Jɛrimaya 50:6 - Krio Fɔs Oli Baybul

⁶ “Mi pipul dɛm dɔn bi lɛkɛ ship dɛn we dɔn lɔs; dɛn shɛpad dɛn dɔn mek dɛn go astre, we dɛn bin mek dɛn go na dɛn mawnten; dɛn dɔn kɔmɔt na wan mawten go na ɔda il, dɛn dɔn fɔgɛt usay dɛn kɔmɔt.

Jɛrimaya 50:6 Referans Kwoze

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Matyu 9:36

Wɛn Jizɔs si di krawd, i sɔri fɔ dɛn, bikɔs dɛn bin kɔnfyus ɛn dɛn nɔ bin ebul fɔ ɛp dɛnsɛf, jɛs lɛkɛ dɛn ship we nɔ gɛt shɛpad fɔ mɛn dɛn.

Matyu 10:6

Bɔt una go to dɛn pipul na Izrɛl, we tan lɛkɛ ship we dɔn lɔs.

Izikɛl 34:14

A go fid dɛn wit rich gras, ɛn dɛn rich gras ya go de pantap Izrɛl ay mawnten dɛm; na de dɛn go lidɔm na di ples we gɛt gud gud gras fɔ it, ɛn dɛn go fid pan di gud rich gras pan di Izrɛl mawnten dɛm.

Jɛrimaya 50:17

“Izrɛl na ship we layɔn dɛm de fɛn fɔ kech ɛn it we mek i de rɔnawe. Fɔs, di kiŋ na Asiria atak am, ɛn naw, Nɛbyukadnɛza we na kiŋ na Babilɔn de klin in bon bon.

Di Sam Dɛm 119:176

A fiba ship we dɔn rɔnawe, ɛn dɔn lɔ pan in masta; Briŋ mi bak bikɔs a nɔ go fɔgɛt wetin yu lɔ se.

Jɛrimaya 50:19

A go mek Izrɛl go bak na dɛn land, ɛn i go it na Mawnt Kamɛl ɛn na Beshan, ɛn dɛn go gɛt ɔl wetin dɛn want na di il dɛm na Ifrem ɛn na Giliad.

Jɛrimaya 3:6

PAPA GƆD tɛl mi dyurin di tɛm we Josaya na bin kiŋ, se, “Yu dɔn si wetin i du, dawande we nɔ gɛt feth, we nem Izrɛl, aw i bin go ɔp ɔl dɛn ay il ɛn ɔnda ɔl dɛn grin tik, de biev lɛk rare gyal?

Di Sam Dɛm 116:7

A go put mi at dɔŋ, bikɔs PAPA GƆD dɔn du gud fɔ mi.

Di Sam Dɛm 91:1

Ɛnibɔdi we go to PAPA GƆD fɔ mek i kɔba am, udat PAPA GƆD Ɔlmayti de fɔ,

Pita In Fɔs Lɛta 2:25

Una bin tan lɛkɛ ship we dɔn lɛf fɔ fala di man we de mɛn dɛn, so dɛn nɔ sabi rod igen, bɔt naw Gɔd dɔn briŋ una kam bak to di pɔsin we de mɛn una ɛn we de gyad una mek natin bad nɔ mit una.

Matyu 15:24

Jizɔs ansa se, “Na to dɛn pipul na Izrɛl we tan lɛkɛ dɛn ship we lɔs, na to dɛn nɔmɔ Gɔd sɛn mi.”

Jɛrimaya 10:21

Bikɔs di shɛpad dɛn styupid, ɛn dɛn nɔ de aks PAPA GƆD bɔt natin; dat mek dɛn nɔ du wɛl na layf, ɛn ɔl dɛn ship dɛm dɔn skata ɔlɔbɔt.

Jɛrimaya 3:23

Fɔ tru, di tin dɛn we de apin na di il dɛn de mek pɔsin tink tin we nɔ bi, dat na di kayn wɔship we de na di mawnten dɛm. Fɔ tru, na PAPA GƆD we na wi Gɔd nɔmɔ go sev Izrɛl.

Jɛrimaya 2:32

Uman we nɔ mared yet go fɔgɛt in riŋ chen ɛn baŋuls dɛn, ɔ yawo go fɔgɛt in mared klos? Bɔt mi pipul dɛn dɔn fɔgɛt bɔt mi lɔlɔntɛm.

Jɛrimaya 2:20

“Bikɔs una dɔn lɛf fɔ wok fɔ mi lɔlɔntɛm ɛn nɔ de du wetin a se una fɔ de du igen, ɛn una se, “A nɔ go sav yu igen” Yɛs, na pantap ɔl dɛn ay il ɛn ɔnda ɔl dɛn grin tik una de butu to dɛn lay lay gɔd dɛn lɛk rare gyal.

Ayzaya 32:2

Ich ɛn ɛvri wan go bi lɛk ples fɔ ayd wɛn briz de blo, ples fɔ ayd we ebi briz de blo, lɛk watasay dɛn we de rɔn na dray ples, lɛk di shed we rɔk de mek usay di land dɔn taya.

Ayzaya 30:15

Bikɔs na dis PAPA GƆD, we na di Oli Wan na Izrɛl se, “We una tɔn bak to mi ɛn sidɔm wit mi, a go sev una; we una sidɔm saful ɛn put una trɔst pan mi, una go gɛt trɛnk.” Bɔt una nɔ gri,

Di Sam Dɛm 90:1

PAPA GƆD frɔm tɛm, na yu dɔn de kɔba wi.

Di Sam Dɛm 32:7

Na yu a tek mek telem; yu de rawnd mi fɔ kɔba mi we de mek pipul gladi ɛn siŋ bɔt aw yu pul mi pan trɔbul.

Di Sam Dɛm 23:2

I de kɛr mi go usay a nɔ go yagba fɔ natin, i de gi mi kol at.

Jɛrimaya 13:16

Una glɔrifay PAPA GƆD we na una Gɔd bifo di ples dak, bifo una bɔk una fut, na dɛn mawnten dɛn na nɛt, ɛn wɛn yu de luk se layt de kam i mek di ples dak lilibit, ɛn mek i dak bad bad wan.

Jɛrimaya 23:1

“PAPA GƆD se, swɛ go mit dɛn shɛpad dɛn we de pwɛl ɛn skata mi ship dɛm.

Jɛrimaya 33:12

“Na dis PAPA GƆD Ɔlmayti se: Na dis ples we dɛn se ɛmti ɛn yuslɛs we mɔtalman ɛn animal nɔ de, shɛpad dɛn go tap de bak de fid dɛn ship dɛn.

Izikɛl 13:10

Bikɔs, yɛs, bikɔs dɛn dɔn lay gi mi pipul dɛn, de tɛl dɛn se ‘pis de,’ wɛn nɔn pis nɔ de; ɛn bikɔs wɛn di pipul dɛn bil wan wɔl, di prɔfɛt dɛn dab dab am wit waytwɔsh;

Izikɛl 34:15

Misɛf sɛf nain go bi mi ship dɛn shɛpad, ɛn na mi go mek dɛn lidɔm. PAPA GƆD tɔk se.

Izikɛl 34:16

A go luk fɔ di wan dɛn we lɔs, ɛn a go briŋ kam bak di wan we stre, ɛn a go mɛn dɛn wan we kripul, ɛn a go mek di wik dɛn gɛt trɛnk, ɛn a go wach gud gud wan di wan dɛm we fat ɛn di wan dɛm we gɛt trɛnk; ɛn a go fid dɛn di rayt we.

Ayzaya 1:3

Man kaw no udat i blant, ɛn dɔŋki no di say we in masta put in it, bɔt Izrɛl nɔ no, mi pipul dɛn nɔ ɔndastand.”