Jɛrimaya 5:31 - Krio Fɔs Oli Baybul

³¹ di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Jɛrimaya 5:31 Referans Kwoze

Izikɛl 13:6

Dɛn dɔn tɔk wɔd dɛn we nɔto tru ɛn lay se tin go bi we nɔto tru; dɛn kin se ‘PAPA GƆD se;’ wɛn PAPA GƆD nɔ sɛn dɛn, stil dɛn de luk to PAPA GƆD fɔ du wetin dɛn se.

Jɛrimaya 14:14

Nain PAPA GƆD tɛl mi se; “Di prɔfɛt dɛm de yuz mi nem fɔ gi lay lay prɔfisi; A nɔ sɛn dɛm ɛn a nɔ tɛl dɛm fɔ tɔk to dɛm. Na lay lay prɔfisi dɛn de gi una; na lay lay vishɔn dɛn de pul na dɛn ed de lay gi una.

Mayka 2:11

Mayka se na pɔsin we de lay gi dɛn, nain dɛn want. I se if di pɔsin kam prich se dɛn go gɛt bɔku wayn ɛn rɔm fɔ drink, na da tɛm de dɛn go gladi fɔ lisin we i de tɔk.

Izikɛl 22:14

Una go ebul bia fɔ lɔŋ? Ɔ una go stil gɛt trɛnk we a go dɔn dil wit una? Na Mi PAPA GƆD dɔn tɔk am, ɛn a go du am.

Ayzaya 10:3

Wetin una go du di de we a go pɔnish una, we dombolo go kɔmɔt fawe kam? Udat una go rɔn go to fɔ ɛp una ɛn usay una go lɛf una jɛntri?

Ditarɔnɔmi 32:29

If na pipul dɛn we bin de tink dɛn bin fɔ dɔn no wetin go bi to dɛn if dɛn du wetin dɛn du so.

Mayka 2:6

We dɛn dɔn yɛri wetin Mayka se PAPA GƆD se, dɛn tɔk pan Mayka ɛn tɛl am se i nɔ fɔ prich so bikɔs PAPA GƆD nɔ tan so.

Lamɛnteshɔn 2:14

Yu prɔfɛt dɛn dɔn si laylay vishɔn dɛn fɔ yu; dɛn nɔ bin tɔk bɔt di bad we yu bin de du so dat yu go gɛda yusɛf bɔt dɛn dɔn si dɛbul dɛn fɔ yu we na laylay ɛn kin mek yu du di rɔŋ tin.

Lamɛnteshɔn 1:9

Di dɔti we i dɔti na PAPA GƆD in yay bin de insay in skat; i nɔ bin tink se in go fɔdɔm wande; so i fɔdɔm bad bad wan, ɛn nɔbɔdi nɔ luk am. “E PAPA GƆD, luk we a de sɔfa, dɔn di ɛnimi in de gladi se in dɔn win!”

Ayzaya 33:14

Di sina dɛn na Zayɔn de fred; dɛn wan we no Gɔd, dɔn bigin trimbul; “Udat pan wi ebul tap wit faya we de kil pipul? Udat pan wi ebul tap wi faya we de bɔn sote go?”

Ayzaya 20:6

Da de de, di pipul dɛn we tap na di land dɛn nia wata, go se, “Na dis kayn tin dɔn bi to di wan dɛn we wi bin abop pan, ɛn di wan dɛn we wi bin de rɔn go to fɔ ɛp wi, ɛn fɔ pul wi kɔmɔt na di Asirian kiŋ in an! E wi, aw wi go ebul ɛskep?”

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Ayzaya 43:27

Una fɔstɛmpapa bin sin, ɛn di wan dɛn we de tɔk fɔ yu, dɔn sin agens mi;

Ayzaya 47:7

Yu bin se “A go a bi misis sote go,” ɛn dat bin mek yu nɔ put dɛn tin ya na yu at ɔ mɛmba aw dɛn bin dɔn.

Jɛrimaya 12:4

Aw lɔŋ di land go de sɔri, ɛn di gras na ɔl dɛn fil de wida? Fɔseka di wikɛdnɛs we di wan dɛm we tap de, de du, di animal dɛm ɛn di bɔd dɛm ɔl de day, bikɔs pipul dɛn de tɔk se; “I nɔ go si aw wi go ɛnd.”

Jɛrimaya 26:7

Dɛm man dɛn we de mek sakrifays fɔ pipul sin ɛn di prɔfɛt dɛn, ɛn ɔl di pipul dɛm yɛri we Jɛrimaya de tɔk dɛn wɔd ya insay PAPA GƆD in os.

Lamɛnteshɔn 4:13

Dis na fɔseka di sin we in prɔfɛt dɛn kɔmit ɛn di bad bad tin dɛn we di man dɛn we de mek sakrifays fɔ pipul sin, we kil pipul dɛn we de waka tret wit PAPA GƆD, insay Jerusɛlɛm.

Lamɛnteshɔn 4:18

Man dɛn bin de tek wi tale we mek wi fred fɔ waka na trit go ɛnisay; bɛtɛ tɛm nɔ bin de fɔ wi igen; na tu tri de bin lɛf; bikɔs wi tɛm bin dɔn dɔn.

Ozie 4:9

Da tɛm de di pipul ɛn dɛn man we de mek sakrifays fɔ dɛn sin go fiba dɛnsɛf bikɔs dɛn ɔl gridi. I se in go pɔnish dɛn fɔ wetin dɛn de du ɛn pe dɛn fɔ wetin dɛn wok fɔ.

Ozie 6:10

I se in dɔn si ɔlkayn bad tin de bi insay Izrɛl; Ifrem in jɛs de pan bambot layf so ɔltin dɔn rɔtin insay Izrɛl.

Ozie 9:5

I aks dɛn wetin dɛn go du tɛm we PAPA GƆD se dɛn fɔ mek gladi-gladi.

Ditarɔnɔmi 32:20

I se in nɔ go ɛp dɛn igen ɛn i go si if dɛn go de lɛkɛ aw dɛn bin de we in bin de du fɔ dɛn, bikɔs dɛn na traŋayes pipul dɛn we nɔ de waka tret.

1 Kiŋ 22:6

Di kiŋ fɔ Izrɛl sɛn kɔl ɔl di fo ɔndrɛd prɔfɛt dɛn ɛn aks dɛn if i fɔ go fɛt Ramɔt Giliad ɔ lɛ i nɔ go. Di prɔfɛt dɛn ɔl ansa am se lɛ i go, PAPA GƆD go mek i win.

Prɔvabs 17:4

Bad pɔsin lɛk fɔ lisin to koŋosa tɔk, layman lɛk fɔ lisin to udat de pwɛl in kɔmpin.

Izikɛl 13:10

Bikɔs, yɛs, bikɔs dɛn dɔn lay gi mi pipul dɛn, de tɛl dɛn se ‘pis de,’ wɛn nɔn pis nɔ de; ɛn bikɔs wɛn di pipul dɛn bil wan wɔl, di prɔfɛt dɛn dab dab am wit waytwɔsh;

Zɛfinaya 3:4

In prɔfɛt dɛn fulish, na man dɛn we nɔ de waka tret wit PAPA GƆD; di man dɛn we de mek sakrifays fɔ pipul sin de dɔti wetin klin na PAPA GƆD yay, ɛn nɔ de rɛspɛkt di lɔ.