Jɛrimaya 50:9 - Krio Fɔs Oli Baybul

⁹ Bikɔs a de mek sɔm big big neshɔn dɛn we de na di nɔt kɔntri, dɛn at wam pan Babilɔn, ɛn a go mek dɛn jɔynan kam atak Babilɔn. Dɛn go gɛda dɛnsɛf kam atak am; na da tɛm de dɛn go kapchɔ am. Dɛn aro, na lɛkɛ sojaman we sabi fɛt bad bad wan ɛn nɔ de kɔmɔt wa go om, i nɔ kil nɔbɔdi.

Jɛrimaya 50:9 Referans Kwoze

Jɛrimaya 51:11

“Una shap di aro dɛm! Una tek di big shild dɛm! PAPA GƆD dɔn mek di kiŋ dɛn na Mɛdia dɛn at wam, bikɔs wetin i mekɔp fɔ Babilɔn, na fɔ nyakanyaka am, bikɔs na da we de PAPA GƆD de rivɛnj, rivɛnj fɔ in tɛmpul.

Jɛrimaya 50:29

“Una kɔl di man dɛn we de shut bo ɛn aro fɔ go atak Babilɔn. Una sɔrawnd am ɔlɔbɔt; lɛ nɔn pan dɛm nɔ ɛskep. Una pe am akɔdin to in wok, una du am ɔl wetin in dɔn du ɔda pipul; bikɔs i dɔn mek prawd ɛn nɔ du wetin PAPA GƆD we na di Oli wan na Izrɛl, se fɔ du.

Jɛrimaya 50:26

Una atak am ɔlɔbɔt; una opin in sto dɛm; payl am lɛk we dɛn kin payl rɛs, ɛn nyakanyaka am kaptakapta; le natin nɔ lɛf pan am.

Jɛrimaya 50:21

PAPA GƆD se, “Una go atak Mɛrataim, ɛn una go atak di pipul dɛn na Pɛkɔd. Una kil dɛm ɛn nyakanyaka dɛm, ɛn una fɔ du ɔl wetin a se una fɔ du paopa.

Jɛrimaya 50:14

Una gɛda unasɛf ɔlɔbɔt go fɛt Babilɔn, una ɔl we shut bo ɛn aro; una shut am, una nɔ kip wan aro, bikɔs i dɔn kɔmit sin to PAPA GƆD.

Jɛrimaya 50:3

Bikɔs, na di nɔt wan neshɔn go kɔmɔt kam atak am, we go mek mek in land tɔn gud fɔ natin ples, ɛn nɔbɔdi nɔ go tap de; di mɔtalman ɛn di animal dɛm ɔl go rɔnawe.

Jɛrimaya 15:14

A go mek una sav una ɛnimi dɛm, na land we una nɔ no, bikɔs we a vɛks, wan faya kin kech we go bɔn sote go.”

Ayzaya 41:25

A shek pɔsin kɔmɔt na di nɔt, ɛn i dɔn kam, kɔmɔt usay di san de kan ɔp, ɛn i go de pre to mi; I go mas mas di rula dɛm na pɔtɔ pɔtɔ kle, lɛk we man we de wok wit kle, kin de mas mas am.

Ayzaya 21:2

Dɛn sho mi wan siriɔs siriɔs vishɔn; di man we de lut, de lut, ɛn di pɔsin we de nyakanyaka, de nyakanyaka. Yu Ilam, go atak, le ambush, yu Mɛdia; A go tap ɔl di pini we i dɔn mek una pini.

2 Samiɛl 1:22

Bifo naw Jonɛthan kin de kil bɔku pipul wit in bo dɛn Sɔl kin de yuz in sɔd fɔ kil pipul we mek wɛn i de tɔn bak, i kin satisfay.

Sɔlɔmɔn In Siŋ Dɛm 3:8

Dɛn ɔl gɛt sɔd na dɛn wes Dɛn ɔl na masta sabi man dɛn pan wa ɔlman gɛt in sɔd nain lɛg fɔ ɛnitin we go apin na nɛt.

Jɛrimaya 25:14

Bikɔs bɔku neshɔn dɛm ɛn big big kiŋ dɛn go tek dɛn mek slev; ɛn a go pe dɛm bay di wok we dɛn du, wetin dɛn du wit dɛn yon an.

Jɛrimaya 25:26

ɔl di kiŋ dɛm na di nɔt, di wan dɛn we de fa ɛn di wan dɛn we de nia, wan bay wan, ɛn ɔl di kɔntri dɛn na di wɔl we de na dis wɔl. Ɛn afta dɛm, na di kiŋ na Babilɔn go drink.