Jɛrimaya 6:2 - Krio Fɔs Oli Baybul

² A go pwɛl di fayn fayn wan we dɛn tek tɛm mɛn, we na Zayɔn in gyal pikin.

Jɛrimaya 6:2 Referans Kwoze

Jɛrimaya 4:31

Bikɔs a yɛri pɔsin de kray lɛkɛ we uman de lebɔ, lɛkɛ we uman kin de bɔn in fɔs pikin, dat na Zayɔn in gyal pikin dɛn de kray ɛn de fɛt fɔ blo, dɛn opin dɛn an dɛn wayd wayd wande se, “Swɛ dɔn kech mi! A de fent bifo di wan dɛn we de kil mi.”

Ayzaya 1:8

Dat mek Zayɔn in gyal pikin dɔn lɛf lɛk bafa na greps fam, i yuslɛs lɛk os na kɔkumba fam, lɛk siti we ɛnimi dɔn sɔrawnd.

Lamɛnteshɔn 2:13

Wetin a go se bɔt yu, wetin a go tek kɔmpia yu yu Jerusɛlɛm in gyal pikin? Wetin a go tek se una fiba, so yu at go kol, yu vajingyal na Zayɔn? Di nyakanyaka we dɛn nyakanyaka yu, big lɛk di si; udat go ebul mek yu lɛk aw yu bin de?

Lamɛnteshɔn 2:1

We PAPA GƆD dɔn trɛtin di wanol Zayɔn we i vɛks! I dɔn nyakanyaka ɔl wetin Izrɛl de tek blɔf; di tɛm we i vɛks, i nɔ luk sɛf se na Jerusɛlɛm in tɛmpul de.

Ditarɔnɔmi 28:56

Di uman dɛn we ɔlman bin rɛspɛkt se kɔmɔt na gud famili, we nɔ waka wit bia fut na grɔn wande, bikɔs na yaŋa pɔsin, go gridi in man we i lɛk, ɛn in bɔypikin ɛn in gyal pikin,

Lamɛnteshɔn 4:5

Di wan dɛn we bin de it dɛn pɔsh pɔsh it de day na trit; di wan dɛn we bin gɛt ɔltin we dɛn de kam ɔp naw de fɛn tin na dɔtibɔks fɔ it.