pikin. A nɔ go fil am fɔ nɔbɔdi, ɔ nɔ go lɛf nɔbɔdi ɔ a sɔri fɔ ɛnibɔdi, we go mek a nɔ dɔnawe wit am.”

Jɛrimaya 18:23

PAPA GƆD, yu no ɔl dɛn plan dɛm fɔ kil mi. Nɔ fɔgiv dɛn sin dɛm, ɛn nɔ wep dɛn sin kɔmɔt bifo yu. Lɛ dɛn bit dɛm bifo yu; dil wit dɛm di tɛm we yu vɛks.

Ayzaya 8:15

Ɛn bɔku go bɔk dɛn fut pan am; dɛn go fɔdɔm ɛn dɛn prayd go dɔn; dɛn go sɛt trap fɔ dɛn ɛn kech dɛn.