Jɛrimaya 51:15 - Krio Fɔs Oli Baybul

¹⁵ “Na Im mek di wɔl wit in pawa, di wan we mek di wɔl wit in sɛns, ɛn na wit In ɔndastandin I mek ɔp klwad opin so.

Jɛrimaya 51:15 Referans Kwoze

Rɛvɛleshɔn 4:11

“Wi Masta ɛn wi Gɔd! Yu fit fɔ mek wi fɔdɔm na yu fut, ɛn prez yu, ɛn sho se yu gɛt pawa, bikɔs na yu mek ɔltin ɛn yu mek dɛn ɛn gi dɛn layf bikɔs na dat yu want.”

Jɛrimaya 32:17

‘E PAPA GƆD we na mi Gɔd! Na yu mek ɔp di klawd ɛn di wɔl wit yu big big pawa ɛn wit yu an we yu opin wayd! Natin nɔ traŋa fɔ yu fɔ du,

Lɛta Fɔ Rom 1:20

Frɔm di tɛm we Gɔd mek di wɔl, ɔlman no gud gud se Gɔd gɛt pawa we nɔ de dɔn ɛn Gɔd na di tru Gɔd. Mɔtalman nɔ de si dɛn tu tin ya, bɔt dɛn go no dat bɔt Gɔd, bikɔs Gɔd dɔn mek dɛn tu tin ya plen to dɛn frɔm di tin dɛn we i mek. Na dat mek nɔbɔdi nɔ go se in nɔ no se na bad in de du.

Apɔsul Dɛn Wok 14:15

“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.

Prɔvabs 3:19

PAPA GƆD yuz in sɛns fɔ mek di wɔl na di sabi we i gɛt i yuz fɔ put di skay usay i de;

Job 9:8

we nain wangren mek di klawd tan aw i tan, we de tap di swɛlin dɛn na si;

Lɛta Fɔ Rom 11:33

Gɔd de sho se in sɔri bad fɔ ɔlman! Gɔd gɛt bɔku bɔku sɛns we nɔn mɔtalman nɔ gɛt ɛn i sabi ɔltin! Udat ebul ɛksplen wetindu Gɔd mekɔp fɔ du dɛn tin we i de du, ɔ ɔndastand wetin i de du?

Ayzaya 45:12

Na mi mek dis wɔl, ɛn mek mɔtalman de de; na mi an mek di skay ɛn opin am wayd, ɛn a kɔntrol ɔl wetin de de.

Ayzaya 44:24

PAPA GƆD we sev una, we mol unainsay una mami bɛlɛ, se; “Na Mi na PAPA GƆD we mek ɔl tin, we na Mi wan opin di skay rich ɔlsay, we mek dis wɔl – udat bin de wit mi?

Ayzaya 42:5

Na dis PAPA GƆD se, PAPA GƆD, we mek di skay ɛn opin am wayd wan, we mek di wɔl ɛn ɔl wetin de de; we gi layf to di pipul dɛn we tap de ɛn spirit to di wan dɛn we de waka de:

Ayzaya 40:26

Es yu yay ɔp ɛn si: udat mek dɛn wan ya? In we de pul di san mun ɛn sta dɛn, ɛn kɔnt dɛn, de kɔl dɛn ɔl bay nem; bikɔs i gɛt trɛnk bad bad wan, ɛn gɛt pawa bad bad wan nɔn pan dɛn nɔ lɔs.

Ayzaya 40:22

Nain sidɔm pantap di wɔl, ɛn di wan dɛn we de na di wɔl tan lɛk grasɔpa; in we opin di skay lɛk winda kɔtin, ɛn prɛd dɛn lɛk tɛnt fɔ tap;

Di Sam Dɛm 136:5

I gɛt sɛns fɔ mek ɛvin ɛn ɔl wetin de de, in lɔv de de sote go;

Di Sam Dɛm 104:2

Yu kɔba yusɛf wit layt lɛkɛ se na klos yu wɛr; yu mek di klawd kɔba ɔlman lɛk we man tinap ɔnda ruf

Apɔsul Dɛn Wok 17:24

Gɔd we mek di wɔl ɛn ɔltin we lib de, na di Masta fɔ ɛvin ɛn dis wɔl, ɛn i nɔ tap na os we mɔtalman bil fɔ pre to am.

Ayzaya 51:13

ɛn yu dɔn fɔgɛt PAPA GƆD we na yu Meka, we bin opin di skay wayd, ɛn le di wɔl in fawndeshɔn ɛn jɛs de fred ol de fɔseka di man we de aras, yu in bad bad vɛksteshɔn, wɛn i rɛdi insɛf fɔ nyakanyaka? Ɛn we in bad bad vɛksteshɔn naw?

Ayzaya 48:13

Na mi le di fawndeshɔn fɔ di wɔl, ɛn mi raytan prɛd di skay; wɛn a kɔl dɛm, dɛn de kɔmɔt tinap togɛda.

Di Sam Dɛm 107:25

Na tɔk i de tɔk we de mek big briz blo dɔn di swɛlin dɛn bigin kam.

Di Sam Dɛm 104:24

PAPA GƆD, yu de du bɔku tin! Bikɔs yu gɛt sɛns yu mek ɔltin ɔl wetin de na wɔl, na yu mek am.

Jɛrimaya 27:5

“Na mi we tek mi gret pawa ɛn mi an we a opin wayd wayd wan, mek dis wɔl, di mɔtalman ɛn di animal dɛm we de na wɔl, ɛn a gi am to udat a fil se rayt to mi, fɔ gi.

Zɛkaraya 12:1

Dis na di wɔd we PAPA GƆD tɔk bɔt Izrɛl: PAPA GƆD we mek ɛvin ɛn ath ɛn gi layf to mɔtalman se,