Jɛrimaya 6:13 - Krio Fɔs Oli Baybul

¹³ Bikɔs, frɔm di smɔl wan to di wan we big pas dɛn ɔl, dɛn ɔl want fɔ mek tif tif prɔfit; ɛn, frɔm prɔfɛt to man we de mek sakrifays fɔ pipul sin, dɛn ɔl de ple yuki yuki gem.

Jɛrimaya 6:13 Referans Kwoze

Jɛrimaya 23:11

PAPA GƆD se, “Di prɔfɛt dɛm ɛn di man dɛm we de mek sakrifays fɔ pipul sin, dɛn ɔngɔdli, se Gɔd Ɔlmayti, ivin na mi os, a dɔn si dɛn wikɛdnɛs de.

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Jɛrimaya 22:17

Bɔt yu gɛt yay ɛn at fɔ rog pipul dɛn nɔmɔ, fɔ shɛd inosɛnt blɔd, ɛn fɔ sɔprɛs ɛn fɛt pipul.”

Mayka 3:5

Na dis PAPA GƆD se bɔt di fɔls prɔfɛt dɛn: I se dɛn de ful di pipul. We dɛn gi dɛn tin fɔ it, dɛn de se ɔltin ɔrayt bɔt we dɛn nɔ gɛt fɔ gi dɛn, na da tɛm de dɛn de tɛl dɛn se dɛn go gɛt trɔbul.

Jɛrimaya 14:18

If a go na fam, a go si dɛn wan dɛn we day na wa! If a go insay di siti a go mit bad bad aŋri de! Bikɔs di prɔfɛt ɛn di man dɛn we de mek sakrifays fɔ pipul sin, de wirɔn ɔp ɛn dɔŋ de mek pipul dɛn pe dɛn fɔ dɛn wok, we dɛn nɔ no natin.’”

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Ayzaya 57:17

Fɔseka di sin we i kɔmit we i de milɛ pipul, a bin vɛks, so a pɔnish am, a ayd mi fes ɛn a bin veks; bɔt i stil bin de bakslayd we i de du wetin in at tɛl am.

Pita In Sɛkɛn Lɛta 2:3

Dɛn ticha ya go de lay gi una bikɔs dɛn want una mɔni; bɔt frɔm tɛm nain Gɔd dɔn kɔndɛm dɛn ɛn i go mɔs tek dɛn layf.

Fɔs Lɛta To Timoti 3:3

i nɔ fɔ de drɔnk, i nɔ fɔ de vɛks kwik kwik, i nɔ fɔ de mek plaba; i nɔ fɔ lɛk mɔni;

Lyuk 16:14

Wɛn di Faresi dɛn yɛri wetin Jizɔs tɔk, dɛn laf am bikɔs dɛn na pipul we lɛk mɔni.

Izikɛl 33:31

Ɛn dɛn kam to yu lɛk aw pipul dɛn kin kam, ɛn dɛn sidɔm bifo yu lɛk mi yon pipul, ɛn dɛn yɛri wetin yu se bɔt dɛn nɔ go du am; fɔ dɛn de sho bɔku lɔv wit dɛn mɔt bɔt dɛn at fasin pan dɛn prɔfit.

Izikɛl 22:12

Sɔm man de we de tek brayb fɔ kil; una de tek intrɛs ɛn ad mɔ pan di mɔni ɛn mek prɔfit na una neba dɛn ed bay pawa; ɛn una dɔn fɔgɛt bɔt mi, Na so Papa Gɔd we na Gɔd se.

Lamɛnteshɔn 4:13

Dis na fɔseka di sin we in prɔfɛt dɛn kɔmit ɛn di bad bad tin dɛn we di man dɛn we de mek sakrifays fɔ pipul sin, we kil pipul dɛn we de waka tret wit PAPA GƆD, insay Jerusɛlɛm.

Jɛrimaya 32:32

fɔseka ɔl di bad we Izrɛl in bɔypikin dɛm ɛn Juda in bɔypikin dɛm du fɔ provok mi mek a vɛks– dɛn kiŋ dɛn, dɛn man dɛn we de mek sakrifays fɔ pipul sin, dɛn prɔfɛt dɛm, di man dɛn na Juda ɛn di pipul dɛn we tap na Jerusɛlɛm.

Jɛrimaya 2:26

“Lɛkɛ we dɛn kin jankonico tifman wɛn dɛn kech, na so dɛn go jankonoco Izrɛl: dɛm, dɛn kiŋ dɛm, dɛn bigman dɛm, dɛn man dɛm we de mek sakrifays fɔ pipul sin ɛn dɛn prɔfɛt dɛm,

Jɛrimaya 2:8

Di man dɛm we de mek sakrifays fɔ pipul sin nɔ bin aks se, ‘We PAPA GƆD?’ Dɛn wan dɛn we de andul di lɔ nɔ bin no mi; di rula dɛn sin agens mi; di prɔfɛt dɛn bin de prɔfisay se na Beal tɛl dɛn so, ɛn dɛn bin put at pan tin dɛn we nɔ go mek dɛn bɛtɛ.

Ayzaya 28:7

Dɛnwanya sɛf de rol na grɔn we dɛn drink wayn ɛn de staga we dɛn drink traŋa rɔm; di man we de mek sakrifays fɔ pipul sin ɛn di prɔfɛt bin de rol na grɔn we dɛn drink traŋa rɔm, wayn kɔnfyus dɛm, traŋa rɔm mek dɛn staga; dɛn nɔ de si gud, dɛn de mistek we dɛn de gi jɔjmɛnt.

Pita In Sɛkɛn Lɛta 2:1

Bɔt sɔm pan dɛn prɔfɛt we bin de lɔntɛm, nɔ bin de tɔk tru; ɛn na so i go bi fɔ unasɛf; sɔm pan dɛn pipul we de lan una bɔt Gɔd nɔ go de tɔk tru; bifo una kechɔp wetin dɛn de du, dɛn go dɔn lan pipul tin we nɔ rayt we go mek dɛn biliv wetin nɔ rayt bɔt Gɔd; dɛn go de tɔk sɛf se nɔto di Masta pe fɔ dɛn layf we i day na di krɔs ɛn dat go mek dɛn lɔs di layf kwik we Gɔd gi dɛn.

Jɛrimaya 2:29

“Wetin du una de kɔmplen bɔt mi? Una ɔl dɔn kɔmɔt biɛn mi. Na so PAPA GƆD se.

Jɛrimaya 17:11

Di pɔsin we de gɛt mɔni di rɔŋ we tan lɛk bush fɔl we de ach eg we i nɔ le, tɛm go kam we dɛn go lɛf am go, ɛn i go kan tɔn fulman in di ɛnd.

Jɛrimaya 27:15

PAPA GƆD se, ‘A nɔ sɛn dɛm, bɔt dɛn de tek mi nem gi una lay lay prɔfisi, so dat a go drɛb una ɛn una go sɔfa bad bad wan, una ɛn di prɔfɛt dɛm we de prɔfisi to una.”

Jɛrimaya 42:1

Ɔl di kɔmanda dɛm fɔ di difrɛn fɛtman dɛm ɛn Joanan we na Karɛn in bɔypikin, ɛn Azaraya we na Oshaya in bɔypikin, ɛn ɔl di pipul dɛm, frɔm di list wan to di wan we pas dɛn ɔl, kam nia

Jɛrimaya 23:10

Bikɔs di land ful wit pipul dɛn we de kip pipul man ɛn wɛf; di land de munin fɔseka di swɛ, ɛn di say dɛn we plɛnti gras de gro fɔ fid animal na di dray ɛn ɛmti ples, dɔn dray. Ɔl wetin dɛn de du, ivul, ɛn dɛn de misyuz dɛn pawa.