Jɛrimaya 6:17 - Krio Fɔs Oli Baybul

¹⁷ A put pɔsin fɔ de wach una, ɛn tɛl una se, ‘Una lisin fɔ di trɔmpɛt!’ Bɔt dɛn se, ‘wi nɔ go lisin.’

Jɛrimaya 6:17 Referans Kwoze

Jɛrimaya 25:4

Una nɔ lisin ɛn una nɔ opin una yes fɔ yɛri, ɔlwe PAPA GƆD de sɛn ɔl in wokman dɛm, we na di prɔfɛt dɛm, to una ɔltɛm

Ayzaya 58:1

Ala lawd wan, nɔ sɛt yu mɔt, ala lawd wan lɛk trɔmpɛt; tɛl mi pipul dɛn di brok we dɛn dɔn brok mi lɔ tɛl Jekɔb in os bɔt dɛn sin dɛm.

Zɛkaraya 7:11

Bɔt usay! Dɛn nɔ lisin to wetin i se. Bifo dat, dɛn mek traŋayes ɛn kɔk dɛn yes so dat dɛn nɔ go yɛri.

Ayzaya 21:11

Wetin PAPA GƆD se bɔt Idɔm. Pɔsin de Idɔm de ala aks mi se, “Wachman, aw di nɛt? Wachman, aw di nɛt?”

Abakɔk 2:1

Abakɔk se in go tinap na wan ay ples de wach fɔ si ɛn yɛri wetin PAPA GƆD gɛt fɔ se to am, ɛn wet fɔ si aw PAPA GƆD go dil wit in kɔmplen.

Ayzaya 56:10

In wachman dɛn blɛn, dɛn ɔl nɔ sabi natin; dɛn ɔl na mumu lɛk dɔg, dɛn nɔ ebul bak; dɛn jɛs de lidɔm, drim, ɛn dɛn lɛk fɔ slip.

Di Ibru Pipul Dɛn 13:17

Una du wetin una lida dɛn tɛl una fɔ du ɛn put unasɛf ɔnda dɛn. Dɛn yay de pan una ɔltɛm ɛn dɛn gɛt fɔ tinap bifo Gɔd fɔ tɛl am bɔt dis wok we dɛn de du fɔ una. If una du wetin dɛn tɛl una fɔ du, dɛnsɛf go gladi fɔ du dɛn wok. Bɔt if una nɔ du am, dɛn nɔ go gladi fɔ du di wok, ɛn dat nɔ go ɛp una.

Ozie 8:1

PAPA GƆD se fɔ ala lawd lawd wan mek ɔlman yɛri se bikɔs di pipul dɔn brok PAPA GƆD in Kɔvinant ɛn in lɔ dɛn, di ɛnimi dɛn we de pas lɛk yuba de ɔlsay na PAPA GƆD in os.

Ayzaya 62:6

E Jerusɛlɛm, na pantap yu wɔl dɛn, A dɔn put wachman dɛm; ol de, ol nɛt dɛn nɔ go ɛva kwayɛt.. Yu we de mek PAPA GƆD de mɛmba. Nɔ blo atɔl,

Jɛrimaya 6:18

Fɔseka dat, una yɛri o, una di neshɔn dɛm, mek una no, una di pipul dɛm we gɛda bifo PAPA GƆD, wetin go apin to dɛm.

Jɛrimaya 7:28

Ɛn yu go tɛl dɛm se, ‘Na di neshɔn dis we nɔ yɛri PAPA GƆD we na dɛn Gɔ in wɔd, ɛn nɔ gri mek i kɔntrol dɛm; di tru dɔn day; i nɔ de na dɛn mɔt igen

Zɛkaraya 1:4

I se dɛn nɔ fɔ tan lɛk dɛn fɔstɛm-papa dɛn we dɛn lɔntɛm prɔfɛt bin de tɛl se lɛ dɛn lɛf di bad tin we dɛn bin de du, bɔt dɛn nɔ lisin ɔ braskitul PAPA GƆD sɛf.

Jɛrimaya 8:5

Wetindu dɛn pipul ya dɔn tɔn dɛn bak pan mi ɛn nɔ gri tɔn bak? Dɛn biliv pan lay lay tin dɛn gud gud wan, ɛn nɔ gri tɔn bak kam to mi.

Jɛrimaya 18:12

“Bɔt dɛn se, ‘Dat na fɔ natin! Wi go du wetin wi dɔn plan ɛn ɔlman go du wetin in traŋayes ɛn ivul at se.

Izikɛl 3:7

Bɔt di Izrɛlayt dɛn nɔ go lisin to yu; bikɔs dɛn nɔ wilin fɔ lisin to mi; bikɔs ɔl di Izrɛlayt dɛn at traŋa ɛn na so dɛn stɔbɔn.