Jɛrimaya 5:28 - Krio Fɔs Oli Baybul

²⁸ dɛn dɔn fat ɛn de shayn. Dɛn nɔ de fred fɔ du ɛnikayn wikɛd tin to nɔbɔdi; dɛn de gi bɛn bɛn jɔjmɛnt to dɛn wan dɛn we dɛn papa dɔn day, fɔ du mɔ wikɛdnɛs, ɛn dɛn nɔ de fɛt fɔ dɛn wan dɛm we nɔ gɛt.

Jɛrimaya 5:28 Referans Kwoze

Zɛkaraya 7:10

Dɛn nɔ fɔ buli dɛn uman we dɛn man dɔn day, dɛn pikin we nɔ gɛt papa, dɛn fɔrina ɛn di poman dɛn; nɔbɔdi nɔ fɔ mɛmba bad fɔ in kɔmpin.

Ayzaya 1:23

Una bigman dɛn ɔl na rebɛl ɛn de waka wit tifman dɛm. Ɔlman lɛk fɔ tek brayb dɛn de rɔnata prɛzɛnt. Dɛn nɔ fɛt fɔ di wan dɛn we dɛn papa dɔn day, ɛn nɔ bisin bɔt dɛn uman dɛn we dɛn man dɔn day, dɛn kes.

Ditarɔnɔmi 32:15

Izrɛl, bin jɛs de jɛntri bɔt dɛn bin traŋayes; Izrɛl bin gɛt plɛnti fɔ it so i bin jɔs de rɔju. Dɔn i dɔn dray bak, dɔn i kɔmɔt biɛn PAPA GƆD we mek am, ɛn nɔ mɛmba di wan we sev am.

Di Sam Dɛm 73:12

Na so bad man tan fɛnɔt sɛf; i nɔ bisin bɔt natin, wans in ebul fɔ mek am.

Jɛrimaya 7:6

if una nɔ sɔprɛs dɛn trenja, dɛn pikin dɛn we dɛn mami ɛn dadi dɔn day, ɔ uman we in man dɔn day, ɔ kil inosɛnt pɔsin na ya, ɛn if una nɔ de biɛn ɔda gɔd dɛm we dat go ambɔg una,

1 Kɔrint 5:1

Pipul dɔn bigin de tɔk sɛf se di layf we dɛn man ɛn dɛn uman na una chɔch liv, so bad dat dɛn wan we nɔ no Gɔd sɛf nɔ liv da layf de; a yɛri se wan man ɛn in stɛpmama de.

Emɔs 4:1

Una lisin o, una dɛn na dɛn mawnten dɛn na Sameria we fat lɛk dɛn kaw na Beshan, we de fɔ mek dɛn de siz advantej pan poman, bikɔs una de mɔna una man dɛn se dɛn fɔ de kɛr wayn go fɔ una fɔ de drink!

Jɛrimaya 12:1

PAPA GƆD, ɛni tɛm we a kɔmplen to yu, na yu kin gɛt rayt, Pan ɔl dat, a stil de kɛr mi kes go to yu. Wetindu wikɛd pipul dɛn de bɛtɛ na layf? Wetindu ɔl dɛn pipul dɛn we de ple dakadeke de bɛtɛ na layf?

Jɛrimaya 2:33

Una sabi waka fɔ go fɛn una lɔva dɛm! Somɔch dat una dɔn tich dɛn wikɛd uman dɛm, fɔ du wetin una de du.

Di Sam Dɛm 119:70

Dɛn at traŋa, bɔt mi go ɛnjɔy fɔ du wetin yu lɔ se.

Di Sam Dɛm 72:4

Mek dis kiŋ ya so rɛdi fɔ fɛt fɔ di poman ɛn ɛp dɛn po pikin we dɛn pipul nɔ gɛt natin; ɛn pul dɛn kɔmɔt na di wan dɛn we de buli dɛn, dɛn an.

Job 12:6

Tifman we de fɔ atak ɔda pipul de na dɛn os wit kolat, ɛn nɔbɔdi nɔ de ambɔg pɔsin we PAPA GƆD de vɛks pan ɔltɛm, dɛn kin fil se dɛn trɛnk nain na dɛn gɔd.

Jɛrimaya 22:3

Na dis PAPA GƆD se: Trit ɔlman ikwali ɛn waka tret na PAPA GƆD in yay, ɛn pul di pɔsin we dɛn dɔn tif kɔmɔt na di wan we de sɔprɛs am in an. Nɔ trit fɔrina, pikin we in papa dɔn day ɛn uman we in man dɔn day, bad ɔ wit Vayolɛns, ɛn nɔ kil pɔsin we inosɛnt.

Di Sam Dɛm 73:4

Dɛn nɔ gɛt wan yagba; dɛn bɔdi de luk frɛsh ɔltɛm.

Prɔvabs 15:25

PAPA GƆD go brok pɔsin we de kak in fɛda in os, bɔt i nɔ go ambɔgin uman we in man dɔn day.