Jɛrimaya 52:3 - Krio Fɔs Oli Baybul

³ Fɔ tru tru, bikɔs PAPA GƆD bin vɛks bad bad wan, di kayn tin dɛm we apin na Jerusɛlɛm ɛn Juda, bin mek PAPA GƆD trowe dɛm kɔmɔt bifo am. Ɛn Zɛdikaya bin ribɛl agens di kiŋ na Babilɔn.

Jɛrimaya 52:3 Referans Kwoze

Ayzaya 3:1

PAPA GƆD, we na PAPA GƆD Ɔlmayti, de pul kɔmɔt Jerusɛlɛm ɛn Juda, dɛn sɔplay ɛn dɛn sɔpɔt, di it we dɛn fɔ it, ɛn di wata we dɛn fɔ drink,

2 Kronikuls 36:13

I baranta pan kiŋ Nebyukadɛza we bin mek i swɛ to Gɔd (fɔ sav am); I bin traŋayes ɛn bin traŋa in at se i nɔ go ripɛnt ɛn go bak to PAPA GƆD we na Izrɛl dɛn Gɔd.

Ayzaya 19:4

PAPA GƆD we na PAPA GƆD Ɔlmayti se, i go put di Ijipshian dɛn na wan traŋa at man in an, ɛn na wan fays kiŋ go rul dɛn.

Ɛkliziastis 10:16

Na siriɔs alaki go mit da kɔntri we dɛn kiŋ na pikin, ɛn dɛn bigman dɛn de mek pati na mɔnin.

Prɔvabs 28:2

Wɛn kɔntri nɔ du wetin rayt na PAPA GƆD yay, dɛn go de mek ku ɔltɛm bɔt kɔntri go tinap deŋ if i gɛt lida dɛn we gɛt sɛns.

1 Kiŋ 10:9

I prez PAPA GƆD se, “Lɛ wi Prez PAPA GƆD, we na yu PAPA GƆD we sho yu se i lɛk yu ɛn dɔn mek yu kiŋ fɔ Izrɛl. Bikɔs PAPA GƆD in lɔv nɔ de dɔn fɔ Izrɛl, na dat mek i mek yu bi kiŋ fɔ lɛ jɔstis, fia ple ɛn tret biznɛs go de.”

2 Samiɛl 24:1

PAPA GƆD vɛks pan di pipul bak so i mek Devid kɔnt ɔmɔs man ebul fɛt na Izrɛl ɛn na Juda.

Jɛnɛsis 4:14

Yu de pul mi kɔmɔt pan fam wok ɛn fɔ de wirɔn na dis wɔl, ɛn ɛnibɔdi we si mi go kil mi.”

Jɛnɛsis 4:16

So Ken kɔmɔt go tap fa frɔm PAPA GƆD na wan kɔntri we nem “Nɔd” we min “Wirɔn” we de na di ist pat we yu kɔmɔt Idɛn.

2 Kiŋ 24:20

Na bikɔs PAPA GƆD bin vɛks mek i put dombolo na Jerusɛlɛm ɛn Juda, dɔn faynali i push dɛn kɔmɔt nia am.

Jɛrimaya 7:15

Ɛn a go drɛb una kɔmɔt bifo mi, lɛkɛ we a drɛb ɔl una kɔntriman dɛm, we na Ifrem in pikin dɛm.

Jɛrimaya 15:1

Nain PAPA GƆD tɛl mi se, ‘Ɔlwe Mozis ɛn Samiɛl bin tinap bifo mi, mi at stil nɔ bin tek dɛn pipul ya. Drɛb dɛn kɔmɔt bifo mi lɛ dɛn go!

2 Kiŋ 17:18

So PAPA GƆD vɛks bad bad pan Izrɛl ɛn dɔnawe wit dɛn kpatakpata. Na Juda nɔmɔ bin lɛf.

2 Kiŋ 17:20

Dat mek PAPA GƆD tɔn in bak pan ɔl di Izrɛlayt dɛn, i pɔnish dɛn mek dɛn ɛnimi dɛn skata skata dɛn ɛn nyamanyama dɛn te wan pan dɛnsɛf nɔ lɛf.

2 Kiŋ 17:23

na dat dɛn bin de pan te PAPA GƆD drɛb dɛn kɔmɔt bifo am; ɛn i bin dɔn tɛl in prɔfɛt dɛn fɔ wɔn dɛn. Na so di Izrɛlayt dɛn tek kɔmɔt go Ɛgzayl na Asiria ɛn na de dɛn de te tide.

Ɛzra 4:15

Duya, gi ɔda fɔ lɛ dɛn go luk usay di kiŋ dɛn bifo yu bin de kip rɛkɔd fɔ ɔl wetin bin de apin trade. If yu du so, yu go fɛnɔt se di pipul dɛn na dis siti bin gɛt bad bad traŋayes ɛn bin dɔn de gi prɔblɛm lɔntɛm. Infakt sɛf, dɛn gɛt bad rɛkɔd fɔ traŋayes ɛn na we dɛn nɔ want tek kɔntrol to ɔda kiŋ ɛn kɔntri dɛn mek dɛn pwɛl di siti kpatakpata.

Ayzaya 36:5

Yu tink se ɛmti tɔk na tatiks ɛn pawa fɔ fɛt wa? Na udat yu abop pan naw we yu dɔn tɔn yu bak pan mi.