Jɛrimaya 51:51 - Krio Fɔs Oli Baybul

⁵¹ ‘Wi de shem, bikɔs wi dɔn yɛri disgresful tin; disrɛspɛkt dɔn mek wi kɔba wi fes, bikɔs trenja dɛn dɔn kam insay di oli ples dɛm na PAPA GƆD in os.

Jɛrimaya 51:51 Referans Kwoze

Lamɛnteshɔn 1:10

Di ɛnimi dɔn tif ɔl in dia dia tin dɛn; fɔ tru, i dɔn si ɔda neshɔn dɛn go insay di tɛmpul, pipul dɛn we yu PAPA GƆD dɔn se nɔ fɔ go insay usay yu pipul dɛn de wɔship yu.

Di Sam Dɛm 79:4

Wi neba dɛn ɔl de shumɔ pan wi; dɛn de laf wi ɛn provok wi.

Mayka 7:10

Da tɛm de, in ɛnimi go si korokoro wan ɛn dɛn wan dɛn we bin de aks usay PAPA GƆD, we nain GƆD de, go shem. Insɛf go gladi fɔ si se ɔl wetin in ɛnimi bin de du to ɔda pipul, nain de apin to dɛn naw. Dɛnsɛf go si aw ɔda pipul go de trit dɛn lɛk aw dɛn de mas pɔtɔpɔtɔ na trit.

Daniɛl 11:31

In ami dɛn go kam dɛsikret di tɛmpul ɛn di barik, ɛn go tap di bɔn sakrifays we nɔ de tap ɛn du tin we PAPA GƆD nɔ lɛk we go briŋ trɔbul.

Izikɛl 36:30

A go mek di tik dɛn bia bɔku bɔku frut, ɛn di fil dɛnsɛf go bia plɛnti plɛnti so dat una nɔ go bia di aŋri bɛlɛ disgres we una bin bia na di neshɔn dɛm igen igen.

Izikɛl 24:21

‘Tɛl di Izrɛlayt dɛn se na dis Papa Gɔd we na Gɔd se: una lisin; a nɔ go rɛspɛkt mi ples we una de pre to mi igen, we na de una prayd in pawa de, we de mek una yay dɛn gladi ɛn we de mek una sol want am bad bad; ɛn na wa una bɔy ɛn gyal pikin dɛm we una lɛf biɛn, go day.

Izikɛl 9:7

Dɛn i tɛl dɛn se, “Una mek di os dɔti na mi yay, ɛn ful di kɔt yad wit di wan dɛn we dɛn kil. Una go!” So dɛn go, ɛn kil di pipul dɛn na di siti.

Izikɛl 7:18

Dɛn tay rɛsbag rawnd dɛn wes, ɛn bad bad fred fred kɔba dɛm; shem de pan dɛn ɔl fes ɛn dɛn ɔl gɛt bɔl ed.

Lamɛnteshɔn 5:1

PAPA GƆD, mɛmba ɔl wetin dɔn bi to wi; luk wi ɛn si we wi dɔn disgres!

Lamɛnteshɔn 2:20

Luk PAPA GƆD, luk nɔmɔ lɛ yusɛf si! Na udat yu dɔn dil wit so? Uman dɛn fɔ it dɛn pikin dɛn, pikin dɛn we dɛn mɛn frɔm we dɛn smɔl? Pipul dɛn fɔ kil man ɔf PAPA GƆD dɛn usay dɛn de wɔship PAPA GƆD?

Jɛrimaya 52:13

I bɔn PAPA GƆD in os, i bɔn di kiŋ in os ɛn ɔl di os dɛm na Jerusɛlɛm; i bɔn ɔl dɛn big big os dɛm.

Jɛrimaya 31:19

Bikɔs, afta a bin dɔn tɔn mi bak pan yu, a bin ripɛnt; ɛn we a ɔndastand, a bit misef; a bin shem, ɛn a bin kɔnfyus, bikɔs a bin gɛt mi disgres we a yɔŋ.’

Jɛrimaya 14:3

Di bigman dɛm we de de, sɛn dɛn wokman dɛm fɔ go gɛt wata; dɛn kam na di wɛl dɛm, dɛn nɔ si wata, dɛn go bak wit ɛmti kitul dɛm; dɛn shem ɛn kɔnfyus, ɛn dɛn kɔba dɛn ed.

Di Sam Dɛm 109:29

Mi ɛnimi dɛn go wɛr shem ɛn disgres lɛkɛ klos.

Di Sam Dɛm 79:12

PAPA GƆD, mek wi neba dɛn sɔfa sɛvin tɛm mɔ fɔ ɔl di kɔs we dɛn dɔn kɔs yu.

Di Sam Dɛm 79:1

PAPA GƆD, wi ɛnimi dɛn dat na di ithɛn dɛn, dɔn atak wi we na yu yon pipul; dɛn dɔn so pwɛl yu os we oli dat i nɔ fit fɔ pipul fɔ go wɔship igen, dɛn dɔn mek Jerusɛlɛm usay di os de, fiba we ston dɔti mek payl.

Di Sam Dɛm 71:13

Lɛ dɛn wan we want fɔ pwɛl mi nem kɔba dɛn fes wit shem; Lɛ dɛn wan we nɔ wan si mi bɛtɛ wan disgres ɛn alaki.

Emɔs 7:9

I se ɔl di say dɛn we na de Ayzak in jɛnareshɔn dɛn de wɔship go pwɛl. I se ɔl di oli ples dɛn we Izrɛl de wɔship go pwɛl. I se in go dɔnawe wit Kiŋ Jɛroboam in kindɔm.

Mayka 6:16

Ɔl dis go bi bikɔs una fala wetin Omri de du ɛn ɔl di bad we Eab sɛf de du; ɛn bikɔs ɔf dat, a go mek dɛn ɔda pipul dɛn sɔktit we dɛn si una bikɔs una go dɔn alaki.”

Di Sam Dɛm 89:46

PAPA GƆD, aw lɔŋ pɔsin go de pan dis kayn layf? Yu go tɔn yu bak pan wi? Yu go jɛs de vɛks pan wi sote go?

Ayzaya 13:1

Wetin PAPA GƆD se go apin to Babilɔn we Ayzaya, we na Amɔz in bɔypikin, bin si.

Ayzaya 14:1

PAPA GƆD go sɔri fɔ Jekɔb ɛn go pik Izrɛl bak, ɛn go put dɛn na dɛn yon land. Fɔrina dɛn go kam tap wit dɛn, ɛn di Izrɛlayt dɛn go ol dɛn tayt lɛk dɛnsɛf blant Jekɔb in os.

Ayzaya 21:1

Wetin PAPA GƆD se go apin to di ayland we natin na di si. We traŋa briz dɛn we de tɔn wan ples ɛn grap, de blo na di Nɛgɛb de go, i kin kɔmɔt na di ɛmti ples we pɔsin nɔ go ebul tap, we na bad bad land.

Ayzaya 47:1

Kam dɔŋ kan sidɔm na dɔti grɔn, Yu Babilɔn in vajin gyalpikin; sidɔm na grɔn usay kiŋ chia sidɔm nɔ de, Yu we na dɛn Babilonian dɛn gyal pikin dɛn! Bikɔs dɛn nɔ go se yu bɔdi saf ɛn dɛliket, igen

Jɛrimaya 25:26

ɔl di kiŋ dɛm na di nɔt, di wan dɛn we de fa ɛn di wan dɛn we de nia, wan bay wan, ɛn ɔl di kɔntri dɛn na di wɔl we de na dis wɔl. Ɛn afta dɛm, na di kiŋ na Babilɔn go drink.