Jɛrimaya 50:11 - Krio Fɔs Oli Baybul

¹¹ “Ɛnti una de gladi naw ɛn de es unasɛf ɔp, una we bin tif ɔltin na mi kɔntri, ɛnti una want want lɛk we yɔŋ kaw kin want gras, ɛn una de mek lɛk dɛn yɔŋ ɔs,

Jɛrimaya 50:11 Referans Kwoze

Ayzaya 47:6

A bin vɛks pan mi pipul dɛn, A disgres usay a kɔmɔt; A gi dɛn to yu, bɔt yu nɔ bin sho wan masi; na pan di ol pipul dɛn yu put yu lod we ebi pasmak.

Zɛkaraya 14:12

PAPA GƆD go mek bad sik mit di pipul dɛn we bin go fɛt Jerusɛlɛm. Dɛn go de layf wan bɔt dɛn bɔdi go rɔtin, dɛn yay sɛf go rɔtin ɛn ivin dɛn siti go rɔtin na dɛn mɔt.

Obadaya 1:12

Usay tru de fɔ tɔk, we una brɔda dɛn de pan trɔbul na Juda; unasɛf nɔ bin fɔ jɔyn fɔ provok dɛn pan dɛn trɔbul.

Emɔs 4:1

Una lisin o, una dɛn na dɛn mawnten dɛn na Sameria we fat lɛk dɛn kaw na Beshan, we de fɔ mek dɛn de siz advantej pan poman, bikɔs una de mɔna una man dɛn se dɛn fɔ de kɛr wayn go fɔ una fɔ de drink!

Ozie 10:11

Ifrem na lɛk yɔŋ uman kaw we lɛk fɔ de mas mas tin dɛn bɔt a nɔ gri fɔ tay in nɛk to in kɔmpin fɔ wok; bɔt naw, Ifrem gɛt fɔ wok wit in kɔmpin so dɛn go mek Juda jɔyn am fɔ wok. Jekɔb go gɛt fɔ wok insɛf.

Lamɛnteshɔn 1:21

“Luk we a de pini: nɔbɔdi nɔ de fɔ koks mi. Ɔl mi ɛnimi dɛn dɔn yɛri bɔt mi wahala; dɛn ɔl gladi bikɔs na yu du mi so. Lɛ di de we yu bin dɔn se kam, ɛn lɛ mi ɛnimi dɛn sɔfa lɛk aw a de sɔfa.

Jɛrimaya 50:27

Kil ɔl in man kaw dɛm, lɛ dɛn ɔl day. Swɛ dɔn kech dɛm, bikɔs di tɛm dɔn kam, dat na di tɛm we dɛn fɔ gɛt dɛn pɔnishmɛnt.

Jɛrimaya 50:17

“Izrɛl na ship we layɔn dɛm de fɛn fɔ kech ɛn it we mek i de rɔnawe. Fɔs, di kiŋ na Asiria atak am, ɛn naw, Nɛbyukadnɛza we na kiŋ na Babilɔn de klin in bon bon.

Jɛrimaya 46:21

Ivin in soja dɛm we dɛn aya we de wit am, na lɛk fat fat kaw pikin; bɔt usay, dɛn dɔn tɔn ɛn rɔnawe togɛda, dɛn nɔ tinap; bikɔs di de ɔf kalamiti, dɔn kam pan dɛm, di tɛm fɔ dɛn pɔnishmɛnt.

Jɛrimaya 5:28

dɛn dɔn fat ɛn de shayn. Dɛn nɔ de fred fɔ du ɛnikayn wikɛd tin to nɔbɔdi; dɛn de gi bɛn bɛn jɔjmɛnt to dɛn wan dɛn we dɛn papa dɔn day, fɔ du mɔ wikɛdnɛs, ɛn dɛn nɔ de fɛt fɔ dɛn wan dɛm we nɔ gɛt.

Jɛrimaya 5:8

Dɛn na bin dɛn machɔ man os we dɛn de fid gud gud wan we want uman ɔltɛm, ɔlman de kray fɔ gɛt in neba wɛf.

Prɔvabs 17:5

Udat provok poman nɔ rɛspɛkt PAPA GƆD we mek am ɛn yu gladi wɛn trɔbul mit in kɔmpin nɔ de go skɔchfri.

Di Sam Dɛm 22:12

Mi ɛnimi dɛn tan lɛkɛ dɛn bad dɔg dɛn rawnd mi, dɛn tan lɛk dɛn wayl kaw na Beshan Na so dɛn ɔl dɔn sɔrawnd mi.

Ditarɔnɔmi 32:15

Izrɛl, bin jɛs de jɛntri bɔt dɛn bin traŋayes; Izrɛl bin gɛt plɛnti fɔ it so i bin jɔs de rɔju. Dɔn i dɔn dray bak, dɔn i kɔmɔt biɛn PAPA GƆD we mek am, ɛn nɔ mɛmba di wan we sev am.

Ayzaya 47:8

Fɔseka dat, lisin, yu we lɛk ɛnjɔymɛnt, we sidɔm sef wan, de tɔk na yu at se, “na Mi, ɛn nɔbɔdi nɔ de we bɛtɛ pas mi; A nɔ go sidɔm lɛk unam we in man dɔn day ɔ we no wetin i min fɔ bɛr pikin.”

Jɛrimaya 12:14

Na dis PAPA GƆD se bɔt ɔl mi bad bad neba dɛm we put an pan di prɔpati we a dɔn gi Izrɛl we na mi pipul dɛm, as dɛn yon prɔpati: “A de tɛl yu, a go rut dɛm kɔmɔt na dɛn land, ɛn a go rut Juda kɔmɔt pan dɛm.

Jɛrimaya 46:20

“Ijipt na wan fayn kaw pikin, bɔt wan flay we de bɛt we kɔmɔt na di nɔt, dɔn kam pan am.

Izikɛl 35:15

Lɛk aw yu bin gladi bad bad wan pan di Izrɛl pipul prɔpati we dɛn lɔntɛm pipul lɛf fɔ dɛm, bikɔs i bin ɛmti, natin ɛn nɔbɔdi nɔ go tap pan yu, Mawnt Seir, ɛn ɔl Idɔm, dɛn ɔl. Na datɛnde, dɛn go no se, na mi na PAPA GƆD.

Izikɛl 36:5

fɔseka dat, na dis PAPA GƆD se; a de tɔk pan mi bad bad jɛlɔs we a gɛt pan di balans neshɔn dɛm ɛn pan ɔl Idɔm, we gi mi kɔntri to dɛnsɛf fɔ dɛn yon, ɛn gladi wit ɔl dɛn at, ɛn nɔ gɛt rɛspɛkt at ɔl, so dat dɛn go tek am fɔ dɛn yon ɛn pwɛl am pata pata.

Abakɔk 1:15

We dɛn sɛn bet fɔ fish, we di bet kech di fish, nɔbɔdi nɔ de tɔk fɔ di fish. Abakɔk se na so PAPA GƆD de mek dɛn fiba bikɔs di Babilonian dɛn de gladi we dɛn de pas am pan dɛn.