Jɛrimaya 51:18 - Krio Fɔs Oli Baybul

¹⁸ Dɛn nɔ min natin, ɛn dɛn na lay lay; dɛn go nyakanyaka dɛm we di tɛm kam fɔ pɔnish di pipul dɛm.

Jɛrimaya 51:18 Referans Kwoze

Apɔsul Dɛn Wok 14:15

“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.

Zɛfinaya 2:11

PAPA GƆD insɛf go dil wit dɛn traŋa traŋa wan. Yɛs, i go nyakanyaka dɛn ɛn mek dɛn gɔd nɔ fiba natin to dɛn ɛn ɔlman naw go butu ɛn wɔship am, usay dɛn de, na ɔl di neshɔn dɛn na wɔl.

Jona 2:8

Dɛn wan we fasin fɔ wɔship dɛn ɔda gɔd dɛn de pwɛl rod fɔ dɛnsɛf.

Jɛrimaya 50:2

“Tɔk am ɛn anawns am na ɔl di neshɔn dɛm, una rayt am usay ɔlman go si am, ɛn una anawns am, una nɔ ayd am, una tɔk am, se: ‘Dɛn dɔn kapchɔ Babilɔn, Bɛl dɔn shem, Mɛrodak in de wɔnda. Dɛn dɔn mek in imej shem, in lay lay gɔd dɛn dɛm de wɔnda.’

Jɛrimaya 48:7

Wetindu, na bikɔs una bin abop pan una ples dɛn we una de ayd ɛn pan una jɛntri, dɛn go kapchɔ yusɛf; ɛn Chɛmɔsh go go ɛgzayl wit in man dɛm we de mek sakrifays fɔ pipul sin, ɛn dɛn bigman dɛm.

Jɛrimaya 46:25

PAPA GƆD Ɔlmayti we na Izrɛl dɛn Gɔd se: biliv mi, a go pɔnish Amɔn we de na Thibis, ɛn Fero, ɛn Ijipt ɛn in gɔd dɛm, ɛn in kiŋ dɛm pɔnishmɛnt go go pan Fero ɛn ɔl udat abop pan am.

Jɛrimaya 18:15

Bɔt mi pipul dɛm dɔn fɔgɛt bɔt mi, dɛn de bɔn insɛns fɔ dɛn lay lay gɔd; dɛn dɔn bɔk fut na di rod dɛn we dɛn de fala we na di ol rod dɛm, ɛn dɛn dɔn lɛf di men rod, go waka na dɛn yad rod,

Jɛrimaya 10:15

Dɛn yuslɛs, ɛn na imajin dɛn imajin da kayn tin de; di tɛm we dɛn go gɛt dɛn pɔnishmɛnt, dɛn go day.

Jɛrimaya 10:8

Dɛn styupid ɛn fulish; wetin dɛn lay lay gɔd dɛn we na ɛmti bod go ebul tich dɛm ɔ tɛl dɛm!

Ayzaya 46:1

Bel baw, Nibo butu, dɛn laylay gɔd dɛn, de na dɛn animal ɛn dɛn kaw dɛn bak; dɛn tin dɛn ya we una bɔn, ebi lɛk lod we kin de na dɛn taya taya animal dɛn bak.

Ayzaya 19:1

Wetin PAPA GƆD se go apin to Ijipt. Una luk o, PAPA GƆD de rayd pantap wan klawd we gɛt spid ɛn kam na Ijipt; di laylay gɔd dɛn na Ijipt go trimbul bifo am ɛn di Ijipshian dɛn go wan day wit fred.

Ɛksodɔs 12:12

“Da sem nɛt de a go pas na Ijipt ɛn kil ɔl di fɔs-bɔy-pikin dɛn ɛn ɔl di fɔs man animal dɛn, ɛn a go briŋ jɔjmɛnt pan ɔl di gɔd dɛn na Ijipt bikɔs mi na PAPA GƆD.

Jɛrimaya 10:14

Ɔl mɔtalman styupid ɛn nɔ gɛt sɛns; ɔl dɛn goldsmit dɛn go shem fɔ dɛn lay lay gɔd dɛm; bikɔs dɛn lay lay gɔd dɛn na lay lay, ɛn dɛn nɔ gɛt layf.

Ayzaya 2:18

Ɛn dɛn nɔ go si ɔl dɛn laylay gɔd dɛn igen

Ayzaya 57:12

A go tɔk bɔt di waka we yu de waka tret na mi yay ɛn di tin dɛn we yu de du, bɔt dɛn nɔ go ɛp yu.

Jɛrimaya 10:11

Na dis yu go tɛl dɛm: “Dɛn gɔd dɛm we nɔto dɛn mek ɔp di klawd ɛn dɔŋ di grɔn, go alaki na grɔn ɛn ɔnda di klawd.”

Izikɛl 6:6

Ɛni big siti dɛn we una tap go ɛmti ɛn dray, ɛn una ples dɛn we una de go wɔship go pwɛl kpatakpata, so dat una ɔlta dɛn go ɛmti ɛn dray ɛn go pwɛl. Una laylay gɔd dɛn go brok ɛn pwɛl, ɛn una insɛns ɔlta dɛn we una de bɔn insɛns go fɔdɔm ɛn natin nɔ go lɛf at ɔl pan ɔl una wok we una dɔn du.