Jɛrimaya 6:1 - Krio Fɔs Oli Baybul

¹ Una rɔn go ayd, una Bɛnjamin in pikin dɛm, una rɔn kɔmɔt insay Jerusɛlɛm! Una blo di trɔmpɛt na Tɛkoa, ɛn put sayn ɔp na Bɛtachɛrɛm; bikɔs bad bad tin de na rod de kam kɔmɔt na di nɔt, ɛn ebi ebi nyakanyaka.

Jɛrimaya 6:1 Referans Kwoze

Nɛimaya 3:14

Na Malkija, we na Rekab in bɔypikin mek di Dɔŋ Get bak. Malkija nain bin de rul na Bɛth Akerɛm. I put di do dɛn, di bolt dɛn ɛn di krɔs ba dɛn usay dɛn fɔ de.

Jɛrimaya 6:22

Na dis PAPA GƆD se, “A de tɛl una, saten pipul dɛn de kɔmɔt di kɔntri we de na di nɔt, wan big big neshɔn we de usay di wɔl ɛnd, de rɛdi fɔ fɛt wa.

2 Kronikuls 11:6

I bil Bɛtliɛm. Etam, Tɛkoa,

2 Samiɛl 14:2

So i sɛn sɔmbɔdi go briŋ wan uman we gɛt sɛns we de na Tɛkoa kam. Wɛn di uman kam, i tɛl di uman fɔ wɛr munin, nɔ kom in ia ɛn nɔ rɔb ɔyl lɛkɛ udat dɔn te we i de munin.

Di Jɔj Dɛm 1:21

Bɔt di Bɛnjamin fambul nɔ bin drɛb di Jɛbyusayt dɛn kɔmɔt Jerusɛlɛm; na dat mek di Jɛbyusayt dɛn de wit di Bɛnjamin fambul na Jerusɛlɛm te tide.

Emɔs 1:1

Dis na wetin Emɔs we de mɛn ship we kɔmɔt Tɛkoa tɔk. PAPA GƆD sho ɔl dɛn tin ya to Emɔs bɔt Izrɛl tu ia bifo di athkwek bi, di tɛm we Uzaya na bin kiŋ na Juda, dɔn Jɛroboam we na Jɛoash in bɔypikin na bin kiŋ na Izrɛl.

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Jɛrimaya 10:22

Una lisin, na rumɔ! Luk, i de kam! –- Big kɔnfyushɔn de na di nɔt kɔntri fɔ kam mek di siti dɛn na Juda ɛmti, ɛn ples we na so so Jakal tap.

Jɛrimaya 4:29

As dɛn yɛri di sawnd we pipul dɛn de rayd ɔs ɛn pipul dɛn de faya bo ɛn aro, ɔl di siti dɛm rɔnawe; dɛn go na bush bush we taŋul; dɛn klem pan dɛn rɔk dɛm; ɔl di siti dɛn lɛf to dɛnsɛf, ɛn nɔbɔdi nɔ de de..

Jɔshwa 15:63

Bɔt di Izrɛlayt dɛn nɔ bin ebul drɛb di Jɛbyusayt dɛn kɔmɔ Jerusɛlɛm so dɛn de wit dɛn de te di tɛm we dɛn bin de rayt dis buk

Emɔs 3:6

Pipul go yɛri ɔn fɔ wa dɛn nɔ fred? Wɛn dombolo fɔdɔm na di siti, nɔto mi, PAPA GƆD de mek i bi?

Zɛkaraya 6:6

Di sɛkɛn wan we gɛt di blak ɔs dɛn, go na di nɔth to usay Babilɔn de, di wayt wan dɛn go na di wɛst ɛn di wan dɛn we tan lɛk layt gre go na di sawt.

Nɛimaya 3:5

Nɛks to Zedɔk, na di pipul dɛn we kɔmɔt Tɛkoa bin de. Di aristo dɛn we kɔmɔt Tɛkoa nɔ bin gri du natin bikɔs dɛn nɔ bin want fɔ tek ɔda frɔm udat dɛn bin de supavays dɛn.