Jɛrimaya 50:4 - Krio Fɔs Oli Baybul

⁴ “PAPA GƆD se, dɛn tɛm dɛn de, di pipul dɛm na Izrɛl ɛn di pipul dɛm na Juda go jɔyn togɛda, de kray de kam; ɛn dɛn go luk fɔ PAPA GƆD we na dɛn Gɔd.

Jɛrimaya 50:4 Referans Kwoze

Ozie 3:5

Tɛm go kam we di Izrɛlayt dɛn go tɔn bak to PAPA GƆD we na dɛn Gɔd, ɛn Devid go bi dɛn kiŋ; dɔn dɛn go gɛt fred fɔ PAPA GƆD ɛn ɔl di gud we i go du fɔ dɛn bambay.

Ozie 1:11

Di pipul na Juda ɛn di wan dɛn na Izrɛl go mek wanwɔd. Dɛn go pik wan edman ɛn dɛn ɔl go bɛtɛ na di land bikɔs da de de go bi big de na Jɛzril.

Jɛrimaya 31:31

PAPA GƆD se, ‘Di de dɛn de kam, we a go mek nyu Kɔvinant wit Izrɛl ɛn Juda,

Zɛkaraya 12:10

I se in go gi Devid in os ɛn ɔl udat de na Jerusɛlɛm, sɔri-at fɔ de pre fɔ pipul so dat wɛn dɛn luk di wan we dɛn chuk, dɛn go sɔri fɔ am lɛk aw mama de sɔri fɔ in waŋren pikin, ɛn kray bita kray pan am lɛk aw mama de kray pan in fɔs pikin.

Joɛl 2:12

PAPA GƆD se, naw naw, dɛn fɔ go bak to am wit ɔl dɛn at, dɛn fɔ fast ɛn kray, ɛn sho se dɛn sɔri;

Izikɛl 39:25

Fɔseka dat, na dis PAPA GƆD se; naw a go gi Jekɔb bak in richis dɛm ɛn a go sɔri fɔ di wanol Izrɛl pipul, ɛn a go jɛlɔs fɔ mi oli nem.

Jɛrimaya 33:15

Dɛn dez dɛn de ɛn da patikla tɛm de, A go mek wan grup we de waka tret wit mi bɔsawt fɔseka Devid; ɛn i go trit ɔlman di sem ɛn go waka tret na di land.

Ayzaya 63:4

Bikɔs di de fɔ rivɛnj bin de na mi at, ɛn di ia fɔ ridim pipul dɔn kam.

Ayzaya 55:6

PAPA GƆD se “Luk fɔ PAPA GƆD di tɛm we mɔtalman kin ebul fɛn am, pre to am we i de nia;

Ayzaya 45:19

A nɔ tɔk sikrit, na land ɔf daknɛs; A nɔ tɛl Jekɔb in pikin dɛm se, luk fɔ mi wit kɔnfyushɔn.’ Mi PAPA GƆD de tɔk tru, A de anawns wetin rayt.

Ayzaya 14:1

PAPA GƆD go sɔri fɔ Jekɔb ɛn go pik Izrɛl bak, ɛn go put dɛn na dɛn yon land. Fɔrina dɛn go kam tap wit dɛn, ɛn di Izrɛlayt dɛn go ol dɛn tayt lɛk dɛnsɛf blant Jekɔb in os.

Di Sam Dɛm 105:4

Go to PAPA GƆD mek i ɛp yu de wɔship am ɔltɛm, i go de ɛp yu.

Jems 4:9

Una fɔ mɛmba dɛn bad we una dɔn du; ɛn una fɔ sɔri ɛn kray fɔ dɛn. Una fɔ lɛf fɔ laf, una fɔ sɔri ɛn kray; una nɔ fɔ gladi, una fɔ sɔri.

Jɛrimaya 41:6

So Ishmɛl we na Netanaya in bɔypikin kɔmɔt insay Mizpa go mit dɛm; i bin de kray we i bin de go mit dɛm. As i de rich to dɛm, nain i se, “Una kam insay to Gɛdalaya we na Aikam in bɔypikin.”

Izikɛl 16:61

Da tɛn de, una go mɛmba aw una bin de du, ɛn fil shem wɛn a go tek una sista dɛn, una big wan ɛn smɔl wan dɛn, ɛn gi dɛn to una as una gyal pikin dɛn, bɔt nɔto fɔseka di Kɔvinant we a mek wit una.

Ozie 6:1

Una kam mek wi go bak to PAPA GƆD. Nain dɔn nyamanyama wi so i go gɛda wi bak; i dɔn wund wi so i go mɛn wi bak.

2 Kronikuls 7:14

if mi pipul dɛm we gɛt mi nem, put dɛnsɛf dɔŋ ɛn pre ɛn ripɛnt, ɛn lɛf dɛn wikɛd we, datɛnde, a go yɛri na ɛvin, ɛn a go fɔgiv dɛn sin, ɛn il dɛn land.

Ozie 11:10

I se in pipul go fala am we in PAPA GƆD go biev lɛk layɔn. I go mek big nɔys, dɔn in pikin dɛn go trimbul kɔmɔt na di wɛst go mit am;