Jɛrimaya 51:7 - Krio Fɔs Oli Baybul

⁷ Babilɔn na bin gold kɔp na PAPA GƆD in an, we mek ɔl di wanol wɔl drɔnk; di neshɔn dɛm drink pan in wayn, fɔseka dat, di neshɔn dɛm kres.

Jɛrimaya 51:7 Referans Kwoze

Rɛvɛleshɔn 14:8

Wan ɔda enjɛl bin de fala di fɔs wande tɔk se, “Babilɔn dɔn pwɛl! Da big tɔŋ, Babilɔn, dɔn pwɛl! Nain bin de gi ɔlman in wayn fɔ drink; da wayn de na di fri layf we pipul dɛn bin de pan, ɛn we kin mek dɛn du ɛni bad tin we dɛn at gi dɛn fɔ du.”

Rɛvɛleshɔn 17:4

Di uman bin wɛr rɛd klos we dia, ɛn i bin drɛs fayn wit plɛnti gold tin, dɛn shayn shayn ston ɛn fayn fayn bid. I bin ol wan gold kɔp nain an, we bin ful wit dɛn dɔti dɔti dɔti tin we in fri layf briŋ.

Rɛvɛleshɔn 18:3

Na so i bi, bikɔs ɔl dɛn pipul na ɔl dɛn neshɔn dɔn drink in wayn, dat na di fri layf we dɛn dɔn liv wit am; dɛn wan we de rul na di wɔl dɛnsɛf dɔn liv di sem fri layf wit am, ɛn bikɔs i lɛk fɔ bay plɛnti plɛnti tin dɛn, dɛn wan we de tredin na dis wɔl dɛnsɛf dɔn jɛntri bikɔs i de bay to dɛn.”

Rɛvɛleshɔn 17:2

Ɔl dɛn wan we de rul na wɔl bin liv fri layf wit dis uman ya we ɔlman no, ɛn ɔl di pipul dɛn na wɔl bin drɔnk wit di wayn we i gi dɛn fɔ drink, dat na di fri layf we dɛn bin liv wit am.”

Daniɛl 2:32

Na fayn fayn gold dɛn bin tek mek dis imej in ed, in chɛst ɛn an na silva, dɔn in bɛlɛ ɛn in tay, na bras,

Rɛvɛleshɔn 19:2

I de tɔk tru ɔltɛm, ɛn i de jɔj tret! I dɔn kɔndɛm da fri uman we ɔlman no we in fri layf bin de pwɛl di wɔl, ɛn i dɔn mek i gɛt di pɔnishmɛnt we i fɔ gɛt bikɔs i bin kil dɛn wan we de wok fɔ Gɔd.”

Rɛvɛleshɔn 18:23

lamp nɔ go layt de igen; man ɛn uman nɔ go mared de igen. Dɛn wan we bin de tredin insay de na bin dɛn bigman we ɔlman na wɔl, no. I bin de tek wich mek ɔl dɛn pipul na ɔl dɛn neshɔn ful.”

Daniɛl 2:38

Ɛn i dɔn put ɔl mɔtalman in bɔypikin, di bist we tap na di fil ɛn di bɔd we de flay, na yu an, lɛ yu rul oba dɛn ɔl; i lɛk usay dɛn de. Na yu na da gold ed pan di imej.

Jɛrimaya 50:38

Drawt go fɔdɔm pan ɔl dɛn si dɛm we go mek dɛn ɔl dray! Bikɔs na land we bɔku bɔku imej dɛn de, ɛn dɛn kres bɔt aydɔl dɛm.

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Ayzaya 14:4

una go bigin provok di kiŋ na Babilɔn se: “Di pɔsin we bin de du wi bad nɔ ebul du wi bad igen, di fɔ-natin wikɛd vɛksteshɔn dɔn dɔn.

Jɛrimaya 13:13

Dɔn yu go tɛl dɛn se, ‘Na dis PAPA GƆD se: Biliv mi, a go mek ɔlman we tap na land drɔŋɔ: Di kiŋ dɛm we sidɔm na Devid in tron, di man dɛm we de mek sakrifays fɔ pipul sin, di prɔfɛt dɛm, ɛn ɔlman we tap na di Jerusɛlɛm go drɔŋɔ.

Izikɛl 23:42

Di nɔys we pipul we nɔ bisin bɔt ɛnitin kin mek, bin de wit am; ɛn dɛn bin briŋ dɛn chip chip drɔŋɔ drɔŋɔ pɔsin dɛn kɔmɔt na di dray ɛn ɛmti ples; ɛn di uman dɛn wɛr baŋuls na dɛn an, ɛn fayn fayn krawn na dɛn ed.