Jɛrimaya 5:4 - Krio Fɔs Oli Baybul

⁴ Nain a se, “Dɛn wan ya na po po pipul dɛm, dɛn nɔ gɛt sɛns; bikɔs dɛn nɔ no PAPA GƆD in we, dɛn Gɔd in lɔ.

Jɛrimaya 5:4 Referans Kwoze

Ozie 4:6

Na bikɔs di pipul nɔ no in we na dat mek PAPA GƆD mek dɛn de sɔfa so. I se dɛn dɔn tɔn dɛn bak pan am so insɛf dɔn lɛf di man dɛn we de mek sakrifays fɔ pipul sin to dɛnsɛf. Ɛn bikɔs dɛn nɔ bisin bɔt PAPA GƆD in lɔ dɛn, insɛf nɔ bisin bɔt dɛn.

Jɛrimaya 8:7

Ivin kaw enjɛl we de flay ɔp di klawd no tɛm fɔ tɔmbak; dɛn dɔv, di bɔd we dɛn kɔl swalo, ɛn di big bɔd we dɛn kɔl kren, sɛf no tɛm fɔ tɔn bak go om; bɔt mi pipul dɛn nɔ no PAPA GƆD in lɔ.

Matyu 11:5

dɛn pipul we bin blɛn, de si; dɛn wan we nɔ bin ebul waka, de waka; dɛn wan we bin gɛt bad sik na dɛn skin, dɔn wɛl; dɛn wan we bin dɛf, dɔn yɛri; dɛn dayman dɔn gɛt layf bak; ɛn dɛn po pipul dɔn yɛri di Gud Nyuz.

Ayzaya 27:11

Wɛn di branch dɛn dɔn dray, dɛn de brok dɛm; uman dɛn de kam tek dɛn mek faya. Bikɔs dɛn pipul ya nɔ de ɔndastand; na dat mek in we mek dɛm, nɔ go sɔri fɔ dɛm, In we mol dɛm, nɔ go sho dɛn ɛni fevɔ.

Jɛrimaya 7:8

“Una lisin, una abop pan wetin dɛn de tɔk fɔ ful una, we na wɔd dɛm we nɔ go bɛnifit una.

Jɛrimaya 4:22

“Bikɔs mi pipul dɛn fulish, dɛn nɔ no mi; dɛn na styupid pikin dɛm, dɛn nɔ de ɔndastand natin. Dɛn gɛt skil fɔ du ivul tin dɛm, bɔt dɛn nɔ no aw fɔ du gud.”

Jɛrimaya 9:3

PAPA GƆD se, ‘Dɛn bɛn dɛn tɔŋ dɛm lɛkɛ bo; na rikishi instɛd ɔf tru, dɔn tinap traŋa wan na di land; bikɔs dɛn de kɔmɔt frɔm wan ivul tin to ɔda wan, ɛn dɛn nɔ no mi.

Jɛrimaya 10:8

Dɛn styupid ɛn fulish; wetin dɛn lay lay gɔd dɛn we na ɛmti bod go ebul tich dɛm ɔ tɛl dɛm!

Ayzaya 29:12

Bɔt wɛn dɛn gi di pɔsin we nɔ sabi rid se, “Rid dis” in se “A nɔ sabi rid.”