Jɛrimaya 50:12 - Krio Fɔs Oli Baybul

¹² una mama go shem bad bad wan, di uman we bɔn yu go disgres. I go bi se na im go de las pan ɔl di neshɔn dɛm, I go tɔn dray ɛn ɛmti ples we pɔsin nɔ ebul tap.

Jɛrimaya 50:12 Referans Kwoze

Jɛrimaya 51:43

Wetin apin to in siti dɛm de mek pipul fred, ɛn i dɔn tɔn land we wata nɔ de, ɛn ɛmti ples we pɔsin nɔ go ebul tap, ples we nɔn mɔtalman nɔ de pas.

Rɛvɛleshɔn 17:5

Wan nem we gɛt sikrit minin bin rayt pan in fɔrɛd, we se “Babilɔn we ɔlman no, we de bɔn ɔl dɛn pipul we liv fri layf, ɛn we de du ɔl dɛn tin we mɔtalman nɔ fɔ du wit in kɔmpin mɔtalman.”

Lɛta Fɔ Galeshya 4:26

Bɔt di Jerusɛlɛm we de na ɛvin fri, ɛn da Jerusɛlɛm de tan lɛkɛ wi mama.

Jɛrimaya 49:2

PAPA GƆD se, fɔseka dat, di tɛm de kam we A go mek di pipul dɛn yɛri di ala we pipul dɛn kin ala na wa, na Raba we na dɛn Amonayt dɛn siti; i go tɔn gud fɔ natin ip, ɛn dɛn go bɔn dɛn vilej dɛm wit faya; na datɛnde Izrɛl go tek land na di pipul dɛn an, we bin tek dɛn land. Na so PAPA GƆD se.

Jɛrimaya 25:26

ɔl di kiŋ dɛm na di nɔt, di wan dɛn we de fa ɛn di wan dɛn we de nia, wan bay wan, ɛn ɔl di kɔntri dɛn na di wɔl we de na dis wɔl. Ɛn afta dɛm, na di kiŋ na Babilɔn go drink.

Jɛrimaya 25:12

We sɛvinti ia dɔn, a go pɔnish di kiŋ na Babilɔn ɛn da neshɔn de, di chaldian dɛm land fɔ dɛn sin, ɛn mek di land gud fɔ natin sote go. Na so PAPA GƆD se.

Ayzaya 23:13

Luk di Babilonian dɛn land! Na di pipul dɛn dis; nɔto bin Asiria. Dɛn se na wayl animal dɛn go de na Tay. Dɛn bil dɛn tawa dɛn we dɛn tek ambush, dɛn brok dɛn kiŋ os dɛm kan dɔŋ; dɛn nyakanyaka di kɔntri bɔnali.

Ayzaya 14:22

PAPA GƆD Ɔlmayti se, “A go tinap ɛn fɛt dɛn, ɛn a go kɔt kɔmɔt na Babilɔn, dɛn nem dɛn ɛn di balans we lɛf, pikin we dɔn bɔn ɛn di wan dɛn we nɔ bɔn yet.” Na so PAPA GƆD se.

Jɛrimaya 12:14

Na dis PAPA GƆD se bɔt ɔl mi bad bad neba dɛm we put an pan di prɔpati we a dɔn gi Izrɛl we na mi pipul dɛm, as dɛn yon prɔpati: “A de tɛl yu, a go rut dɛm kɔmɔt na dɛn land, ɛn a go rut Juda kɔmɔt pan dɛm.

Jɛrimaya 15:9

Di uman we bɔn sɛvin pikin, dɔn lɛf to insɛf; I dɔn fent;; In san go dɔŋ sansantɛm; dɛn dɔn disgres am ɛn i dɔn shem. A go kil di balans wan dɛm na wa bifo dɛn ɛnimi dɛm. Na so PAPA GƆD se.

Jɛrimaya 22:6

Bikɔs na dis PAPA GƆD se bɔt di kiŋ na Juda in os. “Yu tan lɛk Giliad to mi, lɛk di il na Libanɔn in pantap, fɔ tru tru, a go mek yu tɔn ɛmti ples we pɔsin nɔ go ebul tap, dat na siti we nɔbɔdi no tap.

Jɛrimaya 51:47

“Fɔseka dat, a de tɛl una, di tɛm de kam, wɛn a go pɔnish di imej dɛm na Babilɔn; a go mek dɛn wanol land shem, ɛn ɔl di wan dɛm we dɛn kil go day insay am.