Jɛrimaya 50:8 - Krio Fɔs Oli Baybul

⁸ “Una rɔnawe kɔmɔt Babilɔn, una kɔmɔt insay di Chaldian dɛn land, ɛn mek lɛkɛ man got we kin de bifo ɔl di ɔda wan dɛm.,

Jɛrimaya 50:8 Referans Kwoze

Jɛrimaya 51:6

“Una rɔnawe kɔmɔt Babilɔn, lɛ ɔlman sev inyon layf! Nɔ mek yu sɔfa pan in pɔnishmɛnt, bikɔs dis na di tɛm fɔ PAPA GƆD in rivɛnj we na di pemɛnt we i de gi am.

Ayzaya 48:20

Una kɔmɔt na Babilɔn, una rɔnawe kɔmɔt na Chaldia, tɔk dis wit jɔy, anawns am ɔlsay, sɛn di wɔd go usay di wɔl tap; tɔk se, “PAPA GƆD dɔn bay in wokman Jekɔb bak.”

Rɛvɛleshɔn 18:4

Dɛn a yɛri wan ɔda vɔys de tɔk na ɛvin se, “Mi pipul dɛn, una mekes kɔmɔt na da tɔŋ de so dat unasɛf nɔ go bigin du di bad tin dɛn we i de du, ɛn unasɛf nɔ go sɔfa lɛkɛ aw i gɛt fɔ sɔfa.

Jɛrimaya 51:45

“Mi pipul dɛm, una kɔmɔt de! Lɛ ɔlman sev in layf frɔm PAPA GƆD in bad bad vɛksteshɔn!

2 Kɔrint 6:17

Di Masta se, “Una fɔ lɛf dɛn bad pipul ya, ɛn nɔ gɛt ɛnitin fɔ du wit dɛn. Una nɔ fɔ gɛt natin fɔ du wit ɛnitin we nɔ klin. If una yɛri mi wɔd, a go tek una lɛkɛ mi yon.

Ayzaya 52:1

Grap o, grap, pik trɛnk, yu Zayɔn; wɛr yu fayn fayn klos dɛn, Yu Jerusɛlɛm, we na di oli siti; bikɔs dɛn nɔ go kam insay to yu igen dɛn wan we nɔ sakɔmsayz ɛn we nɔ klin

Prɔvabs 30:31

Tu, na kak we de es ed ɔp we i de waka in ed ɔp, tri, man got fo, kiŋ we in amiman dɛn ɔl de fɔ am.

Di Nɔmba Dɛm 16:26

I tɛl di ɔda Izrɛlayt dɛn se mek dɛn muf kɔmɔt nia di tɛnt we dɛn bad man dɛn de tap. I se mek dɛn nɔ tɔch dɛn natin ɔ nɔ so dɛnsɛf go sɔfa fɔ di man dɛn sin dɛn.

Ayzaya 52:11

Una go, una go, una go yanda, nɔ tɔch natin we dɔti na PAPA GƆD in yay; kɔmɔt to am go, go mek unasɛf klin na PAPA GƆD in yay, una we de tot di tin dɛn we dɛn de yuz na PAPA GƆD in os.

Zɛkaraya 2:11

PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.