Jɛrimaya 50:1 - Krio Fɔs Oli Baybul

¹ Di wɔd we PAPA GƆD tɔk bɔt Babilɔn ɛn di pipul dɛn na Babilɔn, we Jɛrimaya we na prɔfɛt, bin tɔk.

Jɛrimaya 50:1 Referans Kwoze

Pita In Sɛkɛn Lɛta 1:21

bikɔs nɔto di prɔfɛt dɛnsɛf bin jɛs sidɔm tink ɛn tɔk wetin dɛn want, bɔt na Gɔd in Spirit bin tɛl dɛn di wɔd dɛn we Gɔd want dɛn fɔ tɔk.

Apɔsul Dɛn Wok 7:4

So Ebraam kɔmɔt Kaldia go tap na Aran. Afta Ebraam in papa day, Gɔd tɛl Ebraam fɔ kɔmɔt Aran, kam na dis kɔntri we una de naw.

Jɛrimaya 27:7

Ɔl di neshɔn dɛm go sav im, in bɔypikin ɛn in grampikin, sote di tɛm fɔ in yon land kam; datɛnde, bɔku neshɔn dɛm ɛn pawaful kiŋ dɛm go mek am dɛn slev.

Ayzaya 23:13

Luk di Babilonian dɛn land! Na di pipul dɛn dis; nɔto bin Asiria. Dɛn se na wayl animal dɛn go de na Tay. Dɛn bil dɛn tawa dɛn we dɛn tek ambush, dɛn brok dɛn kiŋ os dɛm kan dɔŋ; dɛn nyakanyaka di kɔntri bɔnali.

Ayzaya 14:4

una go bigin provok di kiŋ na Babilɔn se: “Di pɔsin we bin de du wi bad nɔ ebul du wi bad igen, di fɔ-natin wikɛd vɛksteshɔn dɔn dɔn.

Job 1:17

Insɛf nɔ tɔk di tɔk dɔn nain wan ɔda mɛsenja kam tɛl Job se, tri grup tifman dɛn we na di kiŋ in advaysa dɛn, bɔs pan di kamɛl dɛn, tek dɛn ɔl go, ɛn kil ɔl di wokman dɛn, pas in wangren we ebul rɔnawe kam tɛl am.

2 Samiɛl 23:2

Na PAPA GƆD de mek a tɔk ɔl wetin a gɛt fɔ se.

Jɛnɛsis 11:31

Tɛra tek in bɔypikin Ebram, in grampikin Lɔt, we na Eran in bɔypikin, ɛn in dɔtɛnlɔ Seray, Ebram in wɛf, kɔmɔt na Ɔ we de na Babilonia fɔ go na Kenan. Bɔt we dɛn rich na wan ples we nem Eran, dɛn disayd fɔ tap de.

Jɛnɛsis 10:10

In yon say we i bigin rul na Babilɔn, Irɛk, Akad ɛn Kalnɛ; dɛn ɔl bin de insay Shina.

Rɛvɛleshɔn 14:8

Wan ɔda enjɛl bin de fala di fɔs wande tɔk se, “Babilɔn dɔn pwɛl! Da big tɔŋ, Babilɔn, dɔn pwɛl! Nain bin de gi ɔlman in wayn fɔ drink; da wayn de na di fri layf we pipul dɛn bin de pan, ɛn we kin mek dɛn du ɛni bad tin we dɛn at gi dɛn fɔ du.”

Jɛnɛsis 11:9

Na dat mek di siti nem Bebɛl, bikɔs na de PAPA GƆD miksɔp dɛn laŋwej, ɛn na de i skata dɛn go ɔlsay na di wɔl.

2 Kiŋ 17:24

Di kiŋ na Asiria pul pipul dɛn kɔmɔt na Babilɔn, Kutha, Ava, Amath ɛn Sɛfavaim ɛn kɛr dɛn go na di difrɛn siti dɛn na Sameria fɔ go tek di Izrɛlayt dɛn ples de. Na dɛn bin tap na ɔl di siti dɛn na Sameria.

Jɛrimaya 25:12

We sɛvinti ia dɔn, a go pɔnish di kiŋ na Babilɔn ɛn da neshɔn de, di chaldian dɛm land fɔ dɛn sin, ɛn mek di land gud fɔ natin sote go. Na so PAPA GƆD se.

Daniɛl 1:1

Di ia we mek Jɛoiakim tri ia na pawa we in na bin kiŋ na Juda, Kiŋ Nɛbyukadnɛza we na bin kiŋ na Babilɔn, sɔrawnd ɛn atak Jerusɛlɛm.