Jɛrimaya 5:9 - Krio Fɔs Oli Baybul

⁹ PAPA GƆD se, “A nɔ fɔ pɔnish dɛm fɔ dɛn kayn tin dɛn de? Ɛn a nɔ fɔ rivɛnj fɔ mi nem pan kayn neshɔn lɛkɛ dis?

Jɛrimaya 5:9 Referans Kwoze

Jɛrimaya 9:9

PAPA GƆD se, ‘A nɔ fɔ pɔnish dɛm fɔ dɛn kayn tin dɛn ya? Ɛn a nɔ fɔ rivɛnj fɔ mi nem pan kayn neshɔn lɛkɛ dis?

Jɛrimaya 5:29

PAPA GƆD se, “A nɔ fɔ pɔnish dɛm fɔ dɛn tin dɛn de? Ɛn a nɔ fɔ rivɛnj fɔ mi nem pan neshɔn lɛkɛ dis kayn?

Neum 1:2

PAPA GƆD want wi fɔ lɛk In nɔmɔ bikɔs i jɛlɔs bad; we i vɛks I kin pɔnish in ɛnimi dɛn. We i vɛks fɔ tru, i de dil wit ɔl udat ambɔg am.

Ozie 8:13

Dɛn lɛk fɔ mek sakrifays. Dɛn kin mek sakrifays ɛn it am bak bɔt PAPA GƆD nɔ bisin bɔt dɛn sakrifays. I go mɛmba di bad we dɛn dɔn du ɛn pɔnish dɛn fɔ dat ɛn mek dɛn go bak pan di slev layf we dɛn bin yuz na Ijipt.

Ozie 2:13

A go mek i sɔfa fɔ dɛn tɛm we i de mek gladi-gladi fɔ Beal we kin mek i bɔn insɛns to am ɛn drɛs wit riŋ ɛn ɔda aŋins ɛn shekins, go mit in man dɛn ɛn fɔgɛt bɔt mi. Na so PAPA GƆD se.

Izikɛl 7:9

Ɛn mi saf yay nɔ go luk una sɛf, ɛn a nɔ go sɔri fɔ una atɔl, a go pɔnish una bay aw una de biev, we una de du dɛn bad bad tin dɛn we a et. Dɛn una gɔ no se na mi na di PAPA GƆD we de kil.

Lamɛnteshɔn 4:22

Zayɔn in gyal pikin, di pɔnishmɛnt we una fɔ gɛt fɔ di bad tin dɛn we una du, una dɔn gɛt am dɔn, i nɔ go mek una de ɛgzayl igen; bɔt yu Idɔn in gyal pikin, i go pɔnish una fɔ di bad tin dɛn we una de du i nɔ go ayd una sin dɛn.

Jɛrimaya 44:22

PAPA GƆD nɔ bin ebul bia di bad bad tin dɛm ɛn di tin dɛm we i et bad bad wan we una dɔn du; na dat mek una land dɔn tɔn gud fɔ natin, i dɔn gɛt swɛ ɛn nɔbɔdi nɔ tap de, lɛk aw i de lɛkɛ tide.

Jɛrimaya 23:2

Fɔseka dat, na dis PAPA GƆD we na Izrɛl dɛn Gɔd se bɔt dɛn shɛpad dɛm we de kia fɔ mi pipul dɛm: “Una dɔn skata mi ship dɛm, ɛn una dɔn drɛb dɛm go, ɛn una nɔ atɛnd to dɛm. A de tɛl una, a go atɛnd to una fɔ di ivul tin dɛn we una du, na so PAPA GƆD se.

Ayzaya 1:24

Fɔseka dat PAPA GƆD se, PAPA GƆD Ɔlmayti, di wan we de ay pas ɔlman na Izrɛl: “E! A go lus mi tɛmpa pan mi ɛnimi dɛn ɛn a go pe mi ɛnimi dɛn bak.

Ditarɔnɔmi 32:43

Mozis siŋ se, “Una prez in pipul dɛn, una di neshɔn dɛm; bikɔs i de rivɛnj fɔ in wokman dɛm we dɛn kil ɛn de rivɛnj pan in ɛnimi dɛm, ɛn fɔgiv in pipul dɛn fɔ ɔl dɛn sin.

Ditarɔnɔmi 32:35

Na mi gɛt rivɛnj ɛn na mi de pe pipul fɔ dɛn gud wok, fɔ di tɛm we dɛn go sket fɔdɔm; bikɔs di tɛm fɔ dɛn waala dɔn de rich, ɛn dɛn alaki wande kam lɛk briz.

Lɛvitikɔs 26:25

I go mek dɛn ɛnimi dɛn atak dɛn bikɔs dɛn dɔn brok in Kɔvinant; ɛn if dɛn ɔl go ayd na dɛn siti dɛn, i go ib sik pan dɛn we go prɛd ɛn kil bɔku pipul, ɛn dat go mek dɛn ɛnimi dɛn ebul dɛn.

Ayzaya 57:6

Na usay dɛn smut ston dɛn de na dɛn vali, una blant, na dɛm, yɛs na dɛm, na una lɔt; na to dɛn una dɔn mek drink ɔfrin to; una dɔn briŋ sid ɔfrin. Mi at go kol fɔ dɛn kayn tin dɛn ya?

Jɛrimaya 5:10

“Waka insay dɛn greps fam, ro bay ro ɛn pwɛl dɛm, bɔt nɔ pwɛl ɔltin; kɔt kɔt dɛn branch dɛm, bikɔs nɔto PAPA GƆD gɛt dɛm.

Jɛrimaya 32:31

I se. Dis siti dɔn mek a vɛks ɛn mek mi at wam frɔm di de we dɛn bin bil am, te to tide, so a go pul am kɔmɔt bifo mi

Lamɛnteshɔn 3:42

“Wi dɔn du bad ɛn dɔn kɔmɔt biɛn yu, ɛn yu nɔ fɔgiv wi.

Lɛvitikɔs 18:25

ɛn dat sɛf go mek di land insɛf nɔ klin na PAPA GƆD yay, we go mek PAPA GƆD pɔnish di land fɔseka di bad tin dɛn we dɛn du, ɛn i go mek di pipul dɛn kɔmɔt na di land lɛkɛ aw pɔsin de vɔmit it.

Prɔvabs 6:29

Wɛl, na so i go tan fɔ di man we kip in kɔmpin in wɛf; ɛnibɔdi we tɔch am nɔ de go fri.

Jɛrimaya 6:6

Bikɔs PAPA GƆD Ɔlmayti se, “Una kɔt kɔt in tik dɛm; bil ay dɔti rawnd Jerusɛlɛm fɔ blɔk dɛm. Na di siti dis we dɛn fɔ pɔnish; na so so sɔprɛshɔn de de.

Jɛrimaya 6:11

Fɔseka dat, PAPA GƆD in sem vɛksteshɔn ful insay mi; A dɔn taya fɔ bia kip am insay mi. “Empti am pan dɛn pikin na trit, ɛn igen, pan dɛn yɔŋbɔy dɛm ɔl usay dɛn gɛda; dɛn go kɛr mared man ɛn in wɛf go, di ol grani ɛn grampa dɛm, ɛn di wan dɛnsɛf we dɔn olpasmak.

Jɛrimaya 9:8

Dɛn tɔŋ na aro we de kil pɔsin; i de disiv pipul; dɛn de tɔk pisfuli to dɛn neba dɛn wit dɛn mɔt, bɔt insay in at, i de plan fɔ du am bad.