Jɛrimaya 51:6 - Krio Fɔs Oli Baybul

⁶ “Una rɔnawe kɔmɔt Babilɔn, lɛ ɔlman sev inyon layf! Nɔ mek yu sɔfa pan in pɔnishmɛnt, bikɔs dis na di tɛm fɔ PAPA GƆD in rivɛnj we na di pemɛnt we i de gi am.

Jɛrimaya 51:6 Referans Kwoze

Jɛrimaya 50:8

“Una rɔnawe kɔmɔt Babilɔn, una kɔmɔt insay di Chaldian dɛn land, ɛn mek lɛkɛ man got we kin de bifo ɔl di ɔda wan dɛm.,

Jɛrimaya 50:28

“Una lisin! Dɛn de rɔnawe kɔmɔt Babilɔn, fɔ go anawns na Jerusɛlɛm bɔt di rivɛnj we PAPA GƆD we na wi Gɔd, wan rivɛnj fɔ in Tɛmpul.

Jɛrimaya 50:15

Una siŋ rawnd am ɔlɔbɔt, i dɔn sɔrɛnda; di tin dɛn we i bin de tek protɛkt insɛf, dɔn fɔdɔm in protɛkshɔn dɛm dɔn fɔdɔm kan dɔŋ, bikɔs dis na PAPA GƆD in pe: tɔn am gi am, mek yu du am wetin i bin yu.

Jɛrimaya 51:45

“Mi pipul dɛm, una kɔmɔt de! Lɛ ɔlman sev in layf frɔm PAPA GƆD in bad bad vɛksteshɔn!

Jɛrimaya 25:14

Bikɔs bɔku neshɔn dɛm ɛn big big kiŋ dɛn go tek dɛn mek slev; ɛn a go pe dɛm bay di wok we dɛn du, wetin dɛn du wit dɛn yon an.

Di Nɔmba Dɛm 16:26

I tɛl di ɔda Izrɛlayt dɛn se mek dɛn muf kɔmɔt nia di tɛnt we dɛn bad man dɛn de tap. I se mek dɛn nɔ tɔch dɛn natin ɔ nɔ so dɛnsɛf go sɔfa fɔ di man dɛn sin dɛn.

Rɛvɛleshɔn 16:19

Di big tɔŋ brok, i sheb tri say, ɛn dɛn tɔŋ ɔlɔbɔt na wɔl pwɛl. Gɔd nɔ fɔgɛt di big tɔŋ we dɛn kɔl Babilɔn, i mek di pipul dɛn drink di bita wayn we i mek fɔ dɛn, dat na di pɔnish we i de pɔnish dɛn fɔ ɔl di bad tin we dɛn du.

Fɔs Lɛta To Timoti 5:22

Nɔ ɔri fɔ put yu an pan pɔsin ed fɔ pre fɔ am fɔ mek i go du Gɔd wok. Nɔ miks wit ɔda pipul fɔ sin; sin nɔ fɔ de na yu layf.

Jɛrimaya 51:50

“Una we dɛn nɔ kil, una go, una nɔ tinap! Una fɔ mɛmba PAPA GƆD i lɛk una de fa, ɛn lɛ Jerusɛlɛm de na yu maynd:

Jɛrimaya 51:11

“Una shap di aro dɛm! Una tek di big shild dɛm! PAPA GƆD dɔn mek di kiŋ dɛn na Mɛdia dɛn at wam, bikɔs wetin i mekɔp fɔ Babilɔn, na fɔ nyakanyaka am, bikɔs na da we de PAPA GƆD de rivɛnj, rivɛnj fɔ in tɛmpul.

Jɛrimaya 51:9

Wi bin fɔ dɔn mɛn Babilɔn, bɔt i nɔ tek mɛn. Fɔsek am, lɛ wi ɔl go na wi difrɛn kɔntri dɛm; bikɔs in jɔjmɛnt dɔn rich ɔp na ɛvin ɛn dɔn rich di skay.

Jɛrimaya 50:31

PAPA GƆD we na wi Gɔd Ɔlmayti se, “A de tɛl yu we de mek prawd, se a de agens yu, bikɔs di tɛm dɔn kam, dat na di tɛm we a go pɔnish yu.

Ayzaya 48:20

Una kɔmɔt na Babilɔn, una rɔnawe kɔmɔt na Chaldia, tɔk dis wit jɔy, anawns am ɔlsay, sɛn di wɔd go usay di wɔl tap; tɔk se, “PAPA GƆD dɔn bay in wokman Jekɔb bak.”

Jɛrimaya 46:10

Da de de, na PAPA GƆD Ɔlmayti in de, na de fɔ rivɛnj, fɔ rivɛnj fɔ insɛf pan in ɛnimi dɛm, Di sɔd go kil te i bɛlful, ɛn drink dɛn blɔd te i bɛlful. Bikɔs PAPA GƆD Ɔlmayti go mek sakrifays na di nɔt kɔntri nia riva Yufretis.

Jɛrimaya 27:7

Ɔl di neshɔn dɛm go sav im, in bɔypikin ɛn in grampikin, sote di tɛm fɔ in yon land kam; datɛnde, bɔku neshɔn dɛm ɛn pawaful kiŋ dɛm go mek am dɛn slev.

Jɛrimaya 25:16

Dɛn go drink ɛn staga ɛn lɔs kɔntrol fɔseka di wa we a de sɛn wa pan dɛm.”

Prɔvabs 13:20

Udat de rakpala wit pipul we gɛt sɛns de gɛt sɛns, bɔt if yu se na fulman kabudu yu de rɔbskin wit, yu go tɔn rederaun.

Ditarɔnɔmi 32:43

Mozis siŋ se, “Una prez in pipul dɛn, una di neshɔn dɛm; bikɔs i de rivɛnj fɔ in wokman dɛm we dɛn kil ɛn de rivɛnj pan in ɛnimi dɛm, ɛn fɔgiv in pipul dɛn fɔ ɔl dɛn sin.

Ditarɔnɔmi 32:41

if a shap mi shayn sɔd we a bigin gi jɔjmɛnt, a go rivɛnj pan mi ɛnimi dɛn, ɛn pɔnish di wan dɛn we et mi.

Ditarɔnɔmi 32:25

Wa go mek dɛn kil dɛn plɛnti, bad bad pipul dɛn go atak dɛn na dɛn os dɛn. Yɔŋ man ɛn uman dɛn go day yɔŋ bebi dɛn ɛn ol pipul dɛnsɛf go day.

Ayzaya 63:4

Bikɔs di de fɔ rivɛnj bin de na mi at, ɛn di ia fɔ ridim pipul dɔn kam.

Jɛrimaya 48:6

Una rɔnawe! Una sev unasɛf! Una mek lɛkɛ wayl dɔŋki we tap na di ɛmti ples we pɔsin nɔ go ebul tap!

Jɛrimaya 51:36

Fɔseka dat, na dis PAPA GƆD se: “A go fɛt una kes ɛn rivɛnj fɔ una. A go dray Babilɔn dɛn si ɛn mek dɛn fawnten dray;

Jɛrimaya 51:56

bikɔs di wan we de nyakanyaka dɔn atak am, i dɔn atak Babilɔn; dɛn dɔn kapchɔ in sojaman dɛm, dɛn dɔn brok dɛn bo dɛm pis pis; bikɔs PAPA GƆD na Gɔd we de pe pipul fɔ di wok we dɛn du, i go mɔs tɔn am gi dɛm.

Lamɛnteshɔn 3:64

“Duya PAPA GƆD, pɔnish dɛn bay di kayn bad tin we dɛn dɔn du.

Di Sam Dɛm 94:1

E PAPA GƆD, yu we na PAPA GƆD we de pɔnish, yu sabi pɔnish, so sho yusɛf.