Jɛrimaya 51:5 - Krio Fɔs Oli Baybul

⁵ Bikɔs Izrɛl ɛn Juda dɛn Gɔd we na PAPA GƆD Ɔlmayti, nɔ fɔsek dɛm; bɔt di Babilonian dɛm gilti bad bad wan to di Oli wan na Izrɛl.

Jɛrimaya 51:5 Referans Kwoze

Zɛkaraya 12:8

Da de de, PAPA GƆD go fɛt fɔ di wan dɛn we tap na Jerusɛlɛm so dat di wan we nɔ gɛt trɛnk sɛf go tan lɛk Devid, dɔn Devid in os go tan lɛk PAPA GƆD to dɛn, lɛkɛ se in na PAPA GƆD in enjɛl.

Zɛkaraya 12:6

I se, da de de, i go mek di Juda fambul lɛk pɔt we de na faya insay bush, lɛk opin faya usay dray gras de; ɛn dɛn go nyakanyaka ɔl di neshɔn dɛn we lɛf, ɛn Jerusɛlɛm go lɛf usay i de, di sem Jerusɛlɛm.

Ozie 4:1

Izrɛlayt dɛn, opin una yes ɛn yɛri wetin PAPA GƆD se, bikɔs PAPA GƆD gɛt siriɔs kɔmplen bɔt wetin di Izrɛlayt dɛn de du we i nɔ lɛk. Pipul jɛs de biev adɔnkiadam. Dɛn de wɔship ɔda gɔd dɛn ɛn nɔ bisin fɔ no am na di land;

Zɛkaraya 2:12

PAPA GƆD go tek Juda as in yon prɔpati insay di oli land ɛn i go pik Jerusɛlɛm bak.

Mayka 7:20

PAPA GƆD go biev lɛk aw i bin de biev to Jekɔb, sho in lɔv we nɔ de dɔn to Ebram, jɛs lɛk aw i bin dɔn prɔmis dɛn fɔstɛm-papa dɛn se i go du.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Ozie 1:10

Pan ɔl dis, di Izrɛlayt go bɔku lɛk sansan we nɔbɔdi nɔ ebul kɔnt; ɛn usay dɛn bin kɔl dɛn “nɔto mi pɔsin” na di sem ples dɛn go se “PAPA GƆD we nɔ de day in pikin dɛn.”

Izikɛl 9:9

Nain PAPA GƆD tɛl mi se, “Izrɛl ɛn Juda dɛn sin dɔn pasmak; di land ful wit blɔd, ɛn so so advantej de na di siti; bikɔs dɛn de se, ‘PAPA GƆD dɔn tɔn in bak pan di land, ɛn so PAPA GƆD nɔ de si wetin di bi.’

Izikɛl 8:17

Nain i aks mi se, “Mɔtalman, yu dɔn si dis wande? I izi fɔ di pipul dɛn na Juda fɔ du dɛn kayn bad bad tin dɛn ya we dɛn de du na ya we a et, we mek dɛn mek fɛt fɛt rampant na di land, we go mek mi at wam. Luk, dɛn de put branch na dɛn nos.

Jɛrimaya 50:20

PAPA GƆD se, dɛn dez dɛn de ɛn da tɛm de, dɛn go luk fɔ sin na Izrɛl, bɔt dɛn no go fɛn natin; dɛn go luk fɔ sin na Juda bɔt dɛn nɔ go fɛn natin; bikɔs a go fɔgiv di wan dɛm we a nɔ go kil.

Jɛrimaya 46:28

PAPA GƆD se, nɔ fred, Yu Jekob we na mi wokman, bikɔs a de wit yu. A go nyakanyaka ɔl di neshɔn dɛm we a dɔn drɛb yu go, bɔt yu, a nɔ go nyakanyaka yu. A go disiplin una bay wetin una du, ɛn nɔn we nɔ de we a go lɛf una, ɛn nɔ pɔnish una.”

Jɛrimaya 31:37

Na dis PAPA GƆD se: “If pɔsin go ebul mɛnshɔ ɔp di klawd, ɛn if pɔsin kin ebul fɛnɔt aw di ath in fawndeshɔn tan, da tɛn de, a go ib ɔl Izrɛl pikin dɛm oba fɔseka ɔl wetin dɛn dɔn du.” Na so PAPA GƆD se.

Jɛrimaya 23:15

Fɔseka dat, na dis PAPA GƆD Ɔlmayti se bɔt di prɔfɛt dɛm: “Biliv mi, a go fid dɛm wit wɔm wud ɛn gi dɛm wata we gɛt pɔyzin fɔ drink; bikɔs na frɔm dɛn di prɔfɛt dɛm na Jerusɛlɛm ɔngɔdlinɛs kɔmɔt prɛd na di land.”

Jɛrimaya 19:4

Bikɔs di pipul dɛn dɔn fɔsek mi ɛn bamfa dis ples we dɛn de bɔn insɛns de to ɔda gɔd dɛm we dɛm ɛn dɛn fɔstɛmpapa dɛm, ɛn dɛn kiŋ dɛn na Juda nɔ no wande; ɛn bikɔs dɛn dɔn ful dis ples wit inosɛnt pipul dɛn blɔd,

Jɛrimaya 16:18

Ɛn a go pe dɛm dɔbul fɔ di bad tin dɛn we dɛn de du ɛn fɔ dɛn sin, bikɔs dɛn dɔn dɔti mi land na mi yay wit dɛn lay lay gɔd dɛm we a et bad bad wan, ɛn dɔn fulɔp di land wit di bad bad tin dɛn we a nɔ lɛk.”

Ayzaya 62:12

Ɛn dɛn go kɔl dɛm Di oli pipul, Di wan dɛn we PAPA GƆD dɔn pe fɔ; ɛn dɛn go kɔl yu, Di wan we dɛn de luk fɔ, siti we dɛn nɔ lɛf to insɛf.

Ayzaya 44:21

Mɛmba dɛn tin ya, yu Jekɔb, ɛn Izrɛl, bikɔs yu na mi wokman; Na mi mol yu, yu na mi wokman; E Izrɛl, a nɔ go fɔgɛt yu.

Di Sam Dɛm 94:14

bikɔs PAPA GƆD nɔ de kɔmɔt biɛn in pipul; i nɔ go ɛva dison in yon, yon pipul.

Ɛzra 9:9

We wi na bin slev, yu nɔ bin fɔgɛt wi da tɛm de. Yu mek di kiŋ dɛn na Pashia trit wi fayn. Yu gi wi nyu zil fɔ bil yu os ɛn fɔ mek ɔl wetin bin dɔn pwɛl bak. Yu gi wi wɔl rawnd Juda ɛn Jerusɛlɛm fɔ protɛkt wi.

1 Samiɛl 12:22

Bikɔs ɔf in nem, PAPA GƆD nɔ go ib una oba as nain dɔn se una nain yon.

2 Kiŋ 21:16

Fɔ ad pan di bad tin dɛn we Manasɛ bin de du, i shɛd inosɛnt blɔd ɛn de kil mɔtalman fitifata. I mek di wanol Jerusɛlɛm bin de smɛl blɔd, ɛn mek di kɔntri kɔmit sin to PAPA GƆD.

1 Kiŋ 6:13

A go tap wit di Izrɛlayt dɛn; dɛn na mi pipul dɛn ɛn a nɔ go lɛf dɛn.”

Ozie 4:2

dɛn de swɛ, dɛn de lay, dɛn de kil, dɛn de tif ɛn dɛn de kip dɛnsɛf gbay.

Ayzaya 51:15

Bikɔs na mi na PAPA GƆD we na yu Gɔd, we de shek di si, mek in swɛlin dɛn mek lawd lawd nɔys- na PAPA GƆD Ɔlmayti nain nem.

Jɛrimaya 14:9

Wetin mek yu fɔ tan lɛkɛ pɔsin we kɔnfyus, lɛkɛ pawaful man we nɔ ebul sev pɔsin? Bɔt stil, yu PAPA GƆD, de wit wi, ɛn na yu gɛt wi; duya, nɔ lɛf wi.”

Jɛrimaya 14:19

Yu nɔ want Juda igen igen? Yu dɔn et Zayɔn? Wetin mek yu put siknɛs pan wi so dat mɛrɛsin nɔ de fɔ mɛn am? Wi luk fɔ pis, bɔt nɔn gud nɔ kam; we wet se tɛm go kam we wi go wɛl, bɔt na bad bad tritmɛnt wi gɛt.

Jɛrimaya 51:19

Jekɔb in Gɔd nɔ tan lɛk dɛm, bikɔs na im mek ɔltin, ɛn na Izrɛl na di pipul dɛm we I dɔn pik; ɛn na PAPA GƆD Ɔlmayti nain nem.

Ozie 2:1

So kɔl yu kɔmpin Izrɛlayt dɛn “Mi pɔsin,” ɛn di uman dɛn, kɔl dɛn “A go sɔri fɔ am.”

Ozie 2:3

Ɔ nɔ so a go trip am nekɛd lɛ ɔlman si am aw in mami bɔn am, so dat nɔn man nɔ go want am we i si am, ɛn a go mek i tan lɛk land we wata nɔ de, ɛn day wit tɔsti.