Jɛrimaya 51:43 - Krio Fɔs Oli Baybul

⁴³ Wetin apin to in siti dɛm de mek pipul fred, ɛn i dɔn tɔn land we wata nɔ de, ɛn ɛmti ples we pɔsin nɔ go ebul tap, ples we nɔn mɔtalman nɔ de pas.

Jɛrimaya 51:43 Referans Kwoze

Jɛrimaya 2:6

Dɛn nɔ bin se, “We PAPA GƆD we bin fɛt pul wi kɔmɔt na Ijipt, we bin de bifo wi na di dray ɛn ɛmti ples, land we na so so ɛmti ples we pipul nɔ ebul tap wit dip dip ol dɛm, land we dak bad bad wan ɛn wata nɔ de, land we pipul dɛn nɔ de pas kɔmɔt wan say go ɔda say, ples we nɔbɔdi nɔ tap?’

Ayzaya 13:20

Nɔbɔdi nɔ go tap de igen ɛn nɔbɔdi nɔ go lib de te di wɔl dɔn; nɔn Arab nɔ go mek in tɛnt de, ɛn nɔn shɛpad nɔ go mek in ship dɛn lidɔm de.

Jɛrimaya 51:29

Di land de trimbul ɛn de tɔn tɔn wit pen, bikɔs wetin PAPA GƆD plan fɔ du Babilɔn mɔs bi, dat na fɔ mek Babilɔn ɛmti ɛn gud fɔ natin ples, we nɔbɔdi nɔ tap.

Jɛrimaya 51:37

ɛn Babilɔn go tɔn ruin payl, we dɛn Jakal dɛn go de ɔltɛm, ples we pipul go fred ɛn de sɔktit, ɛn we nɔbɔdi nɔ tap.

Jɛrimaya 50:12

una mama go shem bad bad wan, di uman we bɔn yu go disgres. I go bi se na im go de las pan ɔl di neshɔn dɛm, I go tɔn dray ɛn ɛmti ples we pɔsin nɔ ebul tap.

Di Sam Dɛm 46:8

Ɔlman kam luk wetin PAPA GƆD dɔn du, kam luk ɔmɔs wɔndaful tin i dɔn du na wɔl.

Ayzaya 47:11

Bɔt ivul go kam pan yu, we yu nɔ go ebul beg Gɔd fɔ; trɔbul go mit yu, we yu nɔ go ebul tek pɔnishmɛnt fɔ, ɛn yu go ruin wantɛm wantɛm, we yu nɔ go no natin bɔt.

Jɛrimaya 51:62

ɛn tɔk se, ‘E PAPA GƆD, yu dɔn tɔk bɔt dis ples se, yu go pwɛl am kpatakpata, we nɔbɔdi nɔ go tap de, mɔtalman ɔ animal, ɛn i go tɔn gud fɔ natin ples sote go.

Ayzaya 34:13

Chuk chuk go gro usay dɛn abop, na chuk chuk ɛn plant we gɛt chuk chuk go de na dɛn barik dɛm. Jakal dɛn go de pas pas de, ɛn ɔstrich dɛn go tap de.

Jɛrimaya 18:16

ɛn dɔn mek dɛn land ples fɔ fred, tin fɔ sɔktik pan sote go. Ɛnibɔdi we pas nia de kin fred ɛn kin shek dɛn ed.