Jɛrimaya 5:6 - Krio Fɔs Oli Baybul

⁶ Fɔseka dat, na layɔn we go kɔmɔt na fɔrɛst go kil dɛm, na wulf we kɔmɔt na di ɛmti ples we pɔsin nɔ go ebul tap, go nyakanyaka dɛm. Wan lɛpɛt de waka nia dɛn siti dɛm fɔ du bad, i go chɛr chɛr ɛnibɔdi we kɔmɔt insay di siti go na do, pis pis; bikɔs dɛn sin dɔn bɔku, ɛn di dinay we dɛn de dinay PAPA GƆD dɔn tumɔs.

Jɛrimaya 5:6 Referans Kwoze

Zɛfinaya 3:3

Dɛn bigman dɛn ɛn dɛn jɔj dɛn ɔl de biev lɛk aŋri layɔn ɔ wulf, dɛn de mekes it ɛnitin we dɛn gɛt ɛn nɔ de wɔri fɔ kip fɔ di nɛks de.

Abakɔk 1:8

Dɛn ɔs dɛn de rɔn pas lɛpɛt ɛn dɛn de biev lɛk aŋri wulf; dɛn man dɛn de rayd dɛn ɔs kɔmɔt fawe wit spid lɛk igul fɔ kam pwɛl wetin dɛn ebul.

Jɛrimaya 4:7

Wan layɔn dɔn kɔmɔt na di tay tay bush we i bin fasin, pɔsin we de nyakanyaka neshɔn dɛn de na rod; i dɔn kɔmɔt nain ples fɔ go mek yu land ples we natin nɔ de bi; una siti dɛn go tɔn pwɛl pwɛl ples usay pipul dɛn nɔ tap.

Izikɛl 22:27

Dɛn bigman dɛn we de de, tan lɛk wulf we de chɛr di tin we i kech fɔ it, dɛn de kil pipul ɛn nyakanyaka pipul dɛn layf fɔseka jɛntri we nɔ klin na Gɔd yay;

Rɛvɛleshɔn 13:2

Di wayl bif we a si bin fiba lɛpɛt, in fut bin fiba wan bif we dɛn kɔl bia, in fut, ɛn in mɔt bin fiba layɔn mɔt. Di dragɔn gi dis wayl bif ya ɔl di pawa we i bin gɛt oba ɔl dɛn tin we i bin de rul.

Ozie 5:14

A go tan lɛk layɔn we nyamanyama it we i kech na Ifrem bɔt biev lɛk yɔŋ layɔn to Juda ɛn nɔ pwɛl am bɛtɛ. A nɔ go pwɛl dɛn nɔmɔ, a go tek dɛn go usay a wan go; dɛn go de wit mi ɛn nɔbɔdi nɔ go ebul pul dɛn na mi an.

Daniɛl 7:6

Afta dawande, a luk bak, ɛn a si ɔda wan we in tan lɛk lɛpɛt, ɛn i gɛt fo fɛda lɛk bɔd yon nain bak; ɛn i gɛt fo ed; ɛn dɛn gi am pawa fɔ kɔntrol ɔltin.

Daniɛl 7:4

Di fɔs wan bin tan lɛk layɔn ɛn gɛt fɛda dɛn lɛk igul. Ɛn as a bin de luk, dɛn pul ɔl in fɛda dɛn kɔmɔt pan am ɛn mek i tinap wit tu fut lɛkɛ mɔtalman; ɛn dɛn bin gi am mɔtalman maynd, so i go ebul tink lɛk mɔtalman.

Izikɛl 23:19

Na da tɛm de i bigin rare mɔ, de mɛmba di tɛm we i bin yɔŋ, we i bin de rare na Ijipt

Izikɛl 16:25

una bil big ɛn ay ples ɔp ɔl dɛn trit ɛn sɛl una fayn, de sɛl unasɛf to ɛnibɔdi we de pas, ɛn rare mɔ ɛn mɔ.

Lamɛnteshɔn 1:5

In ɛnimi dɛn dɔn bi in masta, in ɛnimi dɛn de go bifo, bikɔs PAPA GƆD dɔn mek i de sɔfa fɔ di bɔku sin dɛn we i dɔn kɔmit; dɛn dɔn kapchɔ ɛn kɛr in pikin dɛn go, as prizina dɛn na wa to dɛn ɛnimi.

Jɛrimaya 49:19

A de tɛl una, lɛkɛ we bɔku ship dɛn kin rɔn we layɔn de kɔmɔt na bush nia Riva Jɔdan, fɔ kam atak dɛm, na so a go mek dɛn rɔnawe pan am; ɛn a go apɔynt ɛnibɔdi we a pik fɔ rul am. Bikɔs, udat gɛt pawa lɛkɛ mi? Udat go sɛn kɔl mi? Us shɛpad go tinap bifo mi?

Jɛrimaya 30:24

PAPA GƆD in bad bad vɛksteshɔn nɔ go tɔn bak sote i dɔn du ɛn kɔmplit wetin i plan fɔ du. Leta, una go ɔndastand dis.

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.

Jɛrimaya 25:38

I dɔn rɔnawe kɔmɔt nain kev lɛkɛ layɔn bikɔs dɛn land dɔn tɔn gud fɔ natin bikɔs ɔf di ɔprɛsɔ in sɔd, ɛn fɔseka in bad bad veksteshɔn.”

Jɛrimaya 14:7

“Ɔldo wi sin dɛm de sho se wi dɔti na Gɔd yay, bɔt duya PAPA GƆD, du sɔntin fɔseka yu nem; bikɔs wi bakslayd bɔku bɔku tɛm, wi dɔn kɔmit sin to yu.

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Jɛrimaya 2:17

Nɔto unasɛf dɔn mek dis apin to una, we una fɔsek PAPA GƆD, we na una Gɔd, we i de bifo una na rod?

Jɛrimaya 2:15

Dɛn layɔn dɛm dɔn ala pan am, dɛn dɔn ala lawd lawd wan. Dɛn dɔn mek in land yuslɛs; in siti dɛm dɔn broko broko, ɛn nɔbɔdi nɔ tap de.

Ayzaya 59:12

Bikɔs wi sin dɛn bɔku bifo yu, ɛn wi sin dɛn dɔn tɔk agens wi; bikɔs wi sin dɛn de wit wi, ɛn wi no wi sin dɛn:

Di Sam Dɛm 104:20

Wɛn di ples dak we mek nɛt kam, na da tɛm de dɛn animal we tap na bush dɛn de kɔmɔt na do.

Ɛzra 10:10

Ɛzra grap ɛn tɔk to di pipul dɛn. I tɛl dɛn se dɛn dɔn du bad we dɛn mared fɔrina we mek Izrɛl dɔn sin pasmak,

Ɛzra 9:6

A pre se, “E mi GƆD, a de shem pan yu. A nɔ fit fɔ luk ɔp usay yu de bikɔs wi sin bɔku. I ay pas wi ed te rich ɔp usay yu de.

Di Nɔmba Dɛm 32:14

Naw dɛnsɛf de tinap bifo am, lɛkɛ aw dɛn fɔstɛm pipul dɛn bin du fɔ mek PAPA GƆD vɛks pasmak pan di Izrɛlayt dɛn. I tɛl dɛn se dɛn de biev lɛk dɛn fɔstɛm-papa dɛn. Ɛn

Di Sam Dɛm 80:13

Lɛkɛ bush ɔg na so dɛn de pwɛl ɔltin, dɔn ɔda wayl animal dɛn de it wetin de fɔ it.

Jɛrimaya 8:5

Wetindu dɛn pipul ya dɔn tɔn dɛn bak pan mi ɛn nɔ gri tɔn bak? Dɛn biliv pan lay lay tin dɛn gud gud wan, ɛn nɔ gri tɔn bak kam to mi.

Jɛrimaya 30:15

Wetin du una de kray bɔt una pen? Una pen nɔ de mɛn. Na bikɔs una gilti bad bad wan, ɛn bikɔs yu sin pasmak, mek A du dɛn tin ya to una.

2 Kronikuls 36:14

Ɔl di man dɛn we de bifo pan di man dɛm we de mek sakrifays fɔ pipul sin ɛn di pipul dɛn semweso, nɔ bin de waka tret na Papa Gɔd atɔl atɔl at ɔl at ɔl, bay aw dɛn bin de falamakata ɔda neshɔn dɛn we dɛn bin de du dɛn tin dɛn we PAPA GƆD nɔ lɛk; ɛn dɛn bin dɔti PAPA GƆD in os nain yay, we in bin dɔn mek oli na Jerusɛlɛm.

Job 10:16

If a du ɛnitin we fɔ mek a gladi, yu de fɛn mi lɛk layɔn fɔ dɔnawe wit mi, ɛn ivin de pafɔm mirekul we kin mek a sɔfa;

Ayzaya 1:23

Una bigman dɛn ɔl na rebɛl ɛn de waka wit tifman dɛm. Ɔlman lɛk fɔ tek brayb dɛn de rɔnata prɛzɛnt. Dɛn nɔ fɛt fɔ di wan dɛn we dɛn papa dɔn day, ɛn nɔ bisin bɔt dɛn uman dɛn we dɛn man dɔn day, dɛn kes.

Jɛrimaya 2:31

So una, dis jɛnareshɔn, du wetin PAPA GƆD se, A dɔn tan lɛk dray ɛn ɛmti ples to Izrɛl, ɔ land we dak bad bad wan? Wɛl wetindu mi pipul dɛn de se, ‘wi dɔn fri, wi nɔ go kam to yu igen?

Jɛrimaya 8:7

Ivin kaw enjɛl we de flay ɔp di klawd no tɛm fɔ tɔmbak; dɛn dɔv, di bɔd we dɛn kɔl swalo, ɛn di big bɔd we dɛn kɔl kren, sɛf no tɛm fɔ tɔn bak go om; bɔt mi pipul dɛn nɔ no PAPA GƆD in lɔ.