Jɛrimaya 51:57 - Krio Fɔs Oli Baybul

⁵⁷ A go mek in bigman dɛm ɛn in sɛnsman dɛm, in gɔvna dɛm, in kɔmanda dɛm, ɛn in sojaman dɛm, drɔŋɔ; dɛn go slip ɛvalastin slip ɛn nɔ wek igen, na so di Kiŋ we nem PAPA GƆD Ɔlmayti, se.

Jɛrimaya 51:57 Referans Kwoze

Jɛrimaya 46:18

“Di kiŋ se, wans a de, dat na di kiŋ we na PAPA GƆD Ɔlmayti, lɛkɛ we Mawnt Tabɔ ay pas di ɔda mawnten dɛm, ɛn lɛkɛ we Mawnt Kamɛl ay pas di si, na so di atak go tan.

Jɛrimaya 48:15

Di wan we de nyakanyaka Moab ɛn in siti dɛm dɔn kam, ɛn dɛn dɔn kil kil di bɛst wan pan di yɔŋman dɛm. Na so di kiŋ we nem PAPA GƆD Ɔlmayti se

Jɛrimaya 25:27

“Dɔn yu go tɛl dɛm se, ‘Na dis PAPA GƆD Ɔlmayti, we na Izrɛl dɛn Gɔd se: Una drink, mek una drɔnk ɛn vɔmit. Una fɔdɔm ɛn nɔ grap igen, fɔseka di wa we a de sɛn pan una.’

Jɛrimaya 51:39

Ɛnti dɛn lɛk bɔku it, a go mek pati fɔ dɛm ɛn mek dɛn drɔnk sote dɛn slip ɛn slip ɛvalastin slip ɛn nɔ wek igen. Na so PAPA GƆD se.

Rɛvɛleshɔn 18:9

Dɛn wan we de rul na dis wɔl we bin dɔn liv fri layf ɛn ɛnjɔy layf wit am go si di smok we de kɔmɔt na di faya we de bɔn am, dɛn dɛn go put dɛn an na dɛn ed, ɛn bɔs kray.

Malakay 1:14

I se, di pɔsin we gɛt animal we natin nɔ du bɔt prɔmis se i go gi PAPA GƆD, go alaki if na di wan we ambɔg i gi, bikɔs PAPA GƆD na Kiŋ ɛn ɔlman na wɔl fɔ fred ɛn rɛspɛkt am.

Neum 1:10

Lɛk aw chukchuk we taŋul de bɔn na faya na so una dɛn drɔnkɔman dɛn gɛt fɔ tan.

Ayzaya 37:36

Da sem nɛt de, PAPA GƆD in enjɛl go na di Asirian dɛn kamp ɛn kil wan ɔndrɛd ɛn eti-fayv tawzin man dɛm. Wɛn pipul dɛn wek na mɔnin, na soso dedebɔdi dɛn si.

Ayzaya 6:5

Naim a tɔk se, “trɔbul dɔn mit mi! A dɔn dɔn; bikɔs mi na man we mi mɔt nɔ klin na Gɔd yay, ɛn a tap midul pipul dɛn we dɛn mɔt nɔ klin na Gɔd yay; bikɔs a dɔn tek mi yay si di kiŋ, we na PAPA GƆD Ɔlmayti.”

Ayzaya 44:25

Mi PAPA GƆD we de mek di lay we dɛn layman dɛn de lay bɔt tumara, nɔ min natin, ɛn we tɔn di mɛrɛsinman dɛn to fulman; we nɔ tek sɛns wɔd mek natin, ɛn mek dɛn sɛns tɔn fulish tin;

Jɛrimaya 13:13

Dɔn yu go tɛl dɛn se, ‘Na dis PAPA GƆD se: Biliv mi, a go mek ɔlman we tap na land drɔŋɔ: Di kiŋ dɛm we sidɔm na Devid in tron, di man dɛm we de mek sakrifays fɔ pipul sin, di prɔfɛt dɛm, ɛn ɔlman we tap na di Jerusɛlɛm go drɔŋɔ.

Jɛrimaya 50:30

PAPA GƆD se, “Fɔseka dat, in yɔŋman dɛm go day na di opin ples dɛm, ɛn dɛn go kil ɔl in sojaman dɛm da de de.

Izikɛl 20:33

Papa Gɔd we na Gɔd se, wans a de, biliv mi, na wit mi pawaful an, ɛn wit mi an we rɛdi fɔ blo, ɛn na we a de du bad we a vɛks bad bad wan, A go bi kiŋ oba una.

Neum 3:18

Ɔl dɛn wan we kin de ɛp di bɔsman fɔ di kiŋ dɛn wok, dɛn ɔl lidɔm day wan; dɛn de slip, slip we go mek dɛn opin yay oba yanda. Di pipul dɛn skata na di mawnten lɛk ship we nɔ gɛt ona ɛn nɔbɔdi nɔ de fɔ briŋ dɛn kam bak.