Jɛrimaya 52:4 - Krio Fɔs Oli Baybul

⁴ Ɛn insay di de we mek tɛn na di tɛn mɔnt insay di ia we mek nayn we i ren, Nɛbyukadnɛza we na kiŋ na Babilɔn bin kam wit ɔl in ami kam atak Jerusɛlɛm, ɛn dɛm bin sɔrawnd dɛm ɛn bin dig gɔta dɛm ɔlɔbɔt.

Jɛrimaya 52:4 Referans Kwoze

Jɛrimaya 39:1

Insay di mɔnt we mek tɛn, na di ia we mek kiŋ Zɛdikaya we na kiŋ na Juda, nayn ia na pawa, Nɛbyukadnɛza, we na kiŋ na Babilɔn ɛn in wanol ami bin atak Jerusɛlɛm ɛn sɔrawnd am;

Zɛkaraya 8:19

dɛn fast we dɛn bin fast di mɔnt we mek fo, di mɔnt we mek fayv, di mɔnt we mek sɛvin, ɛn di mɔnt we mek tɛn, go briŋ gladi fɔ Juda ɛn dɛn go mek di ladida, so dɛn fɔ lɛk tin we na tru ɛn we de mek pis de.

Jɛrimaya 52:7

Nain dɛn du wan bad tin we dɛn nɔ fɔ du, na di siti; ɔl di sojaman dɛm rɔnawe kɔmɔt na di siti na nɛt, ɛn pas na wan get we de bitwin di tu wɔl we de nia di kiŋ in gadin, ɛn di Babilonian dɛm bin de rawnd di siti. Dɛn bin go bay Riva Jɔdan say.

Jɛrimaya 32:24

Di dɔti we dɛn pak rawnd fɔ klem ɛn atak, dɔn bil kam ɔp di siti fɔ kapchɔ am, ɛn fɔseka wa ɛn bad bad aŋri ɛn siknɛs, dɛn go gi di siti to di Babilonian dɛm we de fɛt dɛm. Wetin yu bin se dɔn bi, ɛn yu si am wit yu yay.

Lyuk 21:20

“Bɔt di tɛm we una go si soja man dɛn gɛda rawnd Jerusɛlɛm, una fɔ no se di tɛm we da tɔŋ de go pwɛl dɔn de rich.

Lyuk 19:43

Tɛm de kam we dɛn wan we nɔ lɛk una go bil ston wɔl rawnd una tɔŋ, ɛn tinap rawnd am so dat una nɔ go gɛt ples fɔ pas kɔmɔt.

Izikɛl 21:22

Di ansa fɔ Jerusɛlɛm kam nain raytan, fɔ mek dɛn opin dɛn mɔt fɔ kray, mek dɛn mɔt de ala, fɔ tek big big tik dɛn we gɛt ayɛn ed, de wap di do fɔ brok am, fɔ payl ay ay dɔti ɛn fɔ bil tawa dɛn fɔ tek blɔked.

Ayzaya 29:3

Ɛn a go kamp rawnd yu ɛn a go blɔk yu rawnd wit tawa dɛm ɛn a go bil wɔl rawnd we go blɔk yu.

Lɛvitikɔs 26:25

I go mek dɛn ɛnimi dɛn atak dɛn bikɔs dɛn dɔn brok in Kɔvinant; ɛn if dɛn ɔl go ayd na dɛn siti dɛn, i go ib sik pan dɛn we go prɛd ɛn kil bɔku pipul, ɛn dat go mek dɛn ɛnimi dɛn ebul dɛn.

Jɛrimaya 34:1

Dis na PAPA GƆD in wɔd we rich Jɛrimaya, di tɛm we Nɛbyukadnɛza we na kiŋ na Babilɔn ɛn ɔl in ami, ɔl di kindɔm dɛm na di wɔl we de ɔnda in pawa, ɛn ɔl di pipul dɛn na wɔl, bin de fɛt Jerusɛlɛm ɛn ɔl in siti dɛm:

Izikɛl 26:8

I go kil una gyal pikin dɛn na di menland, wit di sɔd, i go bil wan blɔked wɔl pan una, ɛn sɛf payl dɔti ay ay wan pan una, ɛn es pan una, wan ruf we mek wit shild dɛm.

Izikɛl 33:21

Insay di twɛlv ia, pan wi ɛgzayl, pan di fayv de na di tɛn mɔnt, wan man we rɔnawe frɔm Jerusɛlɛm, bin kam to mi ɛn se “Di big siti dɔn fɔdɔm.”

Izikɛl 40:1

We di ia bigin, dat na fotin ia we dɛn bin kɔnka di siti, da vɛri de Insay di ia we mek twɛnti fayv we wi de ɛgzayl, di de we mek tɛn na di mɔnt de, PAPA GƆD in an bin de pan mi,

Jɛrimaya 4:17

PAPA GƆD se, dɛn sɔrawnd am lɛkɛ aw dɛn wan dɛn we de gyad fil kin de rawnd am, bikɔs i dɔn kɔmɔt biɛn mi.

Jɛrimaya 21:2

“Fɛnɔt to PAPA GƆD fɔ wi, bikɔs Nɛbyukadnɛza we na kiŋ na Babilɔn de mek wa pan wi; sɔntɛnde, PAPA GƆD go yuz ɔl in wɔndaful tin dɛn we i kin du, fɔ ɛp wi, ɛn i go mek i fred fɔ fɛt wi.”

Izikɛl 21:27

Na ruin, na ruin, a go ruin am; natin, natin nɔ go lɛf pan am te di wan kam, we nain gɛt rayt; ɛn naim a go gi am to.