Jɛrimaya 50:5 - Krio Fɔs Oli Baybul

⁵ Dɛn go aks fɔ di rod fɔ go Zayɔn, ɛn dɛn go tɔn dɛn fes de, de se, “Una kam lɛ wi jɔn wisɛf to PAPA GƆD wit wan Kɔvinant we go de sote go we nɔbɔdi nɔ go ɛva fɔgɛt.’

Jɛrimaya 50:5 Referans Kwoze

Jɛrimaya 32:40

A go mek wan Kɔvinant wit dɛn we go de sote go, so dat a nɔ go tap fɔ du dɛn gud; ɛn a go put fred na dɛn at fɔ mi, so dat dɛn nɔ go tɔn bak pan mi.

Ayzaya 55:3

Opin una yes lisin, ɛn kam to mi; una yɛri, mek una go gɛt layf; ɛn a go mek Kɔvinant wit yu we go de sote go, mi tru tru lɛk we nɔ de chenj, we a lɛk Devid.

Ayzaya 35:8

Ɛn men rod go de de, ɛn dɛn go kɔl am di Oli Rod; pɔsin we nɔ klin na PAPA GƆD in yay nɔ go pas de ɛn fulman nɔ go mistek go insay de.

Jɛrimaya 6:16

Na dis PAPA GƆD se, “Una go tinap na forod ɛn wach, una aks fɔ dɛn ol rod, usay di gud rod de; ɛn una waka de, ɛn fɛn kolat fɔ una sol. Bɔt dɛn se, ‘we nɔ go waka de.’

Jɛnɛsis 17:7

“A de mek dis Kɔvinant bitwin mi ɛn yu ɛn bitwin mi ɛn yu jɛnareshɔn dɛn we nɔ bɔn yet. Dis Kɔvinant go de sote go ɛn a go bi yu PAPA GƆD ɛn ɔl yu jɛnareshɔn dɛn PAPA GƆD.

2 Kɔrint 8:5

Wi nɔ bin de abop sɛf se dɛn go du so; dɛn gi Gɔd dɛn layf fɔs, dɔn dɛn lɛf dɛnsɛf na wi an lɛkɛ aw Gɔd want dɛn fɔ du.

Apɔsul Dɛn Wok 11:23

Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at.

Jɔn 7:17

Ɛnibɔdi we gri fɔ du wetin Gɔd want, go no if na Gɔd tɛl mi wetin a de lan pipul ɔ if na bay misɛf a de tɔk.

Di Sam Dɛm 84:7

As dɛn de waka, na so dɛn de gɛt trɛnk, te dɛn ɔl rich usay PAPA GƆD de na Zayɔn.

1 Kiŋ 19:14

I ansa se in bin gɛt bɔku zil fɔ PAPA GƆD we na PAPA GƆD Ɔlmayti in wok. I se di Izrɛlayt dɛn dɔn brok di Kɔvinant wit PAPA GƆD ɛn di ɔlta, ɛn kil in prɔfɛt dɛn, dɔn in waŋren we lɛf dɛn de fɛt fɔ kil insɛf.

1 Kiŋ 19:10

I ansa se in bin gɛt bɔku zil fɔ PAPA GƆD we na PAPA GƆD Ɔlmayti in wok. I se di Izrɛlayt dɛn dɔn brok di Kɔvinant wit PAPA GƆD ɛn di ɔlta, ɛn kil in prɔfɛt dɛn; dɔn in waŋren lɛf ɛn dɛn de fɛt fɔ kil insɛf.

2 Samiɛl 23:5

Na tru se PAPA GƆD dɔn blɛs mi ɛn mi pipul. Nain bin dɔn mek Kɔvinant we go kip sote go wit mi ɛn i de kip in wɔd sote go. Na dat nɔmɔ a want as i go mɔs du wetin i se.

Jɛrimaya 3:18

Dɛn tɛm dɛn de, di Juda fambul go jɔyn wit di Izrɛl fambul, ɛn una go kɔmɔt na di land na di nɔt togɛda, go na di land we a bin gi una fɔstɛmpapa dɛm as dɛn yon prɔpati.

Jɛrimaya 31:6

Bikɔs tɛm go kam we dɛn wachman dɛm go ala kɔl ɔlman na di il kɔntri na Ifrem se: ‘Una grap, lɛ wi go ɔp na Zayɔn, to PAPA GƆD we na wi Gɔd.’”

Jɛrimaya 31:21

“Una mak rod dɛm fɔ unasɛf, una put tik dɛn fɔ mɛmba di rod fɔ go bak; una mɛmba di rod gud, di rod we una pas go. Kam bak, Yu Izrɛl we na vajin, una tɔn kam bak na una siti dɛm.

Izikɛl 16:61

Da tɛn de, una go mɛmba aw una bin de du, ɛn fil shem wɛn a go tek una sista dɛn, una big wan ɛn smɔl wan dɛn, ɛn gi dɛn to una as una gyal pikin dɛn, bɔt nɔto fɔseka di Kɔvinant we a mek wit una.

Izikɛl 37:22

ɛn a go mek dɛm bi wan neshɔn na di kɔntri, na di mawnten dɛm na Izrɛl; ɛn na wangren kiŋ go bi kiŋ oba dɛn ɔl; ɛn dɛn nɔ go bi tu neshɔn igen igen, ɛn dɛn nɔ go sheb fɔ bi tu kindɔm igen igen.

Ozie 1:11

Di pipul na Juda ɛn di wan dɛn na Izrɛl go mek wanwɔd. Dɛn go pik wan edman ɛn dɛn ɔl go bɛtɛ na di land bikɔs da de de go bi big de na Jɛzril.

Ozie 3:5

Tɛm go kam we di Izrɛlayt dɛn go tɔn bak to PAPA GƆD we na dɛn Gɔd, ɛn Devid go bi dɛn kiŋ; dɔn dɛn go gɛt fred fɔ PAPA GƆD ɛn ɔl di gud we i go du fɔ dɛn bambay.

Ozie 6:1

Una kam mek wi go bak to PAPA GƆD. Nain dɔn nyamanyama wi so i go gɛda wi bak; i dɔn wund wi so i go mɛn wi bak.