Jɛrimaya 50:7 - Krio Fɔs Oli Baybul

⁷ Ɔl di wan dɛn we si dɛm, de atak dɛm, ɛn dɛn ɛnimi dɛm se,. “Wi nɔ gilti, bikɔs dɛn dɔn kɔmit sin to PAPA GƆD we gɛt dɛm, PAPA GƆD we dɛn fɔstɛmpapa dɛn bin abop pan.’

Jɛrimaya 50:7 Referans Kwoze

Jɛrimaya 14:8

E ya, yu we na yu Izrɛl abop pan, yu we kin sev am we i gɛt trɔbul, wetin mek yu fɔ tan lɛkɛ trenja na di land, lɛkɛ pɔsin we de travul we kan beg fɔ slip fɔ di nɛt?

Jɛrimaya 2:3

Izrɛl bin oli to PAPA GƆD, dɛn na bin di fɔs frut dɛn na di avɛst. Ɔl di wan dɛn we it pan am bin gilti stret; bad bad tin bin mit dɛm, na so PAPA GƆD se.

Zɛkaraya 11:5

Di wan dɛn we de bay dɛn fɔ kil dɛn nɔ gɛt pɔnishmɛnt fɔ dat; dɔn di wan dɛn we de sɛl dɛn de blɛs PAPA GƆD fɔ we dɛn dɔn mek bɔku mɔni bikɔs di wan dɛn we de mɛn dɛn nɔ de sɔri fɔ dɛnsɛf.

Jɛrimaya 31:23

Na dis PAPA GƆD Ɔlmayti we na Izrɛl dɛn Gɔd se: “wan tɛm mɔ, dɛn go yuz dɛn wɔd ya na Juda ɛn in siti dɛm, we a go gi dɛm dɛn jɛntri bak: “PAPA GƆD GO blɛs yu, yu we nainsay yu raychɔsnɛs tap, Yu oli il!’

Jɛrimaya 50:17

“Izrɛl na ship we layɔn dɛm de fɛn fɔ kech ɛn it we mek i de rɔnawe. Fɔs, di kiŋ na Asiria atak am, ɛn naw, Nɛbyukadnɛza we na kiŋ na Babilɔn de klin in bon bon.

Fɔs Lɛta To Timoti 1:1

Mi, Pɔl, na Jizɔs Krays in apɔsul. Na Gɔd we dɔn sev wi ɛn Masta Jizɔs Krays insɛf, we wi abop pan, tɛl mi fɔ bi in apɔsul.

Zɛkaraya 1:15

Ɛn i vɛks bad wit dɛn kɔntri we nɔ bisin; bikɔs we i bin vɛks smɔl pan dɛn, dɛn tek am mek paspot fɔ du mɔ bad.

Daniɛl 9:16

Duya PAPA GƆD, fɔseka ɔl di tret waka we yu de waka, lɛ yu wamat ɛn yu pɔnishmɛnt nɔ kam pan Jerusɛlɛm we na siti we na yu oli il; fɔseka wi sin dɛn ɛn di bad tin dɛn we wi papa dɛn dɔn du, Jerusɛlɛm ɛn yu pipul dɛn tɔn tin fɔ laf, to di pipul dɛn we de rawnd wi.

Daniɛl 9:6

Wi nɔ bin lisin wetin yu wokman dɛn, di prɔfɛt dɛn bin de tɔk wetin yu tɛl dɛn fɔ tɛl wi kiŋ dɛn, wi prins dɛn, ɛn wi papa dɛn, ɛn to ɔl di pipul na di land.

Jɛrimaya 50:33

“Na dis PAPA GƆD Ɔlmayti se: Dɛn de sɔprɛs di pipul dɛm na Izrɛl ɛn di pipul dɛm na Juda; ɔl di wan dɛm we kapchɔ dɛm go slev, nɔ gri lɛf dɛm; dɛn nɔ gri le dɛn go.

Ayzaya 56:9

Una ɔl dɛn bist dɛn na bush, una kam it – una ɔl di bist dɛn na fɔrɛst.

Ayzaya 47:6

A bin vɛks pan mi pipul dɛn, A disgres usay a kɔmɔt; A gi dɛn to yu, bɔt yu nɔ bin sho wan masi; na pan di ol pipul dɛn yu put yu lod we ebi pasmak.

Ayzaya 9:12

Di Sirian dɛn na di ist ɛn di Filistin dɛn na di wɛst dɔn opin mɔt fɔ swɛla Izrɛl. Pan ɔl dat, in at stil nɔ kol ɛn i stil wan pɔnish dɛn.

Di Sam Dɛm 91:1

Ɛnibɔdi we go to PAPA GƆD fɔ mek i kɔba am, udat PAPA GƆD Ɔlmayti de fɔ,

Di Sam Dɛm 90:1

PAPA GƆD frɔm tɛm, na yu dɔn de kɔba wi.

Di Sam Dɛm 79:7

Bikɔs na dɛn dɔn kil yu pipul na Izrɛl ɛn dɛn bak dɛn dɔn pwɛl di kɔntri.

Di Sam Dɛm 71:5

Mi Masta, yu we na PAPA GƆD Ɔlmayti, na yu dɔn de gi mi op, na yu PAPA GƆD a dɔn put mi at traŋa wan pan frɔm we a smɔl.

Jɛrimaya 5:17

Dɛn go it ɔl wetin una avɛst ɛn ɔl di it we una gɛt fɔ it; dɛn go it una bɔypikin ɛn gyal pikin dɛm; dɛn go it una ship, got ɛn kaw dɛm; dɛn go it una greps ɛn una fig tik dɛm; una siti dɛn we una protɛkt ɛn abop pan, na sɔd dɛn go tek pwɛl dɛm.”

Jɛrimaya 10:25

Tɔn mi vɛksteshɔn pan di neshɔn we nɔ no yu, ɛn pan di pipul dɛn we nɔ de pre to yu; bikɔs dɛn dɔn kil Jekɔb; dɛn dɔn kil am ɛn it am, ɛn dɛn dɔn mek di ples we i bin tap, yuslɛs.

Jɛrimaya 17:13

E PAPA GƆD we Izrɛl abop pan, ɔl udat fɔsek yu go shem; dɛn wan dɛm we tɔn bak pan yu, dɛn go rayt bɔt dɛm na wɔl, bikɔs dɛn fɔsek PAPA GƆD we na di fawnten we de gi wata we de gi layf.

Izikɛl 34:5

So dɛn bin skata skata bikɔs nɔn shɛpad nɔ bin de; ɛn dɛn bin kam bi it fɔ dɛn wayl bist dɛn.

Izikɛl 35:12

Ɛn una go no se na mi PAPA GƆD, bin dɔn yɛri ɔl di kɔs we yu bin kɔs di Izrɛl mawnten dɛn se, ‘dɛn dɔn lɛf ɛmti natin ɛn nɔbɔdi nɔ de de, so dɛn dɔn gi wi fɔ lɛ wi it am awaŋɔt we.

Jɛrimaya 33:15

Dɛn dez dɛn de ɛn da patikla tɛm de, A go mek wan grup we de waka tret wit mi bɔsawt fɔseka Devid; ɛn i go trit ɔlman di sem ɛn go waka tret na di land.

Jɛrimaya 33:16

Dɛn tɛm dɛn de, dɛn go sev; Juda ɛn Jerusɛlɛm go sikiɔ. Ɛn na di nem dis we dɛn go de kɔl am: Na PAPA GƆD na wi Raychɔsnɛs.’

Jɛrimaya 50:14

Una gɛda unasɛf ɔlɔbɔt go fɛt Babilɔn, una ɔl we shut bo ɛn aro; una shut am, una nɔ kip wan aro, bikɔs i dɔn kɔmit sin to PAPA GƆD.