Jɛrimaya 6:19 - Krio Fɔs Oli Baybul

¹⁹ Yɛri o, yu ath, a de briŋ dizasta kam pan dɛn pipul ya, we na di pe we dɛn fɔ gɛt fɔ di wok we dɛn du, bikɔs dɛn nɔ yɛri mi wɔd; as fɔ mi lɔ dɛm, dɛn nɔ de obe dɛm sɛf.

Jɛrimaya 6:19 Referans Kwoze

Ayzaya 1:2

Di Ɛvin dɛn, una yɛri o! Ɛn lɛ di ath sɛf opin in yes! Bikɔs na PAPA GƆD dɔn tɔk: “A dɔn men ɛn tren una mi bɔypikin dɛm, bɔt dɛn tɔn pan mi.

Apɔsul Dɛn Wok 8:22

Lɛf fɔ du di bad we yu de du ɛn pre mek Gɔd padin yu fɔ wetin yu dɔn mekɔp.

Jɛrimaya 17:10

“Mi PAPA GƆD, sach mɔtalman maynd ɛn tɛst mɔtalman at, fɔ pe ɔlman bay wetin i du, di pe we i fɔ gɛt fɔ di kayn wok we i wok.”

Jɛrimaya 8:9

Dɛn go mek di sɛnsman dɛn shem, dɛn go kɔnfyus ɛn dɛn go kech dɛm; wetindu? Dɛn dɔn put PAPA GƆD in wɔd wansay, uskayn sɛns dɛn gɛt naw?

Jɔn 12:48

Jɔj de we go jɔj ɛnibɔdi we tɔn in bak pan mi ɛn we nɔ gri biliv di wɔd dɛn we a de tɔk. Di wɔd dɛn we a dɔn tɔk go kɔndɛm di pɔsin di las de.

Mayka 6:2

Na di mawnten dɛn bin dɔn de frɔm di tɛm we i mek di wɔl, so dɛn fɔ lisin gud to wetin i wan se, as i dɔn rɛdi fɔ tɔk ɔl wetin Izrɛl dɔn du we mek i vɛks pan dɛn.

Ozie 10:13

We dɛn dɔn plant di sid dɛn wit sin, na soso kɔrɔpshɔn ɛn lay go bi dɛn frut we go bia. As na dɛn sojaman dɛn ɛn di tin dɛn we dɛn gɛt fɔ fɛt wit, dɛn abop pan,

Ozie 4:6

Na bikɔs di pipul nɔ no in we na dat mek PAPA GƆD mek dɛn de sɔfa so. I se dɛn dɔn tɔn dɛn bak pan am so insɛf dɔn lɛf di man dɛn we de mek sakrifays fɔ pipul sin to dɛnsɛf. Ɛn bikɔs dɛn nɔ bisin bɔt PAPA GƆD in lɔ dɛn, insɛf nɔ bisin bɔt dɛn.

Jɛrimaya 22:29

E land, land, land, yɛri PAPA GƆD in wɔd!

Jɛrimaya 6:10

Udat a go tɔk to ɛn wɔn, so dat dɛn go yɛri? I bi se, dɛn yes dɛn lɔk, dɛn nɔ ebul lisin; I bi se, to dɛm, PAPA GƆD in wɔd na tin fɔ laf, dɛn nɔ gɛt tɛm fɔ am.

Jɛrimaya 19:15

“Na dis PAPA GƆD Ɔlmayti we na Izrɛl dɛn Gɔd se, A de briŋ ɔl di bad bad tin dɛn we a bin dɔn se go apin, pan dis siti ɛn ɔl in tɔŋ dɛm, bikɔs dɛn dɔn traŋayes bad bad wan ɛn nɔ gri yɛri mi wɔd.”

Ayzaya 66:18

Bikɔs a no wetin dɛn de du ɛn aw dɛn kin tink, ɛn a de kam gɛda ɔl di neshɔn ɛn difrɛn laŋwej dɛm; ɛn dɛn go kam, ɛn dɛn go si mi glori;

Ayzaya 59:7

Dɛn de rɔn fɔ go du bad, ɛn de mekes fɔ shɛd inosɛnt blɔd; na fɔ kɔmit sin nɔmɔ de na dɛn at, na ɛmtinɛs, ɛn fɔ distrɔy, de na dɛn ay we dɛn.

Prɔvabs 28:9

Udat nɔ obe PAPA GƆD in lɔ, PAPA GƆD et in prea ɛn nɔ go ansa dɛnsɛf we i de pre.

Prɔvabs 15:26

PAPA GƆD et di bad we bad pɔsin kin de mekɔp, bɔt i de gladi fɔ gud tɔk.

1 Samiɛl 15:26

Samiɛl tɛl am se i nɔ go fala am. I se sins Sɔl nɔ du wetin PAPA GƆD se i fɔ du, PAPA GƆD sɛf nɔ want am fɔ bi kiŋ igen

1 Samiɛl 15:23

Bikɔs fɔ mek lɛk rebɛl pan PAPA GƆD jɛs tan lɛk yu de lukgrɔn ɛn fɔ mek tɔf pan am jɛs tan lɛk we man de wɔship ɔda gɔd dɛn. So sins yu lɛf fɔ du wetin PAPA GƆD want, insɛf nɔ want yu fɔ bi kiŋ igen”

Ditarɔnɔmi 32:1

Mek ath ɛn skay lisin wetin a de se.

Ditarɔnɔmi 30:19

Mozis se ɛvin ɛn di ath nain witnɛs dɛn se, in bin dɔn gi dɛn chans fɔ pik layf ɔ day, blɛsin ɔ swɛ; ɛn bin advays dɛn fɔ pik layf so dat dɛn jɛnareshɔn dɛn go kɔntinyu fɔ de na dis wɔl

Ditarɔnɔmi 4:26

i se mek ɛvin ɛn dis wɔl de fɔ in witnɛs, bikɔs dɛn go day day na da land de we dɛn bin de krɔs Riva Jɔdan fɔ go kapchɔ. I se dɛn nɔ go gɛt lɔŋ layf; dɛn ɔl go day.

Jɛrimaya 4:4

Una sakɔmsayz unasɛf to PAPA GƆD, una pul di fɔs kanda we de ɔntɔp una at, Una di man dɛn na Juda ɛn una we tap na Jerusɛlɛm; if nɔto so, mi vɛksteshɔn go kɔmɔt lɛkɛ faya ɛn bɔn, we nɔbɔdi nɔ go ebul ɔt am, bikɔs ɔf di ivul we de pan di tin dɛn we una de du.”

Jɛrimaya 4:14

E Jerusɛlɛm, una was wikɛdnɛs kɔmɔt na una at, so dat una go sev. Aw lɔŋ una ivul plan dɛn go de na una at?

Jɛrimaya 6:18

Fɔseka dat, una yɛri o, una di neshɔn dɛm, mek una no, una di pipul dɛm we gɛda bifo PAPA GƆD, wetin go apin to dɛm.

Jɛrimaya 11:11

Fɔseka dat, na dis PAPA GƆD se, A de briŋ ivul tin pan dɛm we dɛn nɔ go ebul pul dɛn ed kɔmɔt; ɔl we dɛn go kray to mi, A nɔ go lisin dɛm.

Jɛrimaya 15:6

PAPA GƆD se, yu bin dɔn tɔn yu bak pan mi, ɛn yu bin jɛs de go biɛn; so a tek akshɔn agens yu ɛn nyakanyaka yu; – A nɔ go ebul sɔri fɔ una igen

Jɛrimaya 19:3

Yu fɔ se, ‘Yɛri wetin PAPA GƆD se, una di kiŋ dɛn na Juda ɛn dɛn wan dɛm we tap na Jerusɛlɛm. Na dis PAPA GƆD Ɔlmayti, we na di Gɔd na Izrɛl se, Biliv mi, a go so mek bad bad tin mit una dat ɛnibɔdi we yɛri bɔt dat, in yes go trimbul.

Jɛrimaya 29:19

PAPA GƆD se, bikɔs dɛn nɔ yɛri mi wɔd we a de sɛn mi wokman dɛn we na di prɔfɛt dɛn, fɔ tɛl dɛn ɔltɛm. Na so PAPA GƆD se.

Jɛrimaya 49:37

PAPA GƆD se, A go mek Ilam fred in ɛnimi dɛm, ɛn dɛn wan dɛm we wan fɔ kil dɛm; a go mek bad bad tin mit dɛm wit vɛksteshɔn. A go mek fɛt fɛt mit dɛn sote a kil dɛn ɔl dɔn;

Emɔs 2:4

PAPA GƆD tɔk se: “Di pipul na Juda dɔn sin bɔku bɔku, ɛn a mɔs pɔnish dɛn fɔ dat. Dɛn nɔ gri kip di lɔ we mi PAPA GƆD gi dɛn, ɛn dɛn nɔ du wetin a se, bifo dat na lay lay gɔd dɛn sidɔm fɔ de wɔship, dɛn gɔd dɛn we dɛn fɔstɛm-papa dɛn bin de wɔship.

Mayka 1:2

Una ɔl fɔ yɛri dis; Di wɔl, una lisin. Ɔl udat tap na dis wɔl fɔ yɛri dis! Lɛ PAPA GƆD we na GƆD, bi witnɛs as i de nain oli tɛmpul.

Ayzaya 5:24

Fɔseka dat, lɛk aw faya de bɔn di af af tik we kin lɛf na grɔn we dɛn kɔt rɛs, ɛn lɛk aw dray gras kin bɔn na faya, na so dɛn rut go tan lɛk tin we rɔtin di flawa we dɛn pul go flay go ɔp lɛk dɔst, bikɔs dɛn nɔ gri fɔ du wetin PAPA GƆD Ɔlmayti in lɔ se, ɛn nɔ gɛt rɛspɛkt fɔ di Oli Wan na Izrɛl in wɔd.

Jɛrimaya 4:16

Wɔn di neshɔn dɛn se i de kam; anawns to Jerusɛlɛm se, “Pipul dɛn we go ambush dɛm de kɔmɔt na fawe land kam, dɛn de ala pan di siti dɛn we de na Juda.

Jɛrimaya 8:5

Wetindu dɛn pipul ya dɔn tɔn dɛn bak pan mi ɛn nɔ gri tɔn bak? Dɛn biliv pan lay lay tin dɛn gud gud wan, ɛn nɔ gri tɔn bak kam to mi.

Jɛrimaya 21:14

PAPA GƆD se, A go pɔnish una bay wetin una du; A go layt faya insay in fɔrɛst, ɛn i go bɔn ɔl wetin de rawnd am.”

Daniɛl 9:11

Di wanol Izrɛl dɔn disobe yu ɛn tɔn wi bak, ɛn nɔ gri fɔ du wetin yu se. Di swɛ dɛn ɛn di wanwɔd we wi mek fɔ du wetin rayt insay Mozis in lɔ we na PAPA GƆD in wokman, dɔn fɔdɔm pan wi, bikɔs wi dɔn kɔmit sin to yu.