Jɛrimaya 5:5 - Krio Fɔs Oli Baybul

⁵ A go go to dɛn wan we big, ɛn a go tɔk to dɛm; bikɔs dɛn no PAPA GƆD in we di lɔ we dɛn Gɔd Ɔlmayti gɛt.” Bɔt dɛn nɔ de obe PAPA GƆD in lɔ igen, dɛn dɔn kɔt rop.

Jɛrimaya 5:5 Referans Kwoze

Jɛrimaya 2:20

“Bikɔs una dɔn lɛf fɔ wok fɔ mi lɔlɔntɛm ɛn nɔ de du wetin a se una fɔ de du igen, ɛn una se, “A nɔ go sav yu igen” Yɛs, na pantap ɔl dɛn ay il ɛn ɔnda ɔl dɛn grin tik una de butu to dɛn lay lay gɔd dɛn lɛk rare gyal.

Lyuk 19:14

Bɔt di pipul dɛn na di kɔntri nɔ bin lɛk di man, so dɛn sɛn mɛsenja go na di ɔda kɔntri we di man go fɔ go tɛl di wan we de rul de se dɛn nɔ want di man fɔ rul dɛn.

Lyuk 18:24

Jizɔs si se di man in at pwɛl, so i se, “I traŋa fɔ mek jɛntri pipul kam ɔnda Gɔd in rul.

Malakay 2:7

PAPA GƆD Ɔlmayti se, man we de mek sakrifays fɔ pipul sin fɔ de tɔk tin we go gi pipul sɛns, ɛn pipul fɔ de go to am fɔ advays.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Emɔs 4:1

Una lisin o, una dɛn na dɛn mawnten dɛn na Sameria we fat lɛk dɛn kaw na Beshan, we de fɔ mek dɛn de siz advantej pan poman, bikɔs una de mɔna una man dɛn se dɛn fɔ de kɛr wayn go fɔ una fɔ de drink!

Jɛrimaya 6:13

Bikɔs, frɔm di smɔl wan to di wan we big pas dɛn ɔl, dɛn ɔl want fɔ mek tif tif prɔfit; ɛn, frɔm prɔfɛt to man we de mek sakrifays fɔ pipul sin, dɛn ɔl de ple yuki yuki gem.

Ɛksodɔs 32:25

Mozis si se di pipul dɛn dɔn lɔstrak ɛn dɔn shem to dɛn ɛnimi, ɛn na Erɔn kɔz dat,

Jɛrimaya 9:3

PAPA GƆD se, ‘Dɛn bɛn dɛn tɔŋ dɛm lɛkɛ bo; na rikishi instɛd ɔf tru, dɔn tinap traŋa wan na di land; bikɔs dɛn de kɔmɔt frɔm wan ivul tin to ɔda wan, ɛn dɛn nɔ no mi.

Izikɛl 11:2

Ɛn PAPA GƆD tɛl mi se, “mɔtalman, na di man dɛm dɛnwanya we de plan bad bad tin dɛn ɛn gi wikɛd advays na dis siti;

2 Kronikuls 36:14

Ɔl di man dɛn we de bifo pan di man dɛm we de mek sakrifays fɔ pipul sin ɛn di pipul dɛn semweso, nɔ bin de waka tret na Papa Gɔd atɔl atɔl at ɔl at ɔl, bay aw dɛn bin de falamakata ɔda neshɔn dɛn we dɛn bin de du dɛn tin dɛn we PAPA GƆD nɔ lɛk; ɛn dɛn bin dɔti PAPA GƆD in os nain yay, we in bin dɔn mek oli na Jerusɛlɛm.

Ayzaya 1:23

Una bigman dɛn ɔl na rebɛl ɛn de waka wit tifman dɛm. Ɔlman lɛk fɔ tek brayb dɛn de rɔnata prɛzɛnt. Dɛn nɔ fɛt fɔ di wan dɛn we dɛn papa dɔn day, ɛn nɔ bisin bɔt dɛn uman dɛn we dɛn man dɔn day, dɛn kes.

Jɛrimaya 2:31

So una, dis jɛnareshɔn, du wetin PAPA GƆD se, A dɔn tan lɛk dray ɛn ɛmti ples to Izrɛl, ɔ land we dak bad bad wan? Wɛl wetindu mi pipul dɛn de se, ‘wi dɔn fri, wi nɔ go kam to yu igen?

Jɛrimaya 8:7

Ivin kaw enjɛl we de flay ɔp di klawd no tɛm fɔ tɔmbak; dɛn dɔv, di bɔd we dɛn kɔl swalo, ɛn di big bɔd we dɛn kɔl kren, sɛf no tɛm fɔ tɔn bak go om; bɔt mi pipul dɛn nɔ no PAPA GƆD in lɔ.

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.

Emɔs 6:1

Waala go mit una dɛn bigman dɛn we liv izi layf na Zayɔn, una dɛn agbagba dɛn we fil se ɔltin ɔrayt wit una na Sameria, una dɛn bigman dɛn na da wɔndaful kɔntri we nem Izrɛl, we na una di pipul kin de go to fɔ ɛp dɛn!