Jɛrimaya 6:20 - Krio Fɔs Oli Baybul

²⁰ Wetin mek insɛns de kɔmɔt Shiba kam fɔ mi, ɔ wetindu shuga ken de kɔmɔt fawe kam fɔ mi? Una sakrifays dɛn we una de bɔn na faya, nɔ gud fɔ mi fɔ gri fɔ, jɛs lɛk we una sakrifays dɛn nɔ kin pliz mi.

Jɛrimaya 6:20 Referans Kwoze

Ayzaya 1:11

PAPA GƆD se, “Wetin ɔl dɛn bɔku bɔku sakrifays we una de mek min to mi? A dɔn gɛt tumɔs man ship ɔfrin we dɛn de bɔn na faya ɛn fat we kɔmɔt pan animal dɛn we dɛn fid gud gud wan; Man kaw blɔd o, ship pikin blɔd o, ɔ ivin man got blɔd, nɔ de mek a gladi.

Ayzaya 60:6

Nɔto kɔmɔn kamɛl go ful yu land, yɔŋ kamɛl dɛn na Midian ɛn Ɛfa; ɔl dɛn wan dɛm na Shiba go kam. Dɛn go briŋ gold ɛn churay, ɛn dɛn go anawns PAPA GƆD in prez.

Di Sam Dɛm 40:6

Noto sakrifays ɛn ɔda tin dɛn yu want bɔt yu gi mi yes fɔ yɛri yu wɔd ɛn obe am; yu nɔ want dɛn animal we wi de bɔn to yu na ɔlta, ɛn ivin dɛn animal we wi de kil gi yu fɔ pul wi pan sin.

Ayzaya 66:3

“Di pɔsin we de kil kaw na lɛk pɔsin we kil mɔtalman; pɔsin we de sakrifays ship pikin na lɛk udat brok dɔg nɛk; pɔsin we de mek sid ɔfrin na lɛk pɔsin we de sakrifays ɔg blɔd; pɔsin we de mek sakrifays wit insɛns fɔ mɛmba wetin bin dɔn bi, na lɛk pɔsin we de blɛs lay lay gɔd. Dɛn dɔn pik dɛn yon we, we dɛn want fɔ de, dɛn sol de gladi fɔ du dɛn bad bad tin dɛm we PAPA GƆD nɔ lɛk.

Ɛksodɔs 30:23

“Tek di bɛst pan dɛn difrɛn spays ya. Mɛnshɔ siks kilo Ma, tri kilo Sinamɔn we gɛt fayn sɛnt, tri kilo balsam ken tik we insɛf gɛt fayn smɛl,

Izikɛl 27:22

Di Shiba ɛn Raama treda dɛn bin tredin wit yu; dɛn bin ɛkschenj ɔl kayn spays we bɛtɛ pas ɔl, ɛn ɔl kayn prɛshɔs ston dɛm ɛn gold.

Izikɛl 20:39

“As fɔ una, una Izrɛl, na dis Papa Gɔd we na Gɔd se: if una nɔ de lisin to mi, lɛ ɔlman go sav in laylay gɔd frɔm naw sote go, bɔt una nɔ go ebul fityay mi nem igen wit una prɛzɛnt dɛn ɛn laylay gɔd dɛm.

Di Sam Dɛm 66:3

Tɛl PAPA GƆD se “Di tin dɛn we yu de du, so wɔndaful dat yu ɛnimi dɛn ɔl de fred yu.

1 Kiŋ 10:10

I gi Sɔlɔmɔn fo tawzin kilo gold, bɔku bɔku spays ɛn miniral ston dɛn. Wande nɔbɔdi nɔ kɛr bɔku spays lɛkɛ di wan we di kwin na Shiba gi kiŋ Sɔlɔmɔn.

Prɔvabs 15:8

PAPA GƆD et di sakrifays we bad pɔsin de mek to am, bɔt i de gladi fɔ yɛri gud pɔsin in prea.

Prɔvabs 21:27

PAPA GƆD nɔ lɛk di sakrifays we bad pɔsin kin kɛr to am; i et am mɔ wɛn di pɔsin kin de du am fɔ lɛ i go du mɔ bad.

Jɛrimaya 14:10

Na dis PAPA GƆD se kɔnsanin dɛn pipul ya: “Na so dɛn dɔn lɛk fɔ de rɔnawe pan mi, dɛn nɔ de kɔntrol dɛn fut; fɔseka dat, PAPA GƆD nɔ go aksɛpt dɛm, naw, i go mɛmba dɛn sin dɛm ɛn pɔnish dɛm fɔseka dɛn sin dɛm.”

Jɛrimaya 14:12

Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.

Ozie 8:13

Dɛn lɛk fɔ mek sakrifays. Dɛn kin mek sakrifays ɛn it am bak bɔt PAPA GƆD nɔ bisin bɔt dɛn sakrifays. I go mɛmba di bad we dɛn dɔn du ɛn pɔnish dɛn fɔ dat ɛn mek dɛn go bak pan di slev layf we dɛn bin yuz na Ijipt.

Ozie 9:4

Dɛn nɔ fɔ tamisilɛ wit rɔm to PAPA GƆD ɛn nɔ go gladi wit dɛn sakrifays. Dɛn it go tan lɛk it we dɛn pul fɔ dayman; ɛnibɔdi we it am nɔ go klin na PAPA GƆD in yay; bikɔs na dɛnsɛf nɔmɔ go it dɛn it; dɛn nɔ fɔ kɛr am go na PAPA GƆD in os.

2 Samiɛl 15:12

We Absalɔm de rɛdi fɔ mek di sakrifays, i sɛn kɔl Aitofɛl we na Devid in advaysa kɔmɔt nain siti na Gaylo. So dat mek mɔ ɛn mɔ pipul tay bagin fɔ mek Absalɔm bi kiŋ.

Malakay 1:10

I se in bin de op se sɔmbɔdi go de we go tɛl dɛn nɔ fɔ wes dɛn tɛm bikɔs in nɔ go tek dɛn sakrifays as i nɔ gladi.