Jɛrimaya 51:16 - Krio Fɔs Oli Baybul

¹⁶ Wɛn I tɔk, bɔku bɔku wata de gɛda ɔp di klawd, ɛn I de mek smɔl smɔl kol wata de kɔmɔt ɔnda di grɔn. I de mek laytin flash we ren de kam, ɛn I mek briz de blo kɔmɔt na In sto.

Jɛrimaya 51:16 Referans Kwoze

Di Sam Dɛm 135:7

I de mek klawd gɛda frɔm fa; ren de kam ɛn laytin de flash dɔn briz kin jɛs bɔsawt frɔm usay i bin kip am.

Jona 1:4

So PAPA GƆD insɛf mek big big tinada blo ɛn i bin tan lɛk di ship wan skata.

Di Sam Dɛm 18:13

We PAPA GƆD, Ɔlmayti de tɔk, in vɔys tan lɛk we tɛnda de rol ɔp klawd, in vɔys kin mek ɛko.

Jona 4:8

Wɛn san kɔmɔt, PAPA GƆD mek wam wam briz we kɔmɔt na di ist, blo. Dɔn di san so wam dat i bin de bɔn Jonain ed we mek i fent, dɔn i pre fɔ day; i se i bɛtɛ if i day pas we i gɛt layf.

Emɔs 9:7

PAPA GƆD tɔk se: “Una dɛn Izrɛlayt dɛn, lɛkɛ aw una kin de tink bɔt dɛn pipul na Ithiopia na so a kin de tink bɔt una. Lɛkɛ aw a pul di Filistin dɛn kɔmɔt na Krit ɛn di Sirian dɛn na Kir, na so a pul una kɔmɔt na Ijipt.

Izikɛl 10:5

Dɛn bin de yɛri di sawnd we di Chɛryubim dɛn wiŋ dɛn bin de mek, te rich na di kɔt yad we de na do, ɛn i bin tan lɛk we PAPA GƆD Ɔlmayti de tɔk.

Di Sam Dɛm 147:18

We PAPA GƆD tɔk nɔmɔ i kin mɛlt; we i blo, di wata bigin flo.

Di Sam Dɛm 104:7

Bɔt we yu tɔk nɔmɔ ɔltin rɔn go usay i fɔ de;

Di Sam Dɛm 78:26

I mek di Ist wind blo oba di kamp ɛn bay in pawa di sawt wind insɛf blo.

Di Sam Dɛm 68:33

we de rayd insay di klawd go fɛt fɔ wi we in vɔys fiba tɛnda.

Di Sam Dɛm 46:6

Neshɔn dɛn tɔn oba wit kɔnfyushɔn ɛn fred, kindɔm dɛn skata, bɔt we PAPA GƆD tɔk wantɛm nɔmɔ wit in vɔys lɛk tɛnda, dɛn ɔl de go insay dɛn shɛl.

Job 40:9

Yu gɛt pawa lɛk PAPA GƆD, yu vɔys trɔŋ lɛk in yon?

Job 38:22

Yu dɔn ɛva go na di sto we a de kip sno, ɔ di sto we a de kip lokɔs,

Job 37:13

Na ayda fɔ pɔnish pipul, ɔ fɔ wata in land, ɔ fɔ sho pipul aw i lɛk dɛn, mek i de mek i bi.

Ɛksodɔs 14:21

Mozis tret in an oba di si, nain PAPA GƆD mek big big tinada kɔmɔt na di ist blo di wata ol nɛt ɛn mek i sheb tu. I mek di si tɔn to dray grɔn.

Ɛksodɔs 10:19

PAPA GƆD ansa Mozis in prea. I chenj di we aw di briz bin de blo. I mek di briz bigin blo traŋa traŋa wan frɔm di wɛst ɛn blo di lokɔs dɛn kɔmɔt na di kɔntri ɛn kɛr dɛn go na di Rɛd si. Wan lokɔs sɛf nɔ lɛf na Ijipt.

Ɛksodɔs 10:13

So Mozis pɔynt in tik oba Ijipt ɛn PAPA GƆD mek briz bigin blo frɔm di ist kam na di kɔntri. Di briz blo di ol de ɛn di nɛt. Bay mɔnin tɛm di briz bigin briŋ di lokɔs dɛn kam.

Jɛnɛsis 8:1

PAPA GƆD nɔ bin fɔgɛt se Noa ɛn ɔl dɛn animal bin de insay di bot; i mek big briz blo, ɛn di wata bigin go dɔŋ.