Jɛrimaya 5:25 - Krio Fɔs Oli Baybul

²⁵ Una bad layf dɔn mek una nɔ de gɛt ɔl dɛn tin dɛn ya igen, ɛn una sin dɛm dɔn diprayv una.

Jɛrimaya 5:25 Referans Kwoze

Ayzaya 59:2

bɔt una sin dɛn dɔn mek sɛpreshɔn bitwin una ɛn una Gɔd, ɛn una sin dɛn dɔn ayd in fes pan una we mek I nɔ de yɛri.

Di Sam Dɛm 107:34

ɛn usay tik kin gro fayn, in mek natin nɔ bia de, bikɔs di pipul we tap rawnd de bad.

Di Sam Dɛm 107:17

Sɔm man dɛn tɔn fulman we dɛn mek rebɛl pan PAPA GƆD so dɛn sɔfa nɔf fɔ dɛn sin dɛn.

Lamɛnteshɔn 3:39

Wetindu pɔsin we gɛt layf fɔ kɔmplen, yu mɔtalman, bɔt di pɔnishmɛnt we i de gɛt fɔ in sin?

Jɛrimaya 3:3

Fɔseka dat, wan ren nɔ de kam, ren nɔ de kam ren sizin; pan ɔl dat yu stil yu gɛt rare gyal fɔrɛd, yu nɔ gri shem.

Lamɛnteshɔn 4:22

Zayɔn in gyal pikin, di pɔnishmɛnt we una fɔ gɛt fɔ di bad tin dɛn we una du, una dɔn gɛt am dɔn, i nɔ go mek una de ɛgzayl igen; bɔt yu Idɔn in gyal pikin, i go pɔnish una fɔ di bad tin dɛn we una de du i nɔ go ayd una sin dɛn.

Jɛrimaya 4:18

Na di we we una de biev ɛn di tin dɛn we una de du, dɔn mek tin lɛk dis mit una. Na una yon dɔn dɔn so, ɛn i bita; una dɔn fil am na una at.

Jɛrimaya 14:1

PAPA GƆD in wɔd we rich Jɛrimaya kɔnsanin di drawt:

Jɛrimaya 14:7

“Ɔldo wi sin dɛm de sho se wi dɔti na Gɔd yay, bɔt duya PAPA GƆD, du sɔntin fɔseka yu nem; bikɔs wi bakslayd bɔku bɔku tɛm, wi dɔn kɔmit sin to yu.