Jɛrimaya 51:9 - Krio Fɔs Oli Baybul

⁹ Wi bin fɔ dɔn mɛn Babilɔn, bɔt i nɔ tek mɛn. Fɔsek am, lɛ wi ɔl go na wi difrɛn kɔntri dɛm; bikɔs in jɔjmɛnt dɔn rich ɔp na ɛvin ɛn dɔn rich di skay.

Jɛrimaya 51:9 Referans Kwoze

Rɛvɛleshɔn 18:5

Una fɔ no se Gɔd nɔ fɔgɛt di bad bad tin dɛn we i dɔn du, we dɔn payl te dɛn dɔn rich ɔp na ɛvin.

Jɛrimaya 50:16

Mek wan fama nɔ de na Babilɔn igen, ɛn wan di wan dɛn we de andul kɔtlas fɔ avɛst; fɔseka di ami we go atak dɛm, ɔlman go go to in pipul dɛm ɛn ɔlman go rɔnawe go nainyon kɔntri.

Ayzaya 13:14

Lɛk dia we dɛn de ɔntin, ɔ lɛk ship we nɔ gɛt udat fɔ gɛda dɛn, na so ɔlman go tɔn go bak to in yon pipul dɛn, ɛn ɔlman go rɔnawe go nain yon kɔntri.

Jɛrimaya 46:16

Una plɛnti bɔk fut ɛn fɔdɔm, ɛn dɛn tɔk to dɛnsɛf se, ‘Una grap lɛ wi go bak to wi yon pipul dɛm we na di land we wi bɔn, fɔseka di wan we de sɔprɛs dɛm, in sɔd.’

Ɛzra 9:6

A pre se, “E mi GƆD, a de shem pan yu. A nɔ fit fɔ luk ɔp usay yu de bikɔs wi sin bɔku. I ay pas wi ed te rich ɔp usay yu de.

Jɛrimaya 46:21

Ivin in soja dɛm we dɛn aya we de wit am, na lɛk fat fat kaw pikin; bɔt usay, dɛn dɔn tɔn ɛn rɔnawe togɛda, dɛn nɔ tinap; bikɔs di de ɔf kalamiti, dɔn kam pan dɛm, di tɛm fɔ dɛn pɔnishmɛnt.

Jɛrimaya 8:20

“Di avɛst dɔn pas, ɛn di dray sizin dɔn dɔn, ɛn wi nɔ sev.”

Ayzaya 47:15

Na so di wan dɛn we dɔn wok fɔ yu, nɔ go ebul ɛp yu, we bin dɔn de wok fɔ yu frɔm we yu yɔŋ; ɔlman de skata go inyon we; nɔn nɔ go de fɔ sev yu.

2 Kronikuls 28:9

Bɔt wan pan PAPA GƆD in prɔfɛt dɛm we nem Odɛd, bin de de; i gi go mit di ami man dɛm we kam Sameria ɛn tɛl dɛn se, “A de tɛl una, na we PAPA GƆD we na una fɔstɛmpapa dɛn Gɔd vɛks pan Juda, mek i put dɛm na una an, bɔt una dɔn kil dɛm wit pasmak wamat we mek kɔmplen dɔn rich ɛvin.

Rɛvɛleshɔn 18:4

Dɛn a yɛri wan ɔda vɔys de tɔk na ɛvin se, “Mi pipul dɛn, una mekes kɔmɔt na da tɔŋ de so dat unasɛf nɔ go bigin du di bad tin dɛn we i de du, ɛn unasɛf nɔ go sɔfa lɛkɛ aw i gɛt fɔ sɔfa.

Ozie 7:13

I se dɛn dɔn alaki bikɔs dɛn lɛf fɔ fala am. Dɛn dɔn pwɛl dɛnsɛf kpatakpata bikɔs dɛn tɔn dɛn bak pan am. I se pan ɔl we i de tray fɔ pul dɛn pan trɔbul, dɛn de lay pan am.