Jɛrimaya 5:7 - Krio Fɔs Oli Baybul

⁷ “Aw a go sɔri fɔ yu? Yu pikin dɛm dɔn fɔsek mi, ɛn dɛn dɔn tek dɛn wan dɛn we nɔto gɔd, dɛn nem swɛ. We a bin fid dɛm te dɛn bɛlful, dɛn bin kɔmit adɔltri ɛn gɛda go na dɛn rare gyal dɛn os.

Jɛrimaya 5:7 Referans Kwoze

Lɛta Fɔ Galeshya 4:8

Fɔs tɛm, una nɔ bin no Gɔd, so una na bin slev to dɛn spirit we nɔ gɛt pawa lɛkɛ Gɔd.

Jɛrimaya 2:11

Neshɔn de we dɔn chenj in gɔd dɛm, ɔl we dɛn nɔto tru tru gɔd dɛm? Bɔt mi pipul dɛn dɔn chenj dɛn glori, fɔ tin we nɔ de bɛnifit nɔbɔdi.

Jɔshwa 23:7

so dat dɛn nɔ go miks dɛnsɛf wit da neshɔn we lɛf wit dɛn. Dɛn nɔ fɔ wɔship dɛn gɔd dɛn ɔ tek dɛn nem fɔ swɛ ɔ ivin kɔl dɛn nem na dɛn mɔt,

Ditarɔnɔmi 32:21

Dɛn mek PAPA GƆD vɛks bikɔs dɛn de wɔship lay lay gɔd, dɛn mek i jɛlɔs bikɔs dɛn gɔd dɛn nɔto gɔd dɛn. So i go drɔ ɔda pipul dɛn we nɔ bɛtɛ kam nia am so dat Izrɛl go vɛks, dɛn go jɛlɔs.

Zɛfinaya 1:5

Ɛn dɛn ɔl we de klem go pantap dɛn os dɛn ruf fɔ wɔship dɛn tin dɛn we de ɔp klawd ɛn dɛn wan dɛn ɔl we de prɔmis am se dɛn go du wetin i want bɔt dɔn dɛn de swɛ bak to da fɔls gɔd we nem Molɛk.

1 Kɔrint 8:4

So, lɛkɛ aw a bin se, lɛ a kam tɔk bɔt dɛn it we dɛn kin sakrifays to dɛn tin we mɔtalman mek fɔ pre to: una no se dɛn tin we mɔtalman mek fɔ pre to nɔto Gɔd; wi no se na wangren Gɔd nɔmɔ de.

Jɛrimaya 23:10

Bikɔs di land ful wit pipul dɛn we de kip pipul man ɛn wɛf; di land de munin fɔseka di swɛ, ɛn di say dɛn we plɛnti gras de gro fɔ fid animal na di dray ɛn ɛmti ples, dɔn dray. Ɔl wetin dɛn de du, ivul, ɛn dɛn de misyuz dɛn pawa.

Ditarɔnɔmi 32:15

Izrɛl, bin jɛs de jɛntri bɔt dɛn bin traŋayes; Izrɛl bin gɛt plɛnti fɔ it so i bin jɔs de rɔju. Dɔn i dɔn dray bak, dɔn i kɔmɔt biɛn PAPA GƆD we mek am, ɛn nɔ mɛmba di wan we sev am.

Jems 4:4

Una tan lɛkɛ uman we nɔ tret wit in man! Una nɔ no se wɛn una lɛk dɛn tin we de na wɔl, dat go mek una nɔ lɛk Gɔd? Ɛnibɔdi we want dɛn tin na wɔl dɔn bi pɔsin we nɔ lɛk Gɔd.

Jɛrimaya 12:16

Dɔn, if dɛn go tek tɛm lan fɔ liv di we we mi pipul dɛn liv, fɔ tek mi nem swɛ se, ‘Wans PAPA GƆD de,’ lɛk aw dɛn bin lan mi pipul dɛm fɔ swɛ wit Beal in nem, na da tɛm de dɛn go ebul mek ɔp dɛnsɛf we dɛn de wit mi pipul dɛm.

1 Kɔrint 6:9

A shɔ se una no se nɔ bad pɔsin nɔ go go na di say we Gɔd de rul. Una nɔ mek unasɛf ful; dɛn pipul we liv bad layf, dɛn wan we de pre to dɛn tin we mɔtalman mek fɔ pre to, dɛn wan we de lɛf dɛn wɛf ɔ man go kip ɔda man ɔ uman, dɛn man we de kip dɛn kɔmpin man ɛn dɛn uman we de kip dɛn kɔmpin uman,

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Emɔs 8:14

Dɛn wan we de swɛ to dɛn lay lay gɔd we de na Sameria we de se dɛn swɛ to di gɔd na Dan ɔ dɛn swɛ to di gɔd na Biashiba, dɛn ɔl go fɔdɔm ɛn nɔ grap igen”

Ozie 13:6

bɔt wɛn dɛn rich usay dɛn kin it ɛn drink ɛn bɛlful aw dɛn want, dɔn dɛn at layt, dɛn fɔgɛt bɔt PAPA GƆD.

Ozie 11:8

I tɔk se in nɔ go ebul fɔ givɔp pan Izrɛl ɛn in nɔ go lɛf Izrɛl to dɛnsɛf I se i nɔ go trit dɛn lɛk di pipul na Adma ɔ mek dɛn tan lɛk di wan dɛn na Zɛboim. In at nɔ go mek i du dat bikɔs i lɛk dɛn tumɔs.

Ozie 7:4

Dɛn jɛs de fɔ de wɔship ɔda gɔd dɛn. Dɛn tan lɛk ovin we kin dɔn wam bɔt di beka nɔ skata di faya gud, frɔm di tɛm we i de miks di flawa te di bred de rayz.

Ozie 4:2

dɛn de swɛ, dɛn de lay, dɛn de kil, dɛn de tif ɛn dɛn de kip dɛnsɛf gbay.

Izikɛl 22:11

Dɛn de du bad bad tin we Papa Gɔd nɔ lɛk wit dɛn neba wɛf; ɔda wan dɛn de we dɔti na Papa Gɔd in yay; ɔda dɛn de we de dɔti dɛn sista, we na dɛn dadi in gyal pikin.

Jɛrimaya 13:27

A dɔn si di kayn ambishɔn we una gɛt, una adɔltri dɛm ɛn di mek we una de mek lɛk ɔs, ɛn una lo lo rare layf, na dɛn il dɛm ɛn dɛn fam. Swɛ go mit yu, Yu Jerusɛlɛm! Aw lɔŋ yu go de bifo yu go klin na Gɔd yay?

Jɛrimaya 9:2

If nɔmɔ a bin gɛt lɔjin ples na di ɛmti ples we pɔsin nɔ go ebul tap, fɔ pipul dɛn we de pas de, so dat a go lɛf mi pipul dɛm ɛn kɔmɔt nia dɛm go ɔda say! Bikɔs dɛn ɔl na pipul dɛm we de fala dɛn kɔmpin man ɛn wɛf, dɛn de togɛda de du ɛnitin fɔ gɛt ɛnitin we dɛn want.

Jɛrimaya 3:19

A bin de tink bɔt aw a go put una wit mi bɔypikin dɛm, ɛn gi una fayn fayn land, prɔpati we fayn pas ɔl dɛn neshɔn dɛn yon. Ɛn a bin tink se una go kɔl mi, Mi Papa, ɛn nɔ go tɔn una bak pan mi.

Jɛrimaya 2:31

So una, dis jɛnareshɔn, du wetin PAPA GƆD se, A dɔn tan lɛk dray ɛn ɛmti ples to Izrɛl, ɔ land we dak bad bad wan? Wɛl wetindu mi pipul dɛn de se, ‘wi dɔn fri, wi nɔ go kam to yu igen?

Di Sam Dɛm 50:18

Una de jɔyn gɛŋ wit tifman ɛn mek nɔ si udat kip switat.

Lɛvitikɔs 20:10

If man lɛf in wɛf go kip in kɔmpin in wɛf, dɛn fɔ kil di man ɛn di uman bikɔs na dɛn kɔmit sin.

Di Ibru Pipul Dɛn 13:4

Mek ɔlman rɛspɛkt mared layf, di man we mared nɔ fɔ gɛt ɔda uman ɛn di wɛf nɔ fɔ gɛt ɔda man. Una mɛmba se Gɔd go jɔj dɛn wan we liv fri layf, ɛn i go jɔj ɛni mared uman we kip ɔda man ɛn ɛni mared man we kip ɔda uman.

2 Kronikuls 13:9

Una nɔ dɔn drɛb PAPA GƆD in man dɛn we de mek sakrifays fɔ pipul sin we na Erɔn in pikin dɛn ɛn di Livayt dɛn, ɛn mek man dɛn we de mek sakrifays fɔ pɔpul sin fɔ una sɛf lɛk di pipul dɛm na ɔda kɔntri dɛn? Ɛnibɔdi we kam kɔnsikret insɛf wit wan yɔŋ man kaw or sɛvin man ship, yu de mek am man we de mek sakrifays fɔ pipul sin fɔ tin dɛn we nɔto gɔd.

Jɛrimaya 7:9

Una go tif, kil pɔsin, kɔmit adɔltri, swɛ fɔ natin, bɔn insɛns to Beal, ɛn wɔship ɔda gɔd dɛm we una nɔ bin no,

Jɛrimaya 16:11

PAPA GƆD se, dɔn yu go tɛl dɛm se, ‘Na bikɔs una fɔstɛmpapa dɛm dɔn fɔsek mi, ɛn dɔn go de biɛn ɔda gɔd dɛm, ɛn de sav dɛm ɛn wɔship dɛm, ɛn fɔsek mi ɛn nɔ de kip mi lɔ,

Jɛrimaya 16:20

Mɔtalman go ebul mek gɔd fɔ insɛf? Dɛn wan dɛn de nɔto gɔd dɛm!”

Lamɛnteshɔn 3:42

“Wi dɔn du bad ɛn dɔn kɔmɔt biɛn yu, ɛn yu nɔ fɔgiv wi.

Job 31:12

bikɔs na faya dawande we go bɔn pɔsin te go nain grev, ɛn i go bɔn ɔl wetin i gɛt.

Jɛrimaya 3:8

I bin si se, fɔ ɔl di adɔltri we dawande, we na Izrɛl we nɔ gɛt feth, bin kɔmit, a bin dɔn dayvɔs am; pan ɔl dat, da in fɔls sista nɔ bin fred, insɛf go mek insɛf rare gyal.

Jɛrimaya 9:1

If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!