Jɛrimaya 51:53 - Krio Fɔs Oli Baybul

⁵³ PAPA GƆD se, Ilɛk dɛn bil traŋa traŋa ay ay wɔl mek dɛn nɔ go atak dɛm, a go stil sɛn pipul dɛn go atak dɛm.

Jɛrimaya 51:53 Referans Kwoze

Jɛrimaya 49:16

Di fred we una tink se pipul dɛn de fred una, ɛn di prawd we una prawd dɔn lay gi una, una we tap insay dɛn ol na dɛn rɔk ɔntɔp dɛn mawnten. Ilɛk una mek una os dɛn ɔp ɔp lɛk dɛn igul dɛn yon, a go briŋ una kɔmɔt de kam dɔŋ. Na so PAPA GƆD se.

Jɛnɛsis 11:4

Dɛn se, “Lɛ wi bil wan big siti we gɛt tawa we go rich ɔpskay, so wi go mek nem fɔ wisɛf ɛn wi nɔ go skata ɔlsay na di wɔl.”

Jɛrimaya 51:25

PAPA GƆD se, “A de agens yu, Yu mawnten we de fɔ pwɛl; yu we de fɔ pwɛl di wanol wɔl; a go ol yu ɛn nyamanyama yu flat na grɔn, ɛn mek yu tɔn bɔn bɔn mawnten..

Emɔs 9:4

If dɛn ɛnimi dɛn kech dɛn ɛn kɛr dɛn go as rɛfyuji, a go mek dɛn kil dɛn ɔl. A dɔn mekɔp mi maynd fɔ dɔnawe wit dɛn kpatakpata. A nɔ go sev dɛn.”

Daniɛl 4:30

Nain i se, “Nɔ to di pawaful Babilɔn dis we a bil wit mi pawa; ples we fit fɔ kiŋ fɔ tap, lɛ pipul dɛn kɔle ɛn rɛspɛkt mi?”

Jɛrimaya 51:58

“Na dis PAPA GƆD Ɔlmayti se: Di brɔd wɔl na Babilɔn, go fɔdɔm flat na grɔn ɛn dɛn go bɔn in ay get dɛm wit faya. Di pipul dɛm de lebɔ fɔ natin, ɛn di neshɔn dɛm taya dɛnsɛf nɔmɔ fɔ faya.

Jɛrimaya 51:48

PAPA GƆD se, ɔp di klawd ɛn dɔŋ na dis wɔl, ɛn ɔl wetin de insay dɛm, go siŋ wit gladi we Babilɔn go fɔdɔm; bikɔs di wan dɛm we go nyakanyaka dɛm, go kɔmɔt na di nɔt.

Jɛrimaya 51:11

“Una shap di aro dɛm! Una tek di big shild dɛm! PAPA GƆD dɔn mek di kiŋ dɛn na Mɛdia dɛn at wam, bikɔs wetin i mekɔp fɔ Babilɔn, na fɔ nyakanyaka am, bikɔs na da we de PAPA GƆD de rivɛnj, rivɛnj fɔ in tɛmpul.

Jɛrimaya 50:45

Fɔseka dat, una yɛri di plan we PAPA GƆD dɔn mek fɔ Babilɔn ɛn wetin i dɔn mekɔp fɔ dɛn wan dɛm we tap na Babilɔn: Dɛn go mɔs drɛg di lili wan dɛnsɛf go; dɛn ɔl go mɔs wɔnda, fɔseka di kayn tin we de apin to dɛm.

Jɛrimaya 50:25

PAPA GƆD dɔn opin usay i kin kip in wɛpɔn dɛm, ɛn i dɔn pul di wɛpɔn dɛm we i kin yuz we i at kin wam, bikɔs Papa Gɔd we na Gɔd Ɔlmayti gɛt wok fɔ du na di Babilonian dɛn land.

Jɛrimaya 50:21

PAPA GƆD se, “Una go atak Mɛrataim, ɛn una go atak di pipul dɛn na Pɛkɔd. Una kil dɛm ɛn nyakanyaka dɛm, ɛn una fɔ du ɔl wetin a se una fɔ du paopa.

Ayzaya 47:7

Yu bin se “A go a bi misis sote go,” ɛn dat bin mek yu nɔ put dɛn tin ya na yu at ɔ mɛmba aw dɛn bin dɔn.

Ayzaya 47:5

Sidɔm kwayɛt, ɛn go na dak ples, Yu we na Babilonian dɛn gyal pikin; Bikɔs dɛn nɔ go kɔl yu di misis fɔ dɛn kindɔm, igen

Ayzaya 41:25

A shek pɔsin kɔmɔt na di nɔt, ɛn i dɔn kam, kɔmɔt usay di san de kan ɔp, ɛn i go de pre to mi; I go mas mas di rula dɛm na pɔtɔ pɔtɔ kle, lɛk we man we de wok wit kle, kin de mas mas am.

Ayzaya 13:17

A de tɛl una, a go mek dɛn Mɛdis, we nɔ tek silva mek natin ɛn nɔ tek gold mek natin, dɛn at wam pan dɛn.

Job 20:6

I lɛk sɛf i gɛt pawa te rich ɔp di skay ɛn in ed de tɔch di klawd dɛn,

Jɛrimaya 51:56

bikɔs di wan we de nyakanyaka dɔn atak am, i dɔn atak Babilɔn; dɛn dɔn kapchɔ in sojaman dɛm, dɛn dɔn brok dɛn bo dɛm pis pis; bikɔs PAPA GƆD na Gɔd we de pe pipul fɔ di wok we dɛn du, i go mɔs tɔn am gi dɛm.

Emɔs 9:2

I lɛk dɛn dig go ayd na nɛks wɔl, na de a go kech dɛn; ɔl we dɛn klem go ɔp klawd, na frɔm de go briŋ dɛn kam dɔŋ.

Abakɔk 2:9

Ɛnibɔdi we gɛt jɛntri bay kruk ɛn fɛt fɛt, go mɔs alaki pan ɔl we i go de tray fɔ mek ɔltin ɔrayt nain os.