Jɛrimaya 6:14 - Krio Fɔs Oli Baybul

¹⁴ Dɛn dɔn mɛn mi pipul dɛn wund af ɛn af, we dɛn de se, ‘Una gɛt kolat, una gɛt kolat,’ we wan kolat nɔ de.

Jɛrimaya 6:14 Referans Kwoze

Izikɛl 13:10

Bikɔs, yɛs, bikɔs dɛn dɔn lay gi mi pipul dɛn, de tɛl dɛn se ‘pis de,’ wɛn nɔn pis nɔ de; ɛn bikɔs wɛn di pipul dɛn bil wan wɔl, di prɔfɛt dɛn dab dab am wit waytwɔsh;

Jɛrimaya 23:17

Dɛn de tɛl dɛn wan dɛm we nɔ biliv PAPA GƆD in wɔd ɔltɛm se, “Ɔltin go fayn fɔ yu’; ɛn kin tɛl dɛn wan dɛn we nɔ de gri du wetin PAPA GƆD se, bɔt de fala dɛn yon at, se, ‘Nɔn bad tin nɔ go mit una.’”

Jɛrimaya 4:10

Nain a se, “E PAPA GƆD Ɔlmayti, fɔ tru, yu dɔn disiv dɛn pipul ya ɛn Jerusɛlɛm totali, we yu se, ‘ɔltin go fayn fɔ una’; we i bi se nɛf de na dɛn trot!”

Lamɛnteshɔn 2:14

Yu prɔfɛt dɛn dɔn si laylay vishɔn dɛn fɔ yu; dɛn nɔ bin tɔk bɔt di bad we yu bin de du so dat yu go gɛda yusɛf bɔt dɛn dɔn si dɛbul dɛn fɔ yu we na laylay ɛn kin mek yu du di rɔŋ tin.

Jɛrimaya 14:13

Nain a se; “E, Papa Gɔd we na Gɔd, di prɔfɛt dɛm de tɛl dɛm se, ‘Una nɔ go fɛt wa, ɛn una nɔ go day wit aŋri, bɔt a go mɔs gi una kol at na dis ples,’”

Pita In Sɛkɛn Lɛta 2:1

Bɔt sɔm pan dɛn prɔfɛt we bin de lɔntɛm, nɔ bin de tɔk tru; ɛn na so i go bi fɔ unasɛf; sɔm pan dɛn pipul we de lan una bɔt Gɔd nɔ go de tɔk tru; bifo una kechɔp wetin dɛn de du, dɛn go dɔn lan pipul tin we nɔ rayt we go mek dɛn biliv wetin nɔ rayt bɔt Gɔd; dɛn go de tɔk sɛf se nɔto di Masta pe fɔ dɛn layf we i day na di krɔs ɛn dat go mek dɛn lɔs di layf kwik we Gɔd gi dɛn.

Ayzaya 30:26

Pantap dat, di mun in layt go tan lɛk di san in layt, ɛn di san in layt go brayt sɛvin tɛm mɔ, lɛk sɛvin de layt, di de we PAPA GƆD go tay usay de at in pipul dɛn ɛn mɛn di wund dɛn we dɛn bin wund we i bin pɔnish dɛm.

Mayka 2:11

Mayka se na pɔsin we de lay gi dɛn, nain dɛn want. I se if di pɔsin kam prich se dɛn go gɛt bɔku wayn ɛn rɔm fɔ drink, na da tɛm de dɛn go gladi fɔ lisin we i de tɔk.

Izikɛl 13:22

Bikɔs una bin dɔn mek di wan we de waka tret, dɛn at pwɛl, ivindo mi nɔ pwɛl in at, ɛn una dɔn ɛnkɔrej di wikɛd pipul, so dat i nɔ go chenj fɔ ebul sev in layf;

Jɛrimaya 14:17

“Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.

Jɛrimaya 5:12

Dɛn dɔn tɔk lay lay tin dɛm bɔt PAPA GƆD ɛn dɔn se, ‘I nɔ go du yu ɛnitin; natin bad nɔ go apin to wi ɛn i nɔ go kil wi ɔ mek aŋri kam na tɔŋ.

Jɛrimaya 28:3

Insay tu ia, a go briŋ ɔl di tin dɛn fɔ yuz na PAPA GƆD in os kam bak, we Nɛbyukadnɛza we na kiŋ na Babilɔn, bin tek kɔmɔt na dis ples kɛr go Babilɔn.

Ayzaya 1:6

Frɔm bɔtɔm di fut te rich di ed, nɔn say nɔ de we bɛtɛ, pas so so brus brus ɛn sofut ɛn wund dɛn we de blid; dɛn nɔ kwis di tɔf kɔmɔt ɛn dɛn nɔ tay dɛn, ɔ ivin put mɛrɛsin de.

Fɔs Lɛta Fɔ Tɛsalonayka 5:3

Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

2 Samiɛl 17:3

bɔt in go briŋ ɔl di pipul we de wit Devid kam bak to Absalɔm as na Devid nɔmɔ i want fɔ mek day ɛn we i day, dat min se ɔl di pipul go kam bak to am.

Ayzaya 30:10

we de tɛl di man dɛn we de si vishɔn se “Una nɔ fɔ si;” ɛn tɛl di prɔfɛt dɛn se, “Una nɔ prɔfisay wetin rayt to wi; tɛl wi swit wɔd, prɔfisay laylay tin dɛm,

Izikɛl 13:16

di prɔfɛt dɛn na Izrɛl we bin prɔfisay bɔt Jerusɛlɛm ɛn bin si vishɔn bɔt pis fɔ am, wɛn nɔn pis nɔ bin de, na so Papa Gɔd we na Gɔd se.

Izikɛl 14:9

Ɛn if dɛn lay gi di prɔfɛt ɛn i tɔk ɛnitin, na mi PAPA GƆD nɔ go dɔn tɔk tru, ɛn a go dil wit am, ɛn a go kil am kɔmɔt midul mi pipul dɛn, we na Izrɛl.

Mayka 3:5

Na dis PAPA GƆD se bɔt di fɔls prɔfɛt dɛn: I se dɛn de ful di pipul. We dɛn gi dɛn tin fɔ it, dɛn de se ɔltin ɔrayt bɔt we dɛn nɔ gɛt fɔ gi dɛn, na da tɛm de dɛn de tɛl dɛn se dɛn go gɛt trɔbul.