Jɛrimaya 6:10 - Krio Fɔs Oli Baybul

¹⁰ Udat a go tɔk to ɛn wɔn, so dat dɛn go yɛri? I bi se, dɛn yes dɛn lɔk, dɛn nɔ ebul lisin; I bi se, to dɛm, PAPA GƆD in wɔd na tin fɔ laf, dɛn nɔ gɛt tɛm fɔ am.

Jɛrimaya 6:10 Referans Kwoze

Apɔsul Dɛn Wok 7:51

“Una na traŋayes pipul! Gɔd nɔ de na una at, una nɔ de lisin to Gɔd in mɛsej! Una jɛs tan lɛkɛ una grampapa papa dɛn: unasɛf nɔba gri fɔ du ɛnitin we Gɔd in Spirit tɛl una fɔ du.

Jɔn 7:7

Di pipul dɛn na wɔl jɛs gɛt fɔ lɛk una, bɔt dɛn nɔ lɛk mi bikɔs a kin de tɛl dɛn se, dɛn de du bad.

Jɛrimaya 7:26

pan ɔl dat, dɛn nɔ yɛri mi wɔd ɔ pe atɛnshɔn to mi, bɔt dɛn kɔk dɛn yes. Dɛn du wɔs tin pas dɛn fɔstɛmpapa dɛm.

Di Ibru Pipul Dɛn 11:7

Na bikɔs Noa bin biliv Gɔd mek i lisin di tɛm we Gɔd wɔn am bɔt dɛn tin we go bi. Pan ɔl we i nɔ bin si di tin dɛn yet, Noa du wetin Gɔd tɛl am fɔ du. I mek wan big bot we in, in wɛf ɛn in pikin dɛn go insay, so di wata we bin kɔba di wɔl nɔ bin du dɛn natin. So di biliv we Noa biliv Gɔd dɔn pruv se di pipul dɛn na di wɔl bin de du bad we dɛn nɔ bin biliv Gɔd. Gɔd tek Noa fɔ bi tret pɔsin bikɔs Noa bin biliv am.

Ayzaya 53:1

Udat dɔn biliv wetin we dɔn yɛri? Ɛn to udat PAPA GƆD dɔn sho in an?

Ɛksodɔs 6:12

Bɔt Mozis ansa PAPA GƆD se, “We di Izrɛlayt dɛn nɔ lisin to mi, wetin a go se to di kiŋ we mek i lisin to mi? Infakt mi na pɔsin we nɔ ebul tɔk.”

Sɛkɛn Lɛta To Timoti 4:3

Di tɛm go kam we pipul nɔ go want yɛri dɛn tin we ɔda pipul de lan dɛn we gud fɔ dɛn, bɔt dɛn go de fala wetin dɛn at gi dɛn fɔ du, ɛn dɛn go de gɛda mɔ ɛn mɔ ticha dɛn we go de tɛl dɛn tin we dɛn lɛk fɔ yɛri.

Lɛta Fɔ Kɔlɔse 1:28

Na bɔt Krays wi de tɛl ɔlman. Wit ɔl di sɛns we Gɔd gi wi, wi de tɛl dɛn wetin nɔ fɔ du ɛn lan dɛn wetin fɔ du, so dat ɔlman go no ɔl wetin Gɔd want dɛn fɔ du, dɛn go want du am wit ɔl dɛn at, ɛn dɛn go gɛt wanwɔd wit Krays.

Lɛta Fɔ Rom 7:22

Insay mi at, a lɛk fɔ du wetin Gɔd in lɔ se mɔtalman fɔ du.

Apɔsul Dɛn Wok 7:60

I nil dɔŋ na grɔn ɛn pre lawd wan se, “Papa Gɔd, padin dɛn pipul ya fɔ wetin dɛn dɔn du!” Wɛn i pre dɔn, nain i day.

Jɔn 9:40

Wɛn sɔm pan di Faresi dɛn we bin lib de yɛri we Jizɔs de tɔk dɛn wɔd ya, dɛn se, “Yuwant tɛl wi se wisɛf blɛn?”

Lyuk 20:19

Da sem tɛm de, dɛn Ju Lɔ ticha ɛn dɛn bigman we de mek sakrifays fɔ pipul sin tray fɔ ol Jizɔs bikɔs dɛn kechɔp se na fɔ dɛn Jizɔs pul di parebul, bɔt dɛn nɔ ol am bikɔs dɛn bin de fred di pipul dɛn we bin lib de.

Lyuk 11:45

Wan pan di Ju Lɔ ticha dɛn ansa Jizɔs se, “Masta, we yu tɔk so, yu dɔn blem wisɛf!”

Matyu 3:7

Jɔn si se plɛnti Faresi ɛn Sadyusi dɛn bin de kam to am fɔ mek i baptayz dɛn, so i bigin tɔk pan dɛn. I se, “Una dɛn snek ya, una min se we dɛn baptayz una dat go mek Gɔd nɔ pɔnish una fɔ di sin we una dɔn sin?

Emɔs 7:10

Amazaya we de mek sakrifays fɔ pipul sin na Bɛthɛl, sɛn ripɔt to Kiŋ Jɛroboam na Izrɛl se, Emɔs dɔn jɔyn pipul dɛn fɔ tɔn agens am. Wetin i tɔk, luk an yanda.

Izikɛl 33:9

Bɔt if yu wɔn di wikɛd man fɔ chenj pan in wikɛdnɛs ɛn i nɔ tɔn frɔm in wikɛdnɛs, i go day pan in bad bad wikɛdnɛs, bɔt yu go dɔn sev yu layf.

Izikɛl 33:3

ɛn if i si di sɔd de kam pan di kɔntri ɛn i blo di trɔmpɛt ɛn wɔn di pipul;

Jɛrimaya 4:4

Una sakɔmsayz unasɛf to PAPA GƆD, una pul di fɔs kanda we de ɔntɔp una at, Una di man dɛn na Juda ɛn una we tap na Jerusɛlɛm; if nɔto so, mi vɛksteshɔn go kɔmɔt lɛkɛ faya ɛn bɔn, we nɔbɔdi nɔ go ebul ɔt am, bikɔs ɔf di ivul we de pan di tin dɛn we una de du.”

Di Sam Dɛm 119:174

PAPA GƆD, a de wet fɔ mek yu sev mi bikɔs a de ɛnjɔy fɔ du wetin yu lɔ se.

Di Sam Dɛm 119:77

Sho mi se yu gɛt sɔri-at as a de liv, bikɔs a de ɛnjɔy fɔ du wetin yu lɔ se.

Di Sam Dɛm 119:70

Dɛn at traŋa, bɔt mi go ɛnjɔy fɔ du wetin yu lɔ se.

Di Sam Dɛm 119:35

Mek a fala di rod we yu lɔ dɛn se a fɔ fala, bikɔs na da tɛm de a go gladi.

Di Sam Dɛm 119:24

A de ɛnjɔy yu lɔ dɛn; na dɛn de sho mi aw fɔ liv.

Di Sam Dɛm 119:16

Yu lɔ dɛn de mek a gladi; a nɔ go mek lɛk a nɔ bisin bɔt yu wɔd

Di Sam Dɛm 40:8

a de ɛnjɔy fɔ du wetin yu want a de kip yu lɔ na mi at so a go obe am.”

Di Sam Dɛm 1:2

I go fayn mɔ if i de ɛnjɔy fɔ rid PAPA GƆD in wɔd ɛn de tink bɔt PAPA GƆD in lɔ de ɛn nɛt.

Ditarɔnɔmi 29:4

bɔt tetide, PAPA GƆD nɔ mek dɛn ɔndastand ɔl wetin dɛn bin si ɛn yɛri, min.

Jɛrimaya 5:21

“Una yɛri o, una dɛn fulish pipul dɛn we nɔ gɛt sɛns, una we gɛt yay bɔt nɔ de si, una we gɛt yes bɔt nɔ de yɛri.

Jɛrimaya 9:26

Ijipt, Juda, Idɔm, di bɔypikin dɛn na Amɔn, Moab, ɛn ɔl udat tap na di ɛmti ples we pɔsin nɔ go ebul tap, we de krep rawnd dɛn ed; bikɔs ɔl dɛn neshɔn dɛn de nɔ sakɔmsayz, ɛn di wanol Izrɛl dɛn at nɔ sakɔmsayz.”

Ayzaya 42:20

I de si bɔku tin, bɔt i nɔ de notis dɛn; in yes opin, bɔt i nɔ de yɛri.

Jɛrimaya 7:13

PAPA GƆD se, ɛn rayt naw, bikɔs una dɔn du ɔl dɛn tin ya, ɛn wɛn a bin de tɔk to una ɛn nɔ de blo, una nɔ bin lisin, ɛn wɛn a kɔl una, una nɔ ansa,

Jɛrimaya 35:13

Na dis PAPA GƆD Ɔlmayti we na Izrɛl dɛn Gɔd se: Go tɛl di man dɛm na Juda ɛn di wan dɛn we tap insay Jerusɛlɛm se, PAPA GƆD se; Una nɔ go lisin to wetin a de tɔk ɛn du wetin a se?

Izikɛl 3:7

Bɔt di Izrɛlayt dɛn nɔ go lisin to yu; bikɔs dɛn nɔ wilin fɔ lisin to mi; bikɔs ɔl di Izrɛlayt dɛn at traŋa ɛn na so dɛn stɔbɔn.