Jɛrimaya 51:44 - Krio Fɔs Oli Baybul

⁴⁴ Ɛn A go pɔnish Bɛl we de na Babilɔn, ɛn pul wetin de insay in mɔt we i bin dɔn swɛla. Di neshɔn dɛm nɔ go wɔship am igen; Babilɔn in wɔl dɔn fɔdɔm.

Jɛrimaya 51:44 Referans Kwoze

Jɛrimaya 51:58

“Na dis PAPA GƆD Ɔlmayti se: Di brɔd wɔl na Babilɔn, go fɔdɔm flat na grɔn ɛn dɛn go bɔn in ay get dɛm wit faya. Di pipul dɛm de lebɔ fɔ natin, ɛn di neshɔn dɛm taya dɛnsɛf nɔmɔ fɔ faya.

Jɛrimaya 51:34

“Nɛbyukadnɛza we na kiŋ na Babilɔn dɔn kil mi, i dɔn nyamanyama mi, i dɔn mek a dɔn tɔn lɛkɛ ɛmpti kɔp, i dɔn swɛla mi lɛkɛ mɔnsta; i dɔn fulɔp in bɛlɛ wit mi fayn fayn it dɛm, i dɔn trowe di balans.

Jɛrimaya 50:2

“Tɔk am ɛn anawns am na ɔl di neshɔn dɛm, una rayt am usay ɔlman go si am, ɛn una anawns am, una nɔ ayd am, una tɔk am, se: ‘Dɛn dɔn kapchɔ Babilɔn, Bɛl dɔn shem, Mɛrodak in de wɔnda. Dɛn dɔn mek in imej shem, in lay lay gɔd dɛn dɛm de wɔnda.’

Ayzaya 2:2

Di tɛm go kam we di mawnten na PAPA GƆD in os go bi di mawnten we ay pas ɔl dɛn mawten dɛm ɛn go ay pas ɔl dɛn il dɛm, ɛn ɔlman go go de,

Daniɛl 5:31

Ɛn di kindɔm bin go to Dariɔs we na Mɛdi ɛn i bin ol bɔt siksti-tu ia.

Daniɛl 5:26

ɛn i min se: MƐNƐ min se PAPA GƆD dɔn kɔnt fɔ aw lɔŋ yu kindɔm de, ɛn i dɔn mek i dɔn fɔdɔm;

Daniɛl 5:19

Bikɔs ɔf di pawa we PAPA GƆD gi am, ɔl kayn pipul, neshɔn ɛn dɛn wan we de tɔk difrɛn difrɛn laŋwej bin de trimbul ɛn de fred am; udat Nɛbyukadnɛza wan fɔ kil, i kil. Udat i wan fɔ fri, i fri; udat i wan fɔ promot, i promot, ɛn udat i wan fɔ briŋ dɔn, i briŋ kam dɔŋ.

Daniɛl 4:22

Na yu mi kiŋ, we dɔn gro big ɛn pawaful. Yu pawa dɔn big te i dɔn rich di skay, ɛn yu kɔntrol sɛf dɔn kɔba di wanol wɔl.

Daniɛl 4:1

Kiŋ Nɛbyukadnɛza de sɛn to ɔl di pipul dɛn, difrɛn difrɛn neshɔn dɛn we de tɔk difrɛn difrɛn laŋwej we tap na di wanol wɔl: Lɛ una ɔl gɛt bɔku bɔku kol at!

Daniɛl 3:29

So a de pas wan lɔ: if ɛni pipul, neshɔn ɔ ɔl pan di wan dɛn we de tɔk difrɛn difrɛn laŋwej, tɔk ɛnitin bad bɔt Shedrak, Mishak ɛn Abɛdnigo dɛn PAPA GƆD, dɛn go chɛr chɛr dɛn an ɛn fut wan bay wan, ɛn dɛn go brok dɛn os kan dɔŋ kpatakpata, bikɔs nɔn ɔda gɔd nɔ de we ebul fɔ sev pɔsin dis kayn we ya!”

Daniɛl 1:2

PAPA GƆD bin mek Nɛbyukadnɛza kapchɔ Jɛoiakim, Juda dɛn kiŋ, ɛn sɔm pan di oli tin dɛn we dɛn bin de yuz na PAPA GƆD in os. Nɛbyukadnɛza bin kɛr dɛn ɔl go nain gɔd in os na Shina, ɛn bin put di oli tin dɛn, na di ples we dɛn bin de kip dɛn gɔd in fayn fayn tin dɛn.

Jɛrimaya 51:53

PAPA GƆD se, Ilɛk dɛn bil traŋa traŋa ay ay wɔl mek dɛn nɔ go atak dɛm, a go stil sɛn pipul dɛn go atak dɛm.

Jɛrimaya 51:47

“Fɔseka dat, a de tɛl una, di tɛm de kam, wɛn a go pɔnish di imej dɛm na Babilɔn; a go mek dɛn wanol land shem, ɛn ɔl di wan dɛm we dɛn kil go day insay am.

Jɛrimaya 51:18

Dɛn nɔ min natin, ɛn dɛn na lay lay; dɛn go nyakanyaka dɛm we di tɛm kam fɔ pɔnish di pipul dɛm.

Jɛrimaya 50:15

Una siŋ rawnd am ɔlɔbɔt, i dɔn sɔrɛnda; di tin dɛn we i bin de tek protɛkt insɛf, dɔn fɔdɔm in protɛkshɔn dɛm dɔn fɔdɔm kan dɔŋ, bikɔs dis na PAPA GƆD in pe: tɔn am gi am, mek yu du am wetin i bin yu.

Ayzaya 60:5

Dɔn yu go si ɛn go shayn, yu at go pliz ɛn gladi pasmak, bikɔs dɛn go gi yu di beberebe tin dɛn we de na di si, di neshɔn dɛn jɛntri go kam to yu.

2 Kronikuls 36:7

Nebyukadnɛza tek bak sɔm pan di besin dɛm fɔ PAPA GƆD in os ɛn put dɛm nain kiŋ os na Babilɔn.

Ayzaya 21:9

Wetin a si, man dɛn we de rayd ɔs de kam, man dɛn we de rayd ɔs, tu bay tu!” Nain i ansa se, “I dɔn fɔdɔm, Babilɔn dɔn fɔdɔm; ɔl in laylay gɔd dɛn imej dɛn dɔn skata pis pis na grɔn.”

Job 20:15

I kin swɛla jɛntri ɛn vɔmit am bak; na PAPA GƆD kin pul am kɔmɔt nain bɛlɛ.