Jɛrimaya 6:16 - Krio Fɔs Oli Baybul

¹⁶ Na dis PAPA GƆD se, “Una go tinap na forod ɛn wach, una aks fɔ dɛn ol rod, usay di gud rod de; ɛn una waka de, ɛn fɛn kolat fɔ una sol. Bɔt dɛn se, ‘we nɔ go waka de.’

Jɛrimaya 6:16 Referans Kwoze

Ayzaya 30:21

Ɛn una yes go yɛri vɔys bien una de tɔk se, “Na di rod dis, waka de,” we una tɔn na lɛfan ɔ raytan.

Jɛrimaya 18:15

Bɔt mi pipul dɛm dɔn fɔgɛt bɔt mi, dɛn de bɔn insɛns fɔ dɛn lay lay gɔd; dɛn dɔn bɔk fut na di rod dɛn we dɛn de fala we na di ol rod dɛm, ɛn dɛn dɔn lɛf di men rod, go waka na dɛn yad rod,

Ditarɔnɔmi 32:7

Mɛmba fɔstɛm o, mɛmba lɔntɛm, aks una pipul dɛn bɔt wetin bin dɔn apin, aks di ol pipul dɛn mek dɛn tɛl una.

Jɛrimaya 7:23

Bɔt, na dis kɔmand a bin gi dɛm se, ‘Obe mi vɔys, ɛn a go bi una Gɔd ɛn una go bi mi pipul dɛm; una liv aw a se una fɔ liv, so dat una go ɛnjɔy una layf.’

Lɛta Fɔ Kɔlɔse 2:6

We una dɔn gri mek Jizɔs Krays bi una Masta, una fɔ gɛt wanwɔd wit am ɔltɛm.

Ayzaya 2:5

E Jekɔb in os, una kam lɛ wi waka na PAPA GƆD in layt.

Jɔn 12:35

Jizɔs se, “Di layt go de wit una lili bit mɔ. Una fɔ stil de waka naw we di layt de, so dat daknɛs nɔ go mit una wɛn una de waka, bikɔs pɔsin we de waka na dak nɔ no usay i de go.

Jɛrimaya 18:12

“Bɔt dɛn se, ‘Dat na fɔ natin! Wi go du wetin wi dɔn plan ɛn ɔlman go du wetin in traŋayes ɛn ivul at se.

Jɛrimaya 22:21

A bin tɔk to yu wɛn yu bin jɛntri, bɔt yu bin se, ‘A nɔ go lisin.’ Na so yu tan frɔm we yu yɔŋ, yu nɔ du wetin a se.

Jɛrimaya 44:16

“As fɔ wetin yu dɔn tɛl wi se PAPA GƆD se fɔ tɛl wi, wi nɔ go lisin to yu.

Di Ibru Pipul Dɛn 11:2

Na bikɔs dɛn lɔntɛm pipul bin biliv Gɔd, mek Gɔd bin satisfay wit dɛn.

Jɔn 13:17

Naw we una dɔn no dat, una go gɛt big blɛsin if una du wetin a tɛl una fɔ du.

Malakay 4:4

I se dɛn fɔ mɛmba ɔl wetin i bin dɔn tɛl in savant, Mozis na Mawnt Saynay se dɛn fɔ du.

Di Ibru Pipul Dɛn 6:12

Wi nɔ want fɔ mek una lezi, bɔt wi want una fɔ bi lɛkɛ dɛn pipul we biliv pan Gɔd, we de bia, bikɔs dɛn na di wan dɛn, we go gɛt ɔl wetin Gɔd bin dɔn prɔmis fɔ gi in pipul dɛn.

Ayzaya 8:20

Fɔ di wan dɛn we dɔn yɛri mi tichin ɛn mi mɛsej fɔ no wetin fɔ du! Fɔ tru, di wan dɛn we de tink fɔ tɔk to dayman, nɔ go si do klin.

Lyuk 16:29

“Bɔt Ebraam tɛl am se, ‘Yu brɔda dɛn gɛt Mozis ɛn dɛn prɔfɛt fɔ wɔn dɛn, mek dɛn lisin wetin dɛn de tɔk.’

Ayzaya 28:12

di wan dɛn we i dɔn tɛl se, “Na dis na alafia; gi alafia to pɔsin we dɔn taya; ɛn na dis na rɛst”; pan ɔl dat, dɛn nɔ gri yɛri wɔd.

Jɔn 5:39

Una de luk gud insay di wɔd dɛn we rayt na Gɔd in Buk, bikɔs una min se una go gɛt layf we go de sote go insay dɛn buk de. Bɔt na mi dɛn de tɔk bɔt na Gɔd in Buk.

Apɔsul Dɛn Wok 17:11

Di pipul dɛn na Biria bin gladi fɔ yɛri di mɛsej we Pɔl tɛl dɛn, pas di pipul dɛn na Tɛsalonayka. Dɛn bin gladi fɔ lisin wetin Pɔl de tɔk, ɛn dɛn rid wetin rayt na Gɔd in Buk fɔ si if na tru Pɔl bin de tɔk.

Lɛta Fɔ Rom 4:12

Ɛn igen, Ebraam na di papa fɔ dɛn Ju pipul dɛnsɛf we sakɔmsayz, nɔto bikɔs dɛn sakɔmsayz nɔmɔ, bɔt bikɔs dɛn biliv pan Gɔd fɔ ɔltin na layf lɛkɛ aw Ebraam bin biliv pan Gɔd fɔ ɔltin na layf, bifo i sakɔmsayz.

Jɛrimaya 2:25

Una nɔ de mas grɔn wit una ɛmti fut ɛn una nɔ de gri mek tɔsti mek yu trot dray. Bɔt una se; ‘Na fɔ natin, bikɔs a dɔn lɛk trenja dɛn, ɛn na dɛn a de wit.

1 Kiŋ 8:36

yɛri dɛn prea na ɛvin. Fɔgiv di kiŋ ɛn di Izrɛlayt dɛn sin ɛn sho dɛn fɔ du wetin rayt. Dɔn PAPA GƆD, mek ren kam na dis land we yu gi yu pipul dɛn se na dɛn yon prɔpati.

Di Sam Dɛm 116:7

A go put mi at dɔŋ, bikɔs PAPA GƆD dɔn du gud fɔ mi.

Jɛrimaya 12:16

Dɔn, if dɛn go tek tɛm lan fɔ liv di we we mi pipul dɛn liv, fɔ tek mi nem swɛ se, ‘Wans PAPA GƆD de,’ lɛk aw dɛn bin lan mi pipul dɛm fɔ swɛ wit Beal in nem, na da tɛm de dɛn go ebul mek ɔp dɛnsɛf we dɛn de wit mi pipul dɛm.

Jɛrimaya 31:21

“Una mak rod dɛm fɔ unasɛf, una put tik dɛn fɔ mɛmba di rod fɔ go bak; una mɛmba di rod gud, di rod we una pas go. Kam bak, Yu Izrɛl we na vajin, una tɔn kam bak na una siti dɛm.

Jɛrimaya 42:3

so dat PAPA GƆD we na yu Gɔd go sho wi di rɔd we wi fɔ waka, ɛn di tin dɛm we wi fɔ du.”

Jɛrimaya 50:5

Dɛn go aks fɔ di rod fɔ go Zayɔn, ɛn dɛn go tɔn dɛn fes de, de se, “Una kam lɛ wi jɔn wisɛf to PAPA GƆD wit wan Kɔvinant we go de sote go we nɔbɔdi nɔ go ɛva fɔgɛt.’

Di Jɔj Dɛm 2:17

Pan ɔl dat, di pipul dɛn nɔ gri lisin to di jɔj dɛn; dɛn jɛs de wɔship ɔda gɔd dɛn de butu to dɛn; dɛn nɔ gri waka na di rod we dɛn fɔstɛmpapa dɛn we bin de obe PAPA GƆD, bin de waka.

2 Kronikuls 19:11

Una no se na Amaraya we na di bigman pan ɔl di man dɛn we de mek sakrifays fɔ pipul sin, de oba una pan ɔl PAPA GƆD in biznɛs; ɛn na Zebadaya we na Ishmɛl in bɔypikin na gɔvna na Juda fɔ ɔl di kiŋ in biznɛs; di Livayt dɛn go wok ɔnda una as di bigman dɛn fɔ di ɔda wokman dɛn. Du ɔltin wit kɔrej, ɛn PAPA GƆD go de wit di wan we tinap fɔ di rayt tin.

Ayzaya 46:9

mɛmba dɛn lɔntɛm tin dɛm; bikɔs na Mi na Gɔd, ɛn nɔn ɔda wan nɔ de; na Mi na Gɔd ɛn nɔn nɔ tan lɛk mi,

Ayzaya 57:2

i go gɛt kol at; di wan dɛn we de waka tret na PAPA GƆD in yay lidɔm de blo na dɛn bed dɛn.

Jɛrimaya 7:3

Na dis PAPA GƆD Ɔlmayti we na Izrɛl dɛn Gɔd se, “Una chenj di we we una de biev ɛn di tin dɛn we una de du, ɛn a go mek una tap na dis ples.

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.