Jɛrimaya 5:8 - Krio Fɔs Oli Baybul

⁸ Dɛn na bin dɛn machɔ man os we dɛn de fid gud gud wan we want uman ɔltɛm, ɔlman de kray fɔ gɛt in neba wɛf.

Jɛrimaya 5:8 Referans Kwoze

Jɛrimaya 13:27

A dɔn si di kayn ambishɔn we una gɛt, una adɔltri dɛm ɛn di mek we una de mek lɛk ɔs, ɛn una lo lo rare layf, na dɛn il dɛm ɛn dɛn fam. Swɛ go mit yu, Yu Jerusɛlɛm! Aw lɔŋ yu go de bifo yu go klin na Gɔd yay?

Izikɛl 22:11

Dɛn de du bad bad tin we Papa Gɔd nɔ lɛk wit dɛn neba wɛf; ɔda wan dɛn de we dɔti na Papa Gɔd in yay; ɔda dɛn de we de dɔti dɛn sista, we na dɛn dadi in gyal pikin.

Jɛrimaya 29:23

bikɔs dɛn dɔn mek dɛnsɛf fulish na Izrɛl, dɛn dɔn kɔmit adɔltri wit dɛn neba dɛm wɛf dɛm, ɛn dɛn dɔn tek mi nem tɔk laylay wɔd dɛm, we nɔto mi kɔmand dɛm fɔ du am. Na mi na di wan we no, ɛn na mi na di witnɛs. Na so PAPA GƆD se.’”

Job 31:9

“If mi at dɔn go to ɛni ɔda uman, ɛn if a dɔn ayd de luk dɛn wɛf dɛn,

Ditarɔnɔmi 5:21

Nɔbɔdi nɔ fɔ want in kɔmpin in man ɔ in wɛf, ɔ milɛ dɛn os, ɔ dɛn fam, ɔ dɛn wokman ɛn wokuman dɛn, dɛn kaw, dɛn dɔŋki ɔ ɛnitin we na dɛn kɔmpin yon.

Ditarɔnɔmi 5:18

Nɔbɔdi nɔ fɔ lidɔm wit in kɔmpin in wɛf ɔ man.

Ɛksodɔs 20:17

Una nɔ fɔ milɛ una kɔmpin in os, una nɔ fɔ milɛ una kɔmpin in wɛf, una nɔ milɛ ɛni man ɔ uman we de wok fɔ una kɔmpin ɔ in kaw, in dɔŋki ɔ ɛnitin we blant am.”

Ɛksodɔs 20:14

Una nɔ fɔ kip una kɔmpin in wɛf ɔ in man.

Jɛnɛsis 39:9

I se in gɛt pawa na di os lɛkɛ insɛf, ɛn i nɔ ayd natin pan am pas in we nain wɛf. I se, wetin fɔ mek in du dis kayn wikɛd tin ɛn sin to PAPA GƆD.

Jɛrimaya 9:2

If nɔmɔ a bin gɛt lɔjin ples na di ɛmti ples we pɔsin nɔ go ebul tap, fɔ pipul dɛn we de pas de, so dat a go lɛf mi pipul dɛm ɛn kɔmɔt nia dɛm go ɔda say! Bikɔs dɛn ɔl na pipul dɛm we de fala dɛn kɔmpin man ɛn wɛf, dɛn de togɛda de du ɛnitin fɔ gɛt ɛnitin we dɛn want.

Jɛrimaya 50:11

“Ɛnti una de gladi naw ɛn de es unasɛf ɔp, una we bin tif ɔltin na mi kɔntri, ɛnti una want want lɛk we yɔŋ kaw kin want gras, ɛn una de mek lɛk dɛn yɔŋ ɔs,

Prɔvabs 6:29

Wɛl, na so i go tan fɔ di man we kip in kɔmpin in wɛf; ɛnibɔdi we tɔch am nɔ de go fri.

Jɛrimaya 23:10

Bikɔs di land ful wit pipul dɛn we de kip pipul man ɛn wɛf; di land de munin fɔseka di swɛ, ɛn di say dɛn we plɛnti gras de gro fɔ fid animal na di dray ɛn ɛmti ples, dɔn dray. Ɔl wetin dɛn de du, ivul, ɛn dɛn de misyuz dɛn pawa.