Jɛrimaya 6:12 - Krio Fɔs Oli Baybul

¹² Dɛn go gi ɔda pipul dɛn, dɛn os dɛm, wit dɛn fam ɛn dɛn wɛf dɛm sɛf; bikɔs a go pɔnish di pipul dɛn na di land,” na so PAPA GƆD se.”

Jɛrimaya 6:12 Referans Kwoze

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

Ayzaya 5:25

Fɔseka dat PAPA GƆD in at bin wam pan in pipul dɛn, so i tɔn pan dɛn ɛn kil dɛn, ɛn di mawnten dɛn trimbul; ɛn dɛn dedebɔdi dɛn skata lɛk dɔti na di trit dɛn. Pan ɔl dat in at stil nɔ kol, ɛn i stil wan pɔnish dɛn.

Zɛfinaya 1:13

Dɛn go wutuwutu dɛn jɛntri go ɛn ivin dɛn os dɛn nɔ go bɛtɛ igen fɔ mek dɛn tap de. We dɛn bil nyu os, dɛn nɔ go ɛva tap de. Pan ɔl we dɛn go plant vayn gadin, dɛn nɔ go ebul pul wayn kɔmɔt de.

Lamɛnteshɔn 5:11

Dɛn de rabish uman dɛn na Zayɔn; vajin dɛn na di siti dɛn na Juda.

Lamɛnteshɔn 5:3

Wi dɔn bi pikin dɛn we nɔ gɛt mami ɛn dadi, wi nɔ gɛt papa; wi mama dɛn dɔn tɔn uman dɛn we dɛn man dɛn dɔn day.

Lamɛnteshɔn 3:3

I de bit mi bad bad wan, ol de, i de bit bit mi.

Lamɛnteshɔn 2:8

Fɔ sho se PAPA GƆD mek ɔp fɔ pwɛl Zayɔn in gyalpikin in wɔl kpatakpata; i mɛzhɔ di wɔl dɛn dɔn i brok dɛn; in an nɔ de trimbul sɛf we i de pwɛl; i mek di insay wɔl ɛn di wɔl na do de mɛmba ɛn kray; dɛn ɔltu lidɔm broko wan.

Jɛrimaya 38:22

A si dɛn de kɛr ɔl di uman dɛn we lɛf na di kiŋ na Juda in os go to di bigman dɛn na Babilɔn de se, Yu padi dɛn we yu bin biliv dɔn ple yu tampale, ɛn dɔn gɛt yu aw dɛn want yu; naw we una fut dɔn sink insay pɔtɔpɔtɔ dɛn dɔn kɔmɔt biɛn yu.’

Ayzaya 10:4

Natin nɔ lɛf, pas fɔ butu wit dɛn prizina ɔ day wit di wan dɛn we dɛn go kil. Na fɔseka ɔl dɛn tin ya mek in at nɔ stil kol, ɛn i stil de pɔnish una.

Ayzaya 9:21

Manasɛ Ifrem, ɛn Ifrem Manasɛ, ɛn dɛn ɔl de agens Juda. Pan ɔl dat, in at nɔ stil kol ɛn stil de pɔnish una dɛn.

Ayzaya 9:17

Na dat mek PAPA GƆD nɔ de gladi fɔ dɛn yɔŋ bɔy dɛn, ɛn i nɔ de sɔri fɔ di pikin dɛn we dɛn papa dɔn day ɛn di uman dɛn we dɛn man dɔn day; bikɔs dɛn ɔl nɔ sabi Gɔd ɛn na so so bad dɛn de du, ɛn na soso rɔbish dɛn de tɔk. Fɔseka ɔl dɛn tin ya, in at stil nɔ kol ɛn i stil de pɔnish dɛn.

Ayzaya 9:12

Di Sirian dɛn na di ist ɛn di Filistin dɛn na di wɛst dɔn opin mɔt fɔ swɛla Izrɛl. Pan ɔl dat, in at stil nɔ kol ɛn i stil wan pɔnish dɛn.

1 Kronikuls 21:16

Devid es in yay ɛn in i si PAPA GƆD in enjɛl tinap midul di skay, ɛn i bin ol wan sɔd nain an we i tret oba Jerusɛlɛm. Nain Devid ɛn di bigman dɛn we bin wɛr saklɔth ɛn butu dɛn fes na grɔn.

Jɛrimaya 7:20

PAPA GƆD Ɔlmayti se, “A go put mi animal, a go put am pan tik dɛm na bush ɛn di frut dɛn we de gro kɔmɔt na grɔn; i go bɔn ɛn i nɔ go ɔt.”

Jɛrimaya 15:6

PAPA GƆD se, yu bin dɔn tɔn yu bak pan mi, ɛn yu bin jɛs de go biɛn; so a tek akshɔn agens yu ɛn nyakanyaka yu; – A nɔ go ebul sɔri fɔ una igen

Jɛrimaya 21:5

Na misɛf sɛf go fɛt una wit mi traŋa an we opin, wit vɛksteshɔn ɛn ɔt tɛmpa, ɛn wit bad bad wamat.

Jɛrimaya 38:23

Dɛn go kɛr ɔl yu wɛf dɛm ɛn yu bɔypikin dɛm go to di Babilonian dɛm, ɛn yusɛf nɔ go ɛskep; di kiŋ na Babilɔn go kapchɔ yu ɛn dɛn go bɔn dis siti wit faya.”

Izikɛl 35:3

ɛn tɛl am se, PAPA GƆD se: una lisin, a de agens yu Mawnt Seir, ɛn a go tret mi an pan yu, ɛn a go mek yu bi wan ples we nɔbɔdi ɛn natin nɔ de.

Mayka 2:4

We da tɛm de kam, pipul go yuz dɛn mek ɛgzampul fɔ sho aw pɔsin de pe fɔ di bad we i du to ɔda pipul. Di pipul dɛn go mek siŋ bɔt dɛn lɛkɛ se na bɛrin dɛn gɛt: Ɔltin dɔn dɔn fɔ dɛn! PAPA GƆD dɔn pul dɛn land kɔmɔt na dɛn an I dɔn gi am to di wan dɛn we kapchɔ dɛn.

Zɛfinaya 1:4

I se in go pɔnish di pipul dɛn na Juda ɛn ɔl udat tap na Jerusɛlɛm. I se in go pwɛl di balans tin we lɛf pan dɛn tin dɛn we dɛn de yuz fɔ wɔship Beal, wit dɛn man dɛn we de fɔ de mek sakrifays to Beal.

Lamɛnteshɔn 5:2

Dɛn dɔn gi ɔl wetin wi gɛt to trenja dɛn, na fɔrina dɛn gɛt wi os dɛn.

Izikɛl 7:24

a go briŋ di neshɔn dɛn we bad pas ɔl fɔ tek ɔl dɛn os dɛm; a go tap ɔl dɛn pawa we mek dɛn de mek prawd, ɛn dɛn oli ples dɛm nɔ go gɛt nɔn rɛspɛkt.